Mateo 8:12 - Qullan Arunaka DC

¹² ukampis khitinakatix uka suma markankañapäki ukanakax, anqa ch'amakar jaqunukutäniwa. Ukan wararipxani, laka ch'aksa t'urusipxani —sasa.

Aymar Bibliia 1986

¹² Ucampis qhitinacatejj uca suma marcancañapäqui ucanacajja, anka ch'amacaru jakonucutäniwa; ucanwa wararipjjani, laca ch'acsa t'urusipjjaraquini —sasa.

Qullan Arunaca

¹² Ucampis qhitinacatejj uca suma marcancañapäqui ucanacajja, anka ch'amacaru jakonucutäniwa; ucanwa wararipjjani, laca ch'acsa t'urusipjjaraquini —sasa.

Mateo 8:12 Jak'a apnaqawi uñst'ayäwi

Salmos 112:10

Ñanqha lurir jaqisti jupar uñjasax q'apisiwa; jan kamachirjamäxasax laka ch'akhanakap t'urusi. Ñanqha jaqinakan inampst'añ chuymapasti aynacht'aniwa.

Isaías 65:14

jupanakax kusisiñat q'uchusipxani, chuymanakapan kusisiñ utjatap layku, jumanakasti chuyma p'akintataw ayqupxäta, jach'at wararipxarakïta.

Mateo 13:38

yapusti aka uraqiwa. Suma jathasti Diosan ajllit wawanakapawa, jan wali jathäki ukasti supayan wawanakapawa,

Mateo 13:42

Jupanakarux nina aqkir hornoruw jaquntapxani, ukan wararipxani, laka ch'aksa t'urusipxani.

Mateo 13:50

jan wali jaqinakarusti nina aqkir hornoruw jaquntapxani. Ukapachaw wararipxani laka ch'aksa t'urusipxani.”

Mateo 21:43

Ukatpï sapxsmaxa, jumanakatxa Diosan qhapaq markapax apaqatäniwa, ukatsti taqi kunan jupar ist'ir markaruw churasini.

Mateo 24:51

juparusti kunjämatix k'ari chuymaninakar mutuyaski, uka kipka mutuyarakini. Ukapachaw jachani, laka ch'aksa t'urusirakini.

Mateo 25:30

Aka jan wali irnaqirirusti, anqa ch'amakar jaqunukupxam. Ukan jachani, laka ch'aksa t'urusini’ sasa.

Lucas 13:28

Ukan wararipxäta, laka ch'akhanakamsa t'urusipxäta, Abrahamampi, Isaacampi, Jacobumpi, taqi profetanakamp Diosan qhapaq markapankatap uñjasina, jumanakasti anqar jaqunukutäpxätawa.

Hechos 3:25

Diosax profetanak tuqi arsuwayki ukax jumanakatakiwa, Diosampi, jumanakan nayra awkinakamamp mä arust'äwi lurawayki ukax jumanakatakirakiwa. Diosax Abrahamaruw säna: ‘Juman wawanakam tuqiw taqi akapachankir jaqinakax aski waxt'äwinak katuqani’ sasa.

Romanos 9:4

Jupanakax Israelat saraqir wawanakawa, Diosasti jupanakarux wawanakapat uñt'asïna, wali ch'aman kankañapampiw jupanak taypinkäna, jupanakarusti arust'äwi arunakapa, Moisesan kamachipa, jupar yupaychaña, arsutanakamp kun churäna.

2 Pedro 2:17

Uka k'ari yatichirinakax jan uman phuch'ur uñtatäpxiwa, thayan apnaqat qinayar uñtatäpxarakiwa; jupanakasti wiñayan wiñayapatak ch'amakankañatak juchañchatäpxiwa.

2 Pedro 2:4

Diosax janiw angelanakarus juch lurapxatapat pampachkänti, jan ukasti, manqha pacharuw jaquntäna, jupanakarusti ch'amakanakaruw cadenanakamp ñach'antat jaytäna, taripäwi uru puriniñapkama.

Judas 1:13

P'inqaskañ luräwinakapax quta mathapinakan jupuqupar uñtatawa. Thakhipat saranukur chhaqhat warawaranakjamäpxiwa, wiñayatak ch'amakan jakapxañapatak juchañchatäpxiwa.

Apocalipsis 22:15

Ukat sipana, anqaruw qhiparapxani jan wali sarnaqirinaka, layqasirinaka, wachuqa juchan sarnaqirinaka, jaqi jiwayirinaka, idolonakar yupaychirinaka, taqi sallqjirinaka, jan wali luras sarnaqirinakasa.

1 Samuel 2:9

Tatituw jupar jaysirinakarux imi, jan jaysasirinakasti llakisiñat jiwapxi, ¡inamayatakikiw ch'amapasa!