Mateo 8:10 - Qullan Arunaka DC

¹⁰ Jesusasti uk ist'asin wali musphataw uñjasïna, jupar arkirinakarusti sarakïnwa: —Qhanak sapxsma, israelitanak taypin janiw maynirus aka chachjam iyawsañan jikxatkti.

Aymar Bibliia 1986

¹⁰ Uc ist'asinsti Jesusajj wali musphataw uñjasïna, jupar arquirinacaparusti saraquïnwa: —Khanacwa sapjjsma, aca israelitanac taypinjja janiw aca chachjam iyawsañanjja maynsa jicjjatcti.

Qullan Arunaca

¹⁰ Uc ist'asinsti Jesusajj wali musphataw uñjasïna, jupar arquirinacaparusti saraquïnwa: —Khanacwa sapjjsma, aca israelitanac taypinjja janiw aca chachjam iyawsañanjja maynsa jicjjatcti.

Mateo 8:10 Jak'a apnaqawi uñst'ayäwi

Génesis 43:33

Josean jilanakapasti jupan uñkatasipan qunt'asipxäna, jilïrit sullkakama, ukatsti jupanakkamaw wali muspharat uñkatasipxäna.

Mateo 15:28

Ukat Jesusax jupar säna: —Warmi, ¡kunja jach'as iyawsañamaxa! Kunjämtix munkta ukhamay luraspan —sasa. Ukspachaw uka warmin phuchhapax k'umaraptxäna.

Mateo 8:11

Nayasti sapxsmawa, waljaniw inti jalsu tuqita, inti jalanta tuqitsa jutapxani, ukatsti Abrahamampi, Isaacampi, Jacobumpi manq'iriw alaxpach suma markan qunt'asipxani,

Mateo 8:9

Nayasti jilïrinakan arsutaparuw sarnaqta, ukhamarus soldadonakax nayan munañaxankarakiwa. Kunapachatix maynirux nayax sistxa ‘saram’ sasaxa, ukspachaw sari, maynirutix ‘jutam’ sistxa, ukspacharakiw juti, uywataxarutix kuna lurañarus khitta ukkhaxa, jupax luriwa —sasa.

Marcos 6:6

Jesusasti jupanakan jan iyawsapxatapat llakt'ataw jikxatasïna. Uka qhipat Jesusax uka jak'ankir jisk'a markanakan yatichasaw sarnaqäna.

Lucas 5:20

Jesusasti jupanakan iyawsañanïpxatap yatisinxa, suchu jaqirux sänwa: —Jilata, juchanakamax pampachatäxiwa —sasa.

Lucas 7:50

Ukampis Jesusax warmir saskakïnwa: —Iyawsatam laykuw qhispiyatäxtaxa, jichhax kusisitak sarxam —sasa.

Lucas 7:9

Jesusasti uk ist'asin walpun uka jaqit muspharäna, ukat jupar arkir jaqinakar uñtasin sarakïna: —Israelitanak taypinsti janiw aka jaqjam wali iyawsañan jikxatkti —sasa.

Hechos 2:7

Ukatsti wali muspharat jikxatasisinsti, jupanakkamaw sasipxäna: —Uñjapxam, ¿parlapki uka jaqinakasti janit Galileankir jaqinakäkisti?