Mateo 7:2 - Qullan Arunaka DC

² Kunjämtix jumanakax jaqi masimar juchañchapktas uka pachparak Diosax jumanakarux juchañchapxätam; kunjämtix jumanakax jaqinakar lurapkäta ukhamarak jumanakarux Diosax lurapxätam.

Aymar Bibliia 1986

² Cunjämtï jumanacajj jake masimarojj juchañchapctas uqhamaracwa Diosajj jumanacarojj juchañchapjjätam; cunjämtejj jumanacajj jakenacar lurapcäta uqhamaracwa jumanacarojj Diosajj lurapjjätam.

Qullan Arunaca

² Cunjämtï jumanacajj jake masimarojj juchañchapctas uqhamaracwa Diosajj jumanacarojj juchañchapjjätam; cunjämtejj jumanacajj jakenacar lurapcäta uqhamaracwa jumanacarojj Diosajj lurapjjätam.

Mateo 7:2 Jak'a apnaqawi uñst'ayäwi

2 Samuel 21:5

Jupanakasti sapxarakïnwa: —Khiti jaqitix nanakar Israelan uraqipan jan jakapxañaxatak tukjañ munapkitäna, nanakar q'al chhaqtayañ amtkäna,

Salmos 109:17

Ñanqhachañ munirïtap laykux ñanqhachatäpan; askinak jan munirïtap laykux uka askinakax jupat jayankpan.

Éxodo 21:24

nayratxa nayraraki, laka ch'akhatxa laka ch'akharaki, amparatxa ampararaki, kayutxa kayuraki,

Isaías 33:1

¡Ay, kunakïkan juma Asiria markatakixa! ¡Jumax markaxar t'unjir markätawa! T'unjañ tukt'aykäta ukkhaxa, jumax kipka t'unjataw uñjasïta; ch'uxña lurañ tukt'aykäta ukkhasti, uka kipka ch'uxña lurataw uñjasirakïta.

Jeremías 34:17

Ukat naya, Tatitux arsta: Jumanakax janiw nayarux ist'apkistati, kawkïr marka masinakamatix t'aqhisita taqi kun luras sarnaqasipki ukanakarusti janirakiw antutapktati; ukatpï jichhax nayax nuwasiñampiru, kunayman usunakampiru, mach'ampir antutkatapxämaxa, ukanakasti jumanakarux taqi aka markanakatakis wali axsarkañ tukuyapxätam. Naya, Tatituw uk arsta.

Jeremías 51:24

“Judá markankirinaka, jumanakan uñjkataw Babilonia markarusa, ukan jakirinakarusa, kunjämatix jupanakar churañax wakiski ukhamarjam churarakï, Jerusalenar ñanqhanak lurapxatapata. Naya, Tatituw uk arsta.

Abdías 1:15

“Kunjämtix mayninakar lurkta ukham luratarakiw uñjasïta; ¡luratamatjam jichhax katuqäta! “Tatitun urupax niya jak'ankxiwa, taqi markanakar taripañataki.

Mateo 6:14

“Jumanakatix jan wali luratanakapat masinakamar pampachapxäta ukkhaxa, alaxpachankir Awkimax jumanakarux pampachapxarakïtamwa;

Marcos 4:24

Ukxarusti saskakïnwa: “¡Sum ist'apxam! Qawqhtix jumanakax mayninakar churapkäta ukkharak Diosax jumanakar churapxätam, ukatsa juk'ampi yapxatapxätam.

Lucas 6:38

Yaqhanakarux churapxam, jumanakarusti Diosaw churapxätam. Diosasti wayaqanakamarux wali phuqt'at churapxätam, suma thalantt'ata, limintt'ataraki. Kunjämtix yaqhanakarux lurapkäta uka pachparak Diosax jumanakampix lurani”.

2 Corintios 9:6

Aka tuqit amtasipxam: Juk'ak yapuchirix juk'ak apthapi; walja yapuchiristi waljarak apthapi.

Santiago 2:13

Ukampis khitinakatix mayninakat jan khuyapt'ayaski ukaxa, jan khuyapt'ayasiñampi taripatäniwa, khuyapayasirinakasti taripäwi urun sumakiw mistupxani.

Apocalipsis 18:6

Kuntix jupax yaqhanakar lurkänxa uka pachpa juparux lurapxam, pä ukkhampirak luratanakapat kutt'ayapxam. Kuna machjañanaktix jupax mayninakatak wakichkän ukatxa, pä ukkhampi wali machjayir uma wakicharapipxam.

Jueces 1:7

Ukat Adonisédec reyix säna: “Nayrax paqallq tunka reyinakaruw amparanakapata, kayunakapat tayka luk'ananak khariqta, jupanakarux manq'añaxat williqtki uka jilt'anak pallasiyta. Jichhasti Diosax nayaruw kunjämtix nayax jupanakar lurkäyäta uka lurarakitu” sasa. Ukatsti Jerusalén markaruw irpxapxäna, ukan jiwxäna.

Jueces 5:27

Sísara chachax Jael warmin kayup jak'aruw jaqutattäna, usuyasitap laykux uraqiru liwitattäna, ukawjan jiwxarakïna.

1 Samuel 15:33

Ukampis Samuelux sänwa: —Kunjämatix jumax espadamampi walja warminakar jan wawani uñjasiytaxa. Ukhamarakiw taykamax jupanakjam uñjasini —sasa. Guilgal chiqansti, Samuelux jan axsart'asaw Tatit nayraqatan Agag reyirux pusir kharinuqäna.