Nahúm 1:6 - Qullan Arunaka DC

⁶ ¿Khitirak q'apisitap nayraqatan sayt'aspasti? ¿Khitirak phiñasitapar qallkataspasti? Q'apisiñapax ninjamaw aqatati, jupa nayraqatansti qarqanakas payaruw ch'iyjtawayi.

Aymar Bibliia 1986

⁶ ¿Qhitirac jupan colerasitaparusti sayt'asispa? ¿Qhitirac colerasitaparusti kallcataspa? Colerasiñapajj ninjamaw akatati, jupa nayrakatansti karkanacas payaruw ch'iyjtawayi.

Qullan Arunaca

⁶ ¿Qhitirac jupan colerasitaparusti sayt'asispa? ¿Qhitirac colerasitaparusti kallcataspa? Colerasiñapajj ninjamaw akatati, jupa nayrakatansti karkanacas payaruw ch'iyjtawayi.

Nahúm 1:6 Jak'a apnaqawi uñst'ayäwi

1 Reyes 19:11

Ukat Tatitux jupar säna: “Anqar mistunim, ukatsti qullu patxan nayraqataxan sayt'asim” sasa. Ukapachaw Tatitux uka chiqa sarakipawayäna, ukatsti mä jach'a wali ch'aman thayaw qullu allinuküna, qarqanaksti Tatitun nayraqatapan jaljtayarakïna; ukampis Tatitux janiw uka thayankkänti. Uka thaya qhipatsti mä uraqi khathatiw utjarakïna; ukampis Tatitux janiw uka uraqi khathatinkkänti.

Job 26:11

Axsarkañ arunak Diosax arsuni ukapachasti, alaxpach apxäsir qullunakas axsarañat khathatipxi.

Job 40:11

Taqi jach'a jach'a tukur jaqinakar uñtam: jupanakar jisk'achjam, q'apisiñaman samarasim.

Job 9:5

Diosax phiñasiñapan qullunak unxtayi; pampa tukuyaraki, janiw khitis ukxa amuykiti.

Salmos 130:3

Dios Tatay, jumatix taqpach juchanak amxäsiskakismaxa, ¿khitirak nayraqataman sayt'aspasti?

Salmos 76:7

7 (8) ¡Jumax axsarkayapunïtawa! ¿Khitirak nayraqataman sayt'aspasti, q'apisiñaman ninjam aqtatap laykusti?

Salmos 76:8

8 (9) Diosay, alaxpachatpach arsutam yatiytaxa; uraqix axsariwa, amukt'arakiwa,

Salmos 90:11

¿Khitirak phiñasiñamampi lurjatanak yatisti? ¿Khitirak q'apisiñam uñt'isti?

Isaías 10:16

Ukatpï jichhax taqi ch'aman Tatituxa, uka lunqhu jaqinakxarux mä usu apayaninixa, reyirusa, reyin ejercitoparusa, uka usux jan ch'aman tukuyani.

Isaías 13:13

Uka urun nayan phiñasitaxan jach'ätapatxa, alaxpachax khathatiniwa, aka uraqis yaqha chiqaruw jittarakini.

Isaías 27:4

Janiw jupatakix phiñasitäkxti; ukampis jan ist'asirinakax utjaskakiwa, ukatsti, nayaw uka markat jupanakarux apsü.

Isaías 33:14

Juchararanakax Jerusalén markan khathatipxiwa, ñanqha jaqinakasti axsarañampi phuqhantatäpxiwa, ukatsti sapxarakiwa: “¿Khitirak jiwasanakat nakhantir nina taypin jakaspasti? ¿Khitirak wiñay nina sank'an jakaspasti?” sasa.

Isaías 66:15

Tatitux nina taypinjam purinini, carronakapasti mä tutuka thayar uñtatawa; wali ch'amampiw phiñasiñap uñacht'ayani, mutuyäwipasti aqkir ninjamäniwa.

