Nahúm 1:2 - Qullan Arunaka DC

² Tatitux taqinin jupar chiqa arkañas muni; khitinakatix jupar saykatapki, uñisipkaraki ukanakarux mutuyiwa.

Aymar Bibliia 1986

² “Tatitojj mutuyiri celoso Diosaraquiwa; qhitinacatejj jupa conträpqui ucanacarojj mutuyiwa, uñisirinacapampisti walrac colerasiraqui.

Qullan Arunaca

² “Tatitojj mutuyiri celoso Diosaraquiwa; qhitinacatejj jupa conträpqui ucanacarojj mutuyiwa, uñisirinacapampisti walrac colerasiraqui.

Nahúm 1:2 Jak'a apnaqawi uñst'ayäwi

Job 20:23

Purakap phuqt'asiñ munaskani ukapachaw, Tatitux q'apisiñap jupxar puriyanini.

Salmos 94:1

¡Ukhamat ukham kutsuyasir Tatay, uñachayasikimaya!

Éxodo 20:5

Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta;

Éxodo 34:14

“Janipuniw yaqha diosanakarux yupaychapxätati, Tatitux janiw yaqhampïpxañam munkiti. Sutipasti jan yaqhampïñap muniri satawa.

Éxodo 34:7

Waranqa wawanakan wawanakapatakis pachpa chiqa aski munasiriwa, ñanqha luratanaksa, jan wali amtäwinaksa, juchanaksa pampachiwa; ukampis juchanirux mutuyapuniwa, awkinakan ñanqha luratanakapatxa, wawanakaparu, allchhinakaparu, allchhinakapan wawanakaparu, allchhinakapan allchhinakaparuw mutuyi —sasa.

Isaías 42:13

Tatitusti mä atipirjamaw mistunini, taqi ch'amampiw nuwasir jaqjam nuwasini; nuwantañatakiw art'ani, uñisirinakaparusti atipjaniwa.

Isaías 51:17

Jerusalén marka, sartasim, Jerusalén marka, sayt'asim, jumaw Tatitun phiñasitapat t'aqhistaxa, walpin t'aqhistaxa, jan sayt'kiriw uñjasiraktaxa.

Isaías 51:20

Wawanakamasti marka thakhi muyt'anakan liwinukutaw uñjasipxi, tarujar qänampi katuntatjamaw jan ch'amani uñjasipxi, Tatitun phiñasiñapampi chhuxriñchjata, Diosan chiqachäwipampi t'aqhisiyataw uñjasipxi.

Isaías 66:15

Tatitux nina taypinjam purinini, carronakapasti mä tutuka thayar uñtatawa; wali ch'amampiw phiñasiñap uñacht'ayani, mutuyäwipasti aqkir ninjamäniwa.

Jeremías 25:15

Israelan Tatitu Diosapasti sarakituwa: “Jeremías, amparaxankki uka qirux phiñasiñaxampix vinompi phuqhantatjamawa. Jichhax jum katxarum ukatsti kawkïr markanakarutix nayax khitkäma ukanakar umarayanim.

Jeremías 28:8

Kawkïr profetanakatix nayra pachan utjkäna, janïra jumas, nayas yurkäyätan ukapacha; ukanakasti nuwasiñanaka, t'aqhisiñanaka, kunayman usunakan utjañap yatiyapxäna, walja jach'a ch'amani markanakataki.

Jeremías 3:5

¿jichhasti phiñasitakïskätati? ¿q'apisiñamasti wiñayatakipunïniti?’ sasa. Ukham sasasti, qawqhtix munkta ukkharak ñanqhanak lurtaxa.”

Jeremías 36:7

Inampis ukhamat Tatitur mayisipxchispa, uka ñanqha luräwinakapsa apanukupxarakchispa, Tatitun aka markatak arski uka phiñasiñapax axsarkañawa” sasa.

Jeremías 4:4

Judá markankirinaka, Jerusalén markan utjir jaqinaka, jumanakax q'umachasxapxam, nayarusti Tatitut uñt'asxapxita, jumanakampi lurata arust'äwi phuqhapxam, ukampis chiqpachapin phuqhapxam; ukhamat ñanqha luratanakam laykux phiñasiñaxax ninjam jan aqtaskañapataki, uksti janiw khitis jiwaraykaspati.

Jeremías 50:15

¡Nuwasiñ arunak taqi tuqin art'apxam! ¡Babiloniasti niya atipjatäxaniwa! ¡Pukaranakapax liwirtxiwa, pirqanakapas tinkurxarakiwa! ¡Akaw nayan phuqsusiñaxaxa, jumanakasti jupat phuqsusipxarakim! ¡Kunjämtix jupax jumanakampi lurkäna ukhamarak jichhax jupar lurapxam!

Lamentaciones 4:11

Tatitun phiñasiñapax sinti jach'apunïnwa, aqkir phiñasiñapax jan t'akuykayänwa; Jerusalén markarusti ninampiw phichkatäna, uraqitpach q'al t'unjarakïna.

