Miqueas 2:3 - Qullan Arunaka DC

³ Ukat Tatitux saraki: “Jumanak tuqi nayan amtatanakaxax utjarakituwa. Jumanakarux mä jan walt'aña apayanipxäma, ukatsti janiw qhispipkätati, sinti aynacht'aña urunakätapatsti, janirakiw jach'a jach'a tukusas sarnaqkxapxätati.

Aymar Bibliia 1986

³ Ucatwa Tatitojj saraqui: “Nayanjja jumanac contra amtatanacajjajj utjaraquituwa. Jumanacarojj mä chiji apayanipjjäma, ucatsti janiw khespipcätati, janiraquiw jach'a jach'a tucusa sarnakcjjapjjätati, uca urunacajj sinti aynacht'aña urunacätap laycu.

Qullan Arunaca

³ Ucatwa Tatitojj saraqui: “Nayanjja jumanac contra amtatanacajjajj utjaraquituwa. Jumanacarojj mä chiji apayanipjjäma, ucatsti janiw khespipcätati, janiraquiw jach'a jach'a tucusa sarnakcjjapjjätati, uca urunacajj sinti aynacht'aña urunacätap laycu.

Miqueas 2:3 Jak'a apnaqawi uñst'ayäwi

Isaías 29:20

Ñanqha jaqinakasti tukusxapxaniwa, jach'a jach'a tukur jaqinakas jiwarapxaniwa, ñanqha lurañ amtir jaqinakas tukusxapxaniwa,

Isaías 3:16

Tatitusti Jerusalenankir warminakarux sarakiwa: “Jerusalén markankir warminaka, jumanakax jach'a jach'a tukur warminakäpxtawa, p'iqsa alayar waytataw sarnaqapxtaxa, jisk'achañampiw mayninakarus uñch'ukipxtaxa, thuqtas thuqtasaw sarnaqapxtaxa, kunanakampi k'achachatäkitix kayunakamax ukanak chhulluqiyasa.

Isaías 5:19

Jumanakasti sapxaraktawa: “Diosax jank'akiy uñjañasatak lurañanakap lurpan; Israelan Qullan Tatitupasti jank'akiraki amtäwinakap phuqpan, ukhamat uka amtäwinakap yatiñasataki” sasa.

Jeremías 18:11

“Jichhax Jerusalén markan jakir jaqinakaru, Judá uraqin utjirinakarus sarakim, naya Tatituw jupanakar sista: ‘Jumanakar jan walt'ayañatakiw amtaskta; jumanakar mutuyañ amtaskta. Ukhamax jan wali sarnaqäwinakam apanukupxam, luräwinakamsa, sarnaqäwinakamsa askichasipxarakim’ sasa.

Jeremías 27:12

Naya, Jeremiasasti taqi uka arunak Judá uraqin Sedequías reyiparux yatiyta, ukatsa saskaktwa: “Jumanakatix jakañ munapxstaxa, Babilonia markankir reyiparu, ukhamarak jaqinakapar jaysapxam.

Jeremías 34:17

Ukat naya, Tatitux arsta: Jumanakax janiw nayarux ist'apkistati, kawkïr marka masinakamatix t'aqhisita taqi kun luras sarnaqasipki ukanakarusti janirakiw antutapktati; ukatpï jichhax nayax nuwasiñampiru, kunayman usunakampiru, mach'ampir antutkatapxämaxa, ukanakasti jumanakarux taqi aka markanakatakis wali axsarkañ tukuyapxätam. Naya, Tatituw uk arsta.

Jeremías 36:23

Jehudí chachax niya pusi jananak ullaraskäna, ukapachaw reyix ullaratatjam uka qillqat cuchillompi kharinuqäna, ukatsti uka nina nakhaskiriruw nakhantayäna. Uksti taqpach qillqat nakhantayañkamaw luräna.

Jeremías 43:2

Hosaíasan Azarías sat yuqapa, Caréah jaqin Johanán yuqapa, yaqha jach'a jach'a tukur jaqinakampiw Jeremiasarux sapxäna: “¡Jumax parlkta uka arunakax janiw chiqäkiti! Janiw Tatitu Diosasax jumarux sisktamti nanakaru ‘Egiptor jan sarapxamti’ sañamatakixa.

Jeremías 8:3

Uka ñanqha jaqinakat qhiparirinaksti, aka uraqpacharuw ananukü, jupanakax jakaskañat sipansa, jiwañak munxapxani. Naya, taqi ch'amani Tatituw ukham arsta.

Lamentaciones 1:14

Tatituw nayan juchanakax uñji; jupa kipkarakiw uka juchanak chinkatitu, uka juchanakasti mä yukükaspas ukhamaw jatxattitu: ¡ch'amaxas janiw utjkxiti! Tatituw uñisirinakan amparapar katuyitu, janiw jichhax ukanakar saykatirjamäkti.

Lamentaciones 2:17

Tatitux amtäwinakap phuqhapuniwa, arsutap phuqharakiwa. Kuntix nayratpach t'unjañ amtkäna ukxa, jichhax jan khuyapt'ayasisaw t'unji, uñisirinakamampis larusiytamwa, uñisiriman ch'amapsa jach'aruw aptaraki.

Lamentaciones 5:5

Nanakan kunkaxarusti mä yuku ayxatapxitu; qarjasipxtwa, janirakiw samart'ayapkitusa.

Daniel (hebreo) 4:37

37 (34) “Ukat jichhaxa, naya, Nabucodonosor reyix alaxpachankir Reyiru yupaychta, jach'añchta, waqaycharakta, jupan luräwinakapax chiqapapuniwa, jach'a jach'a tukurinakarusti jisk'achjarakiwa.”

Amós 2:14

Qawqhsa jaltasipkätawa, janiw atipapkätati; wali ch'aman jaqirusa ch'amax pist'aniwa, ch'amamp atipt'irïki uka jaqis qhispkaniti.

Amós 3:1

Israelitanaka, Tatitun arunakap ist'apxam, Egipto uraqit irpsunki uka markar arsut arunaka:

Amós 3:2

“Taqi markanak taypitxa, jumanak saparukiw ajllisipxsma. Ukat taqi jan wali ñanqhanak lurapxatanakamat taripapxäma”.

Amós 5:13

Urunakan jan walïxatapatxa, yatiñan jaqinakax janiw parlañ munkxapxiti.

Miqueas 2:1

¡Kunakïkani khitinakatix ikiñanakapansa jan walinakak amtapki ukanakatakixa, urutatanxipansti jupanakan munañanïpxatapatxa, uka jan wali amtatanakapxa phuqhapxapuniwa!

Romanos 16:4

Jupanakax nayan jakañax qhispiyañ laykux niyapuniw jakañanakapsa apt'asipxi, janiw naya sapak jupanakar yuspagarkti, jan ukasti jan judiöpkis uka iglesiankir taqi jilatanakaw yuspagarapxaraki.

Efesios 5:16

Kunatix askïki uk jan inakt'as lurapxam, urunakan jan walïxatap layku.

Deuteronomio 28:48

Tatitux apayankätam uka uñisirinakaruw luqtäta; umatsa, manq'atsa t'aqhisïtawa, isitsa jalstata, kunayman pist'ayasiñanak uñt'äta. Diosax wali ch'ama lurañanakan t'aqhisiyätam, juman t'unjat uñjasiñamkama.

Santiago 2:13

Ukampis khitinakatix mayninakat jan khuyapt'ayaski ukaxa, jan khuyapt'ayasiñampi taripatäniwa, khuyapayasirinakasti taripäwi urun sumakiw mistupxani.