Nahúm 1:5 - Qullan Arunaka DC

⁵ Jupa nayraqatanxa qullunakas khathatiwa; nayräxapansti jisk'a qullunakas chullutatawayxakiwa. Taqi aka uraqpachan jakirinakasa jupar uñjasax wal khathatipxi.

Aymar Bibliia 1986

⁵ Jupa nayrakatanjja kollunacas qhathatipjjiwa; nayräjjapansti jisc'a kollunacas chullutatawayjjaquiwa. Take aca orakpacharaquiw jupar uñjasajj qhathati, uqhamarac aca oraken jaquirinacasa.

Qullan Arunaca

⁵ Jupa nayrakatanjja kollunacas qhathatipjjiwa; nayräjjapansti jisc'a kollunacas chullutatawayjjaquiwa. Take aca orakpacharaquiw jupar uñjasajj qhathati, uqhamarac aca oraken jaquirinacasa.

Nahúm 1:5 Jak'a apnaqawi uñst'ayäwi

2 Samuel 22:8

“Uraqix ch'amampiw khathatïna, qullunakax saphitpach unxtäna, ¡Tatitun q'apisitap laykuw khathatïna!

Job 26:11

Axsarkañ arunak Diosax arsuni ukapachasti, alaxpach apxäsir qullunakas axsarañat khathatipxi.

Job 9:5

Diosax phiñasiñapan qullunak unxtayi; pampa tukuyaraki, janiw khitis ukxa amuykiti.

Salmos 104:32

Diosax uñtanki ukapachax uraqix khathatiwa; ¡qullunakar llamkt'ki ukapachasti, jiwq'i mistuyapxi!

Salmos 114:4

¡Jisk'a qullusa, jach'a qullusa, ovej qallunakar uñtataw t'isktapxäna!

Salmos 114:6

Jach'a qullunaka, ¿kunatarak ovejanakar uñtat t'isktapxtasti? Jisk'a qullunaka, ¿kunatarak ovej qallunakar uñtat thuqtapxtasti?

Salmos 18:7

7 (8) Ukapachaw uraq khathatix utjäna, qullunakasti saphitpach unxtäna; Tatitun q'apisiñapampi khathatiyatäpxänwa.

Salmos 18:8

8 (9) nasapat jiwq'iw mistüna, lakapatsti nakhantir ninaw lawrsüna, ¡lakapat k'illim sank'anak jutayäna.

Salmos 46:6

6 (7) Markanakax uxuwa, reyinakasti khathatiwa, uraqix khathatiwa, ch'aman arup ist'asiyki ukapachaxa.

Salmos 68:8

8 (9) uraqix khathatïnwa, jallux alaxpachat purintäna, Sinaí qullux Diosan nayraqatapan khathatïna; Israelan Diosap nayraqatan axsaräna.

Salmos 98:7

Lamar qutampi ukan utjirinakampix qhuthutipxpan, akapachasa, ukan jakirinakas uxtapxarakpan;

Éxodo 19:18

Taqpach Sinaí qulluw jiwq'ïna, Tatituw nina taypinjam saraqanitayna. Uka jiwq'isti mä hornotjam mistsüna, qullusti walpun khathatïna.

Isaías 24:1

Uñtapxam, Tatitux aka uraq tukjaniwa, q'al allthapini, mayjt'ayaniwa, jaqinakarusti uksar aksaruw ananukuni.

Isaías 24:20

Mä machat jaqjamaw aytinkini, mä thantha chhujllar uñtataw khathatini. Juchanakapasti jupxarux walpun jatxattani, liwisiniwa, ukatsti janirakiw mayampsa sartkxaniti.

Isaías 5:25

Ukat Tatitux markapatak wal q'apisïna, amparapsa mutuyañatakiw aytarakïna. Qullunakax khathatipxänwa, jaqi jiwatanakasti saräwinakan t'unar uñtat jaqtatäpxänwa. Ukampis Tatitux phiñasitakïskiwa, amparapas mutuyañatakix wakicht'atakïskiwa.