Ezequiel 36:6

“Israel markarux nayan sutixar parlam, ukatsti sarakim: ‘Tatitux jach'a qullunakaru, jisk'a qullunakaru, jawiranakaru, qhirwanakarux akham siwa: Nayax wali phiñasitätwa kawkïr yaqha markanakatix jumanakar jisk'achjasin t'aqhisiyapktam ukanakatakixa.

Ezequiel 38:18

Tatitux sarakiwa: “Gog sat jilïrix Israel markar nuwantkani ukkhasti, phiñasiñaxax ninjamaw aqtani.

Ezequiel 38:19

Uka aqkir phiñasiñaxan arsta, uka urunakan mä jach'a uraqi khathatiw Israel uraqin utjani.

Ezequiel 39:25

“Ukatpï jichhax naya, Tatitux sistxa: Jichhax taqi Israel markpachat khuyapt'ayasï, Jacobun taqi wawanakapata. Israelan sarnaqäwipax sumar tukutäxaniwa, ukhamat nayan qullan sutixax suman uñjatäñapatak wayt'arakï.

Ezequiel 5:13

Ukapachaw nayax jach'a q'apisiñaxampi jupanakarux mutuyä, q'apisiñaxax malarkani ukkhaw yatipxani naya, Israelan Diosapa arsutaxa phuqhirïtaxa.

Ezequiel 6:12

Jayankirinakax usunakampiw jiwarapxani, jak'ankirinakasti nuwasïwin jiwarapxani, kawkïrinakatix ukanakatsa jakañan qhiparapkani ukanakasti, manq'atjamaw jiwarapxarakini. Ukham nayax Israel markxarux phiñasiñaxa samarasï.

Ezequiel 8:18

Ukampis nayax wali jach'a q'apisiñampiw jichhax sartasirakï. Janipuniw jupanakat khuyapayaskäti. Qawqhas arnaqasisipkpan, janipuniw jupanakarux ist'käti” sasa.

Joel 2:18

Ukatsti Tatitux munasiñap markaparux uñacht'ayi; markapat khuyapt'ayasisasti,

Levítico 26:28

nayax jumanakar jan walt'ayañatakiw sartä, ukatsti jucha luratanakamatxa paqallqu ukkhamp mutuyapxäma.

Miqueas 5:15

15 (14) Phiñasiñaxansti, jan jaysañ munapkitän uka markanakatxa, phuqsusirakïwa.”

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Zacarías 1:14

ukatsti angelax yatiyañaxatakiw nayar sarakitu: “Taqi ch'aman Tatitux akham siwa: ‘Nayax Jerusalén markampiru Sión qullumpirux walpun munasta.

Zacarías 8:2

“Naya, taqi ch'aman Tatitux ak arsta: Jach'aw munasiñaxax Jerusalén marka laykuxa; ukham sinti jach'arakiw q'apisiñaxax jupar uñisirinakataki.

Números 25:11

—Finees chachaw israelitanakatak q'apisitax apaqitu, jupax nayan aytat kankañax waqaychi, ukat nayax israelitanakar q'apisiñaxan atipat jan taqpach jiwaraykti.

Romanos 12:19

Munat jilatanaka, jumanak purax jan ukhamat ukham lurjasipxamti, jan ukasti Diosar jaytapxam, jupaw mutuyaskani. Qillqatax siwa: “Nayaruw chiqapar uñjañax wakt'itu; nayaw mutuyaskä, siw Tatituxa” sasa.

Romanos 13:4

jupanakasti jumanakan askimatakiw Diosatak irnaqapxi. Jumanakatix jan wal sarnaqapkät ukkhasti, axsarapxañamaw wakisi; marka apnaqirix janiw inamay jilïrikïkiti, jan ukasti, jupax jan wali lurir jaqir mutuyañatak Diosan irnaqiripat uchatawa.

Deuteronomio 4:24

¡Jumanakan Tatit Diosamasti tumpasir Diosawa, taqi kuns nakhantir ninjamawa!

Deuteronomio 7:10

Ukampis jupar uñisirinakarux jank'akiw t'unjaraki.

Hebreos 10:30

Tatitun arsutap niy yatiraktanwa: “Nayaruw chiqapar uñjañax wakt'itu; nayaw jupanakar kutt'ayaskä.” Ukat sarakiwa: “Tatituw markapar taripaskani” sasa.

Josué 24:19

Ukampis Josué chachax jupanakarux sänwa: —Jumanakax janjaw Tatitur luqtapkasmati, jupax qullana jan kamskaya Diosawa, janiw jumanakan sayt'asitanakamsa, jucha luratanakamsa inak uñjkaniti.

2 Pedro 2:9

Ukhampï Tatitux wawanakapar yant'anakat qhispiyañ yatixa, ukhamarak jan wali jaqinakarus taripäwi urun mutuyañatak yaqhachixa.