Jeremías 10:10

Tatitu sapakiw chiqpach Diosaxa, jakkir Tatituxa, wiñay Reyixa. Jupan q'apisiñapansti, aka uraqix khathatiwa; markanakasti janirakiw phiñasitaparux saykatkaspati.

Lamentaciones 2:3

Tatitusti phiñasiñapan atipjataxa, Israelan ch'amapxa q'al chhaqtäwayi. Uñisirinakarux saykatasktanwa ukampis Tatitux janiw yanapkistuti. ¡Jacobun uraqipansti mä ninaw aqti, uka ninasti kunatix utjki ukanak taqpach nakhantawayi!

Lamentaciones 2:4

Tatitux mä uñisirïkaspas ukhamaw mich'ip antutt'añatak wakicht'asi; awqäkaspas ukhamarakiw taqi kunatix sumäki ukanak t'unjawayi; phiñasiñapxa mä ninjamaw ukkha suma Jerusalén markxar jaqxatani.

Lamentaciones 4:11

Tatitun phiñasiñapax sinti jach'apunïnwa, aqkir phiñasiñapax jan t'akuykayänwa; Jerusalén markarusti ninampiw phichkatäna, uraqitpach q'al t'unjarakïna.

Ezequiel 21:31

31 (36) Jumxaruw phiñasiñaxa mä nakhantir ninjam warxatanï; ukatsti jan khuyapayasiñan qhuru jaqinakan amparaparuw katuyäma.

Ezequiel 30:16

Egipto markarux ninampiw phichkatä, Sin sat markasti walpun t'aqhisini; Tebas markan pirqanakapansti jach'a k'ajllanakaw jist'artani, Menfis markasti urpach katuntataw uñjasini.

Ezequiel 39:6

Magog markxarusti nina apayanï, khitinakatix jach'a quta tuqinakan k'uchik jakasisipki ukanakxarus apayanirakïwa. Ukapachaw jupanakax nayan Tatitütax yatipxani.

Ezequiel 7:8

Jichhpachaw phiñasiñax jumxar ukkhaki sañkam warxatanï, taqi sarnaqäwinakamatsti wayt'ämawa, taqi axtaskañ luräwinakamatsa mutuyarakïmawa.

Nahúm 1:2

Tatitux taqinin jupar chiqa arkañas muni; khitinakatix jupar saykatapki, uñisipkaraki ukanakarux mutuyiwa.

Sofonías 2:2

t'unar uñtat thayampi janïr khuysutäkasina, Tatitun jach'a q'apisiñapax ninjam jumanakxaru janïr purinkipana, Tatitun taripäwi urupax jumanakxar janïr purinkipana.

Malaquías 3:2

Ukampis, ¿khitirak jutañap urumpi q'iwtasispasti? ¿Khitirak jupa nayraqatan sayt'asispasti? Ninar uñtataw jupax purinini, jiwasar q'umachañataki, jabonar uñtataw q'añunak jiwasan chuymasat apaqani.

Malaquías 4:1

1 (19) Taqi ch'aman Tatitux siwa: “Urux jak'achasisinkiwa, hornor uñtat parintata, uka urusti taqi jach'a jach'a tukurinakampi, ñanqha luririnakampix jichhur uñtataw nakhantani. Uka uru purinkani ukapachaw jupanakar saphitpach nakhantani, janirakiw kunas jupanakat jilt'kaniti.

Apocalipsis 16:1

Ukatsti mä jach'a aru ist'arakta qullan utjäwit mistuniri, paqallqu angelanakarusti sänwa: “Sarapxam, ukatsti Diosan q'apisiñapamp phuqhantat paqallqu qirunak uraqir waranukunipxam” sasa.

Apocalipsis 16:8

Pusïr angelasti intxaruw qirup warxatäna, ukatsti intix munañanïñ kankañ katuqäna, taqi jaqinakar nakhantañataki.

Apocalipsis 6:17

Jach'a t'aqhisiñ urux purinxiwa, ¿khitirak mutuyäwitak sayt'asispasti?” sasa.