Nahúm 2:5 - Qullan Arunaka DC

⁵ 5 (6) Reyisti jilïri soldadonakaparuw jawsi, jupanakasti phuqhañatakix jalakamakiw ukkhar puripxi, nuwantañatakiw jach'a pirqanak wakichasipxi, ukampis pirqa patar mistkasin liwiqtanipxi.

Aymar Bibliia 1986

⁵ Reyipasti jilïri soldadonacaparuw jawsi, jupanacasti perkar jalanisinjja taquirasipjjewa, sayt'asiñataquiraquiw uscusipjje.

Qullan Arunaca

⁵ Reyipasti jilïri soldadonacaparuw jawsi, jupanacasti perkar jalanisinjja taquirasipjjewa, sayt'asiñataquiraquiw uscusipjje.

Nahúm 2:5 Jak'a apnaqawi uñst'ayäwi

Isaías 21:5

Manq'añawjax niya wakicht'atäxiwa, jant'akunakas jant'akt'atarakiwa, jach'a manq'äwix niya qalltxarakiwa. ¡Soldadonakan jilïripa, sayt'asipxam, jark'aqasiñanakam sum llijtayapxam!

Isaías 5:27

jupanak taypinsti janiw pisi ch'amasa, qaritas utjkiti, janiw iki machatas utjkiti, janiw khitis wak'ampi jan suma wak't'asitax utjkiti, janirakiw wiskhunakapan t'isnunakapas t'aqaratäkiti.

Jeremías 46:12

Markanakasti atipjatätam niyaw yatxapxi, ayquñat arnaqasitamax taqi chiqan ist'asi; nuwasirinakasti jupanakkamaw thuqthapipxi, ukatsti uraqirkamaw liwirtapxaraki.”

Jeremías 50:29

“¡Nuwantir jaqinakax jutapxpan, Babiloniar nuwantapxpan! ¡Uka markar muyuntapxpan, ukhamat jan maynis jaltañapataki! Babilonia markax nayaruw saykatitu. ¡Lurataparjam jupanakarux churapxam! ¡Kunjämtix jupax mayninakar lurki, ukhamarak jumanakax jupar lurapxam! Nayätwa Israel markan Diosapaxa, nayax yaqha diosanakat sipansa mayjapunïtwa.

Nahúm 2:6

6 (7) ¡Asiria marka, uñisirinakamaw markaman punkunakap t'unantanipxi! Markax soldadonakan phuqhantatawa, reyin utapansa taqiniw axsarañat khathatipxi.

Nahúm 3:18

“¡Asiria markankir rey, awatirinakamax ikiraskiwa! Jilïrinakamas samarasipkiwa, jaqinakamasti qullunakan ananukutaw sarnaqasipki, janirakiw khitis jupanakar anthapirix utjkiti.

Nahúm 3:3

¡Caballerian sartatapa! ¡Espadanakan llijtatapa, lanzanakan llijutapa! ¡Usuchjatanakax waranqanaka, jaqi jiwaratanakas jan jakt'kayaraki! ¡Uka jiwatanakar lanktasaw jaqinakax liwisipxi!

Habacuc 1:8

Caballonakapasti leopardo sata laq'unakat sipansa juk'amp jalirinakawa, wasarankir manq'at awtjat qamaqinakat sipansa juk'amp qhurüpxarakiwa. Caballxat jalirinakapasti jach'a tamar tukusaw jalapxi, uñisirinakapar katurpayañatakiw tutukxatapxi, kunjämatix pakax katjañatak thuqxatki ukhama.