Nahúm 1:4 - Qullan Arunaka DC

⁴ Jach'a qutarusti tuqintasin wañt'ayi; taqi jawiranaksa wañt'ayarakiwa. Basán tuqinkir pampa uraqinakapasa, Carmelo qullun ch'uxñanakapas wañsuwayxiwa, Libanonkir panqaranakas pharsuwayxarakiwa.

Aymar Bibliia 1986

⁴ Jach'a kotarusti runcantasinjja, wañt'ayaraquiwa; take jawiranacsa wañt'ayaraquiwa. Basán tokenquir orakenacasti, uqhamarac Carmelo kollusa wañsuwayjjaraquiwa, Libanonquir pankaras pharsuwayjjaraquiwa.

Qullan Arunaca

⁴ Jach'a kotarusti runcantasinjja, wañt'ayaraquiwa; take jawiranacsa wañt'ayaraquiwa. Basán tokenquir orakenacasti, uqhamarac Carmelo kollusa wañsuwayjjaraquiwa, Libanonquir pankaras pharsuwayjjaraquiwa.

Nahúm 1:4 Jak'a apnaqawi uñst'ayäwi

Génesis 8:1

Diosasti, Noé chachata, jupamp chika arca manqhankapkän taqi uka animalanakat amtasïna. Uraqirusti mä thaya thayt'ayanïna, ukatsti umax wañaqañ qalltxäna;

2 Samuel 22:16

Lamar quta manqhax uñstxänwa, aka uraqin saphipas uñstxarakïnwa, Tatitun axsarkañ arup ist'asitap layku, q'apisiñat samanap ch'amamp phust'atap layku.

Job 38:11

Ukatsti qutarux saraktwa: “Akakamakiw purinïta, ukat khursarusti janiw makhatätati; akkharuw jach'a mathapinakamas t'unasirakini” sasa.

Salmos 104:7

Ukampis ch'aman arunakam ist'asax sarxänwa, q'ixu q'ixu arunakam ist'asax jank'akiw jaltxäna:

Salmos 106:9

Mar Rojo qutaruw tuqinuqäyätaxa, qutasti wañt'änwa, waña uraqinjam irpkatäyätaxa.

Salmos 114:3

Lamar qutax Israel markar uñjasax jist'jtänwa, Jordán jawir umasti qhiparuw kuttäna.

Salmos 114:5

Lamar quta, ¿kunatarak jist'arttasti? Jordán jawira, ¿kunatarak qhipar kuttasti?

Salmos 18:16

16 (17) Tatitux alaxpachatpach amparap luqtanitu, amparapampiw jach'a lamar qutat waysutu.

Salmos 74:15

Jumaw uma jalsunaksa, jawiranaksa jalsuytaxa, jumaw jan wañsur jawiranak wañt'aytaxa.

Isaías 33:9

Taqiniw aka markan wali llakt'at jikxatasipxi, Líbano qullunkir ch'uminakas q'alaw wañsuwayxi, Sarón qhirwasti ch'usa wasarar tukutawa, Basán chiqasa, Carmelo qullusa q'ara qullukïxiwa.

Isaías 42:15

Jach'a qullüpasa, jisk'a qullüpasa, q'al t'unjä, taqi ch'uxña alinakapsa q'al wañsuyä. Jawiranaksti wasararuw tukuyä, jisk'a qutanaksa wañt'ayarakïwa.

Isaías 44:27

Nayax jach'a qutan umanakaparus ‘wañt'am’ siristwa, jawiranakapas jan umani tukpan sarakiristwa.

Isaías 51:10

Jach'a lamar qutsa jumaw wañt'ayta, uka qutanjam mä thakhi jist'arta, uka chiqaw markamax makhatawayi.

Ezequiel 30:12

Nilo jawirsti wañt'ayarakïwa, Egipto markarux qhuru jaqinakan amparaparuw katuyä; uka jaya markat jutir jaqinak tuqiw aka markar t'unjä, ukan utjiri taqi yänakapamppacha. Naya, Tatituw uk arsta.

Ezequiel 38:20

Jach'a qutankir chawllanakasa, alaxpach jamach'inakasa, montenkir animalanakasa, katarinakasa, naya nayraqatan khathatipxani, ukhamaraki taqi jaqinakasa. Jach'a qullunakasa, qarqanakasa q'alaw allthaptani, taqi pirqanakas liwirtarakiniwa.

Amós 1:2

Amós profetax sänwa: Tatitux Jerusalén markana, Sión qullutpacha wali jach'a arumpi art'ki ukapachaxa, uywa manq'añ chhuxllanakas q'alaw pharsxi, Carmelo sat qullus wañsxarakiwa.

Amós 5:8

Tatituw jan jakt'kay warawaranak luri, jupaw ch'amak arumar qhanjtayi, uru qhansti ch'amak arumar tukuyaraki; qutankir umanaksa qinayanak tuqiw waña uraqir warxati; jupaw ch'aman jaqinakarux atipji, markan jach'a pirqanakapsa allinuku. Sutipasti, Tatitu Diosawa.

Mateo 8:26

Jupasti sarakïnwa: —¡Juk'a iyawsañan jaqinaka! ¿Kunatsa sinti mulljasipxta? —sasa. Uk sasinsti, sartasisin thayampiru qutampiruw tuqinuqäna, arsutaparusti thayasa, qutas t'akurawayxänwa.