Jeremías 10:10

Tatitu sapakiw chiqpach Diosaxa, jakkir Tatituxa, wiñay Reyixa. Jupan q'apisiñapansti, aka uraqix khathatiwa; markanakasti janirakiw phiñasitaparux saykatkaspati.

Jeremías 4:24

Jach'a qullunak uñtta, ukanakasti khathatipxänwa; jisk'a qullunakas chhijthaptapxänwa.

Ezequiel 38:20

Jach'a qutankir chawllanakasa, alaxpach jamach'inakasa, montenkir animalanakasa, katarinakasa, naya nayraqatan khathatipxani, ukhamaraki taqi jaqinakasa. Jach'a qullunakasa, qarqanakasa q'alaw allthaptani, taqi pirqanakas liwirtarakiniwa.

Joel 2:10

Aka uraqisti jupanak uñjasax khathatiwa, alaxpachas axsarañat chhijthaptiwa, intisa, phaxsis ch'amakt'xiwa, warawaranakas janirakiw sum k'ajtkxiti.

Amós 9:5

Taqi ch'aman Tatit Diosax uraqiruw takt'i, uraqisti umatatiwa, jaqinakapax uk uñjasax taqiniw jachapxi. Kunjämatix Nilo jawiran umax jilxatti, wañaqaraki, ukhamaw uraqix uñstani, chhaqtarakini.

Miqueas 1:4

Jupan takt'ataparusti qullunakax pampaw tukuni, kunjämatix lik'ix ninar apxatatax umatatki ukhama, qhirwa aynachanakas jalkir uman kharjatjamaw payar jist'jtani.

Habacuc 3:10

Jumar uñjasax jach'a qullunakas khathatipxiwa, Alay qinayanakatsa jallux walipuniw waraqtani, jach'a qutax wararkaspas ukhamawa, mathapinakapas jach'anakaw sartaraki.

Zacarías 4:7

¿Khitïtas jumax jach'a qullu? ¡Zorobabelan nayraqatapan pampar tukutaw uñjasïta! Jupaw qallta qalxa uchantani, nayan utax wasitat lurañataki, markaxax kusisiñat arnaqasini: ‘¡Kunja sumas akaxa! ¡Kunja sumasa!’ ” sasa.

Malaquías 4:1

1 (19) Taqi ch'aman Tatitux siwa: “Urux jak'achasisinkiwa, hornor uñtat parintata, uka urusti taqi jach'a jach'a tukurinakampi, ñanqha luririnakampix jichhur uñtataw nakhantani. Uka uru purinkani ukapachaw jupanakar saphitpach nakhantani, janirakiw kunas jupanakat jilt'kaniti.

Mateo 27:51

Ukapachaw Tatitun utapankir jach'a cortinax payar ch'iyjtäna, amstat qalltasina aynachar tukuyasa. Uraqix khathatïnwa, qarqanakas ch'iyatattänwa,

Mateo 28:2

Ukatsti akatjamat uraq khathatix sartäna. Tatitun angelapaw alaxpachat saraqanitayna, amay imäwir jak'achasisin uka jach'a qala atiqäna, ukatsti uka patxaruw qunt'asïna.

Apocalipsis 20:11

Ukatsti mä jach'a janq'u qhapaq qunuñ uñjarakta, ukan qunt'atäkän ukampiru. Jupan nayraqatapat uraqimpi alaxpachampix jan mayampitakiw chhaqtawayxäna, janirakiw kawkinsa wasitat uñjañäkxänti.

Apocalipsis 6:14

Alaxpachasti chhaqtawayxänwa, mä llawur uñtatakiw llawthaptawayxäna, ukatsti taqpach qullunakampi, quta taypin utjir wat'anakampix yaqha chiqar unxtayataw uñjasïna.

Jueces 5:5

Tatay, juman nayraqatamana, Israelan Diosapa, juman nayraqatamana, qullunakax khathatïna, Sinaí qullus khathatïna.