Nahúm 1:12 - Qullan Arunaka DC

¹² Ukat Tatitux markapar sixa: “Asiriankir jaqinakax waljanïpkchisa, ch'amanïpkarakchisa, jan mayampitak tukjatäpxaniwa. Judá marka, nayaw jumarux t'aqhisiysma, jichhax janiw juk'ampi t'aqhisiykxämati.

Aymar Bibliia 1986

¹² Ucatwa Tatitojj marcaparojj sejja: —Asirianquir jakenacajj waljanïpcchisa, ch'amanïpcaracchisa tucjatäpjjaniwa, janiraquiw mayampis utjcjjapjjaniti. Nayaw jumarojj t'akhesiysma, ucampis janiw jichhajj juc'ampi t'akhesiycjjämati.

Qullan Arunaca

¹² Ucatwa Tatitojj marcaparojj sejja: ‘Asirianquir jakenacajj waljanïpcchisa, ch'amanïpcaracchisa tucjatäpjjaniwa, janiraquiw mayampis utjcjjapjjaniti. Nayaw jumarojj t'akhesiysma, ucampis janiw jichhajj juc'ampi t'akhesiycjjämati.

Nahúm 1:12 Jak'a apnaqawi uñst'ayäwi

2 Reyes 19:35

Ukatsti uka arumpachaw Tatitun angelapax sarasin asirio ejerciton soldadonakapar jiwarayäna, pataka kimsaqallq tunka phisqan waranqa jaqinaka, qhipärmanthi willjtasti taqiniw jiwarat qhantatipxäna.

2 Reyes 19:37

Ukampis mä uruxa, kunapachatix Senaquerib reyix Nisroc sat diosapan templopan yupaychaskän ukkhawa, Adramélec, Sarézer sat yuqanakapax sarasin jupar jiwayapxäna, jiwayasinsti Ararat sat chiqaruw jaltxapxäna. Uka qhipatsti Esarhadón sat yuqapaw jupa lantix marka apnaqxäna.

Éxodo 12:12

Uka arumasti nayax taqpach Egipto uraqi chiqaw sarakipawayä, ukatsti egipcionakan taqi jilïr tayna yuqall wawanakap jiwaräwayä, ukhamarak uywanakan nayrïr qallunakaparu, ukhamat Egipton diosanakaparux mutuyä. Naya, Tatituw uk arsta.

Isaías 10:16

Ukatpï jichhax taqi ch'aman Tatituxa, uka lunqhu jaqinakxarux mä usu apayaninixa, reyirusa, reyin ejercitoparusa, uka usux jan ch'aman tukuyani.

Isaías 17:14

Jayp'u tuqirusti axsarkañjamäpxiwa, ukampis qhantatirux janiw kunas utjkxiti. Ukhamaw jiwasar lunthatjirinakax tukusipxi, jiwasar jan walt'ayirinakas ukham tukusipxi.

Isaías 30:19

Jerusalenan jakir israelitanaka, janiw juk'ampi jachkxapxätati. Yanap mayisisa arnaqasitamatxa, Tatituw khuyapt'ayasïtam, arnaqasitam ist'asinsti jaysarakïtamwa.

Isaías 31:8

uküruw Asiria markax atipjat uñjasini, janiw jaqin ch'amap laykuti. Uka nuwasïwix jaqinakaparuw jaltayani, nuwasir waynanakarusti katuntapxaniwa,

Isaías 37:36

Uka arumasti Tatitun angelapax sarasin pataka kimsaqallq tunka phisqani waranqa jaqinaka asirionakan campamentopan jiwarayäna, qhipärmanthisti taqiniw jiwarat uñjasipxäna.

Isaías 51:22

Tatitu Diosama, khititix markaparu arxatki ukax siwa: “Phiñasiñaxanxa, walpin jumanakarux mutuyapxsma, uraqiruw q'al liwnuqapxsma; ukampis jichhax janiw mayampsa mutuykxapxämati.

Isaías 7:20

Uka uru purinkani ukkhasti, Asiriankir reyix Judá markaruw mutuyani, uka luräwimpisti q'al jisk'achjani.

Isaías 8:8

Uka uñisir asirionakax Judá uraqkamaw puripxani, uka umax q'al chhaqtayani, mä pakar uñtataw thuqxatani, chhiqhanakap ayatatasaw uka uraqir jalxatani, Emanuel sat suma uraqirux q'al chhaqtayani.”

Daniel (hebreo) 11:10

“ ‘Ukat amsta tuqinkir reyin yuqanakapax nuwasiñatak wakichasipxani, mä jach'a ch'amani ejército sartayapxarakini. Uka yuqanakapat maynïrix aynach tuqinkir markar katuntañatakiw sarantani, kunjämatix jawiran umax wal mantantki ukhamaw soldadonakapax mantantani, taqi kun t'unjasa; ukatsti wasitat nuwantani, aynach tuqinkir reyin uyuchrantat markapkam purisa.

Joel 2:19

sarakiwa: “Jichhax trigo, vino, aceite apayanipxäma, ukanakampi sist'asipxañamkama, Diosar jan uñt'ir jaqinakan jumanakat larusipxañap janiw munkäti.

Nahúm 1:15

15 (1) ¡Judá markankir jaqinaka, uñtapxam! Suman sarnaqasiñ yatiyäwinak apanirix niyaw qullunjam jutaski. Phunchhäwi urunak lurapxam; arsutanakamsti phuqhapxarakim. Qhuru jaqinakasti janiw juk'ampi jumar nuwirix jutkxapxaniti; q'ala t'unjatäxapxiwa.

Apocalipsis 7:16

Janiw manq'atsa umatsa t'aqhiskxapxaniti, janirakiw intis nakhantkaniti, lupis jupanakar jan walt'aykarakiniti,