Nahúm 3:1 - Qullan Arunaka DC

¹ ¡Jaqi jiwayir Nínive marka, kunakïkan jumatxa, k'arisiñampi, nuwasiñampi phuqhantatätawa; jan tukuskir lunthatasiñampi phuqhantata!

Aymar Bibliia 1986

¹ “¡Cunaquïcan jumatjja, jake jiwayir marca, c'arisiñampi, nuwasiñampi phokhantatätawa; lunthatasiñamasti jan tucusquiriraquiwa!

Qullan Arunaca

¹ “¡Cunaquïcan jumatjja, jake jiwayir marca, c'arisiñampi, nuwasiñampi phokhantatätawa; lunthatasiñamasti jan tucusquiriraquiwa!

Nahúm 3:1 Jak'a apnaqawi uñst'ayäwi

Salmos 62:10

10 (11) Ch'axwañanakarux jan wayusipxamti; ¡janirak lunthatasiñarus chuym katuyasipxamti! Qamiris tukusipkätaxa, qullqir jan alkatapxamti.

Isaías 17:14

Jayp'u tuqirusti axsarkañjamäpxiwa, ukampis qhantatirux janiw kunas utjkxiti. Ukhamaw jiwasar lunthatjirinakax tukusipxi, jiwasar jan walt'ayirinakas ukham tukusipxi.

Isaías 24:9

Janiw jichhax q'uchuñanakamp chika vino umañax utjkxaniti; umañanakas umirinakatakix k'allk'uw tukxani.

Isaías 42:24

¿Khitis Israel, Jacobun markaparux, atipjatäpan, katuntatarakïpan sixa? Pachpa Tatituw ukham luratäñap amti. Jupanakasti Tatitu nayraqatan juch lurapxi, janiw kuna thaktix Tatitux uñacht'ayki ukanjam sarañ munapkiti, janirakiw yatichäwinakaparus jaysapkiti.

Oseas 4:2

Ukampis k'ari juramentompi, k'arisiñampikiw utjaski, jaqi jiwayañampi, lunthatasiñampi, wachuq jucha lurañampi, nuwasiñampi; jaqinak pura jiwarayasiñampi.

Nahúm 2:13

13 (14) Taqi ch'amani Dios Tatitux siwa: “Akanktwa jumar saykatañataki; nuwasiñar sarir carronakamsa nakhantayäwa, jaqinakamarus q'al jiwarayä; lunthatasiñanakamsa q'al tukjarakï; yatiyirinakaman arunakapax janiw juk'ampi ist'askxaniti. Nayätwa Israel markan Diosapaxa, arsutaxsa phuqhapunïwa” sasa.

Habacuc 2:12

¡Ay kunakïkan juma Babiloniatxa, markanakamxa jiwayañanakxaru, jan chiqa uñjañanakxaruw sayt'ayaraktaxa!