Mateo 8:25 - Qullan Arunaka DC

²⁵ Yatiqirinakapasti juparuw sartayapxäna, sapxarakïnwa: —¡Tatay, qhispiyapxita, botex umaruw utjanti! —sasa.

Aymar Bibliia 1986

²⁵ Ucapachawa discipulonacapajj juparu sartayapjjäna, sapjjaraquïnwa: —¡Tata, khespiyapjjeta, jiwarañäniwa, botejj umaruw utjanti! —sasa.

Qullan Arunaca

²⁵ Ucapachawa discipulonacapajj juparu sartayapjjäna, sapjjaraquïnwa: —¡Tata, khespiyapjjeta, jiwarañäniwa, botejj umaruw utjanti! —sasa.

Mateo 8:25 Jak'a apnaqawi uñst'ayäwi

2 Crónicas 14:11

11 (10) Asá reyisti Tatit Diosaparuw art'asïna, akham sasa: “Tatay, jumatakix ch'amanirusa, jan ch'amanirus yanapt'añax pachpakiwa. Ukhamasti, ¡nanakan Tatit Diosaxay, yanapt'apxitaya, nanakax jumaruw katuyasipxsma, sutimxarurakiw aka ejercitompi nuwasirix jutapxta! Tatay, jumaw nanakan Diosaxätaxa. ¡Nanakax yatipxtwa, jumarux janiw khitis atipjkiristamti!” sasa.

2 Crónicas 20:12

Nanakan Diosaxay, ¿janit jumax jupanakar mutuykätaxa? Nanakax janiw uka jach'a ejercitompi nuwasiñatak ch'amanïpkti. ¡Nanakax janiw kunsa lurirjamäpkti, ukat jumaruki uñtanipxsma!” sasa.

Salmos 10:1

Tatay, ¿kunatarak nayat jayanktasti? ¿Kunatarak t'aqhisiñaxan nayat imantastasti?

Jonás 1:6

Barco apnaqir capitanasti Jonasar jak'achasisax sänwa: —¿Kunatarak akan ikisktasti? ¡Sartasim, Diosamar art'asim! Inach khuyapt'ayasisin qhispiyaskistani —sasa.

Mateo 8:2

Ukapachaw mä lepra usun jaqix Jesusar jak'achasïna, jupan nayraqatapar killt'asisinsti, sarakïnwa: —Tatay, munsta ukax q'umachitaya —sasa.

Mateo 8:24

Qutanjam sarapkipansti, mä jach'a thayaw sartäna, quta mathapix boteruw phuqhantäna. Jesusasti ukchañkamax ikiskänwa.

Mateo 9:18

Jesusan ukham parlkipan, judionakan mayni jilïripax purinïna, Jesusan nayraqatapar killt'asisin juparux säna: —Phuchhaxaw añchhichak jiwi; jumatix jutasma, amparamampi jupxar luqxatt'arakisma ukkhax, wawaxax jaktxaspawa —sasa.

Lucas 8:24

Ukat Jesusarux sartayapxäna: —¡Yatichiri! ¡Yatichiri! ¡Botew jalantirjama! —sasa. Jesusasti sartasin mathapinakampiru, thayampiruw tuqinuqäna, ukatsti t'akurawayxänwa.