Nahúm 2:4 - Qullan Arunaka DC

⁴ 4 (5) Carronakapax wali phiñasitäpkaspas ukhamaw marka thakhinakanjam jalnaqapxi, plazanakansa maysat maysa jalapxi, nina wiyanakar uñtata, lliju llijunakjamarakiw chhaqtawayapxi.

Aymar Bibliia 1986

⁴ Carronacapasti wali colerataraquiw callenacan jalnacapjje, plazanacansa maysat mayswa jalapjje, nina wiyanacar uñtatawa, lliju llijunacjamaraquiw chhactapjje.

Qullan Arunaca

⁴ Carronacapasti wali colerataraquiw callenacan jalnacapjje, plazanacansa maysat mayswa jalapjje, nina wiyanacar uñtatawa, lliju llijunacjamaraquiw chhactapjje.

Nahúm 2:4 Jak'a apnaqawi uñst'ayäwi

Proverbios 31:21

Janiw khunu thayar axsarkiti utapankirinakax taqpachaniw suma thuru isinak uchasipxi.

Isaías 37:24

Juman yanapirinakam tuqiw Tatiturux jisk'achtaxa. Saraktawa: ‘Nuwasir sarir walja carronakaxampiw wali alay Líbano qullunakar makhatta. Jach'a cedro quqanakapa, suma pinonakapsa, q'al khuchhurarakta. Wali alay qullunakapkamapuniw purta, panqar yapur uñtat ch'uminakapkamaw purta.

Isaías 66:15

Tatitux nina taypinjam purinini, carronakapasti mä tutuka thayar uñtatawa; wali ch'amampiw phiñasiñap uñacht'ayani, mutuyäwipasti aqkir ninjamäniwa.

Jeremías 4:13

Uñtapxam, uñisirinakax mä qinayjamaw jutanti, nuwasiñ carronakapasti mä jach'a thayjamaw jutantapxi, caballonakapasti pakat sipansa juk'ampi jalapxi. ¡Kunakïkan jiwasatakixa, janiw kawkhar imantasiñasas utjkistuti!

Jeremías 46:9

“¡Caballeriax sarantpan! ¡Nuwasiñ carronakas sarantarakpan! ¡Soldadonakasti sarantapxpan; Etiopía, Libia tuqinkir soldadonakasti jark'aqasiñanakap apt'at sarantapxpan; Lidiankir soldadonakasti, mich'inak antutt'añanakap sum jiyantapxpan!

Ezequiel 23:24

Jumar jan walt'ayañatakisti walja carronakampi, walja ejercitompiw jutantapxani; taqi tuqit muyuntapxätam jark'aqasiñanakapas apt'ata, nuwasiñ yänakapas ayt'ata, casconakampi asxatata, nayasti jupanakarux jumar taripañatak munañanïñ churä, jupanakasti kamachinakaparjamaw taripapxarakïtam.

Ezequiel 26:10

Babiloniankir reyix punkum chiqaw mantanini, katuntat markaru mantatäki ukhama, caballonakax waljapunïniwa, caballonakan laq'a sartayatapaw jumar chhaqtayarakïtam, caballeriapan sarantatapampi, carronakapan uxutapampix pirqanakam khathatiyani;

Ezequiel 26:7

“Naya, Tatitux saraktwa: Amsta tuqitxa, Babiloniankir Nabucodonosor reyiruw jutayä, wali ch'aman reyiwa, Tiro markar nuwantiriw jutani. Caballonakampi, carronakampi, walja soldadonakampiw jutantani.

Daniel (hebreo) 11:40

“ ‘Tukuy pacha purinkani ukkhasti, aynach tuqinkir reyix amsta tuqinkir reyiruw nuwantani; ukampis amsta tuqinkir reyix jupamp nuwantasiñatakiw mistuni, ukatsti mä jach'a thayäkaspa ukhamaw aynach tuqitak sartani, nuwasiñ carronakampi, caballeriampi, walja soldadonakampi, walja barconakampi mantantasa.