Mateo 6:7 - Qullan Arunaka DC

⁷ “Diosat mayiskasasti, janiy inamay arunakampi mayisimti, kunjämtix Diosar jan uñt'ir jaqinakax mayisipki ukhama, jupanakasti Diosax jupanakar walja arunak arsutap laykus ist'kaspa ukham amuyapxi.

Aymar Bibliia 1986

⁷ Oración lurcasinjja jan inamaya arunacjja arsumti, cunjämtï Diosar jan uñt'ir jakenacajj lurqui uqhamjja. Jupanacasti amuyapjjewa Diosajj jupanacarojj walja arunaca arsutap laycu ist'caspa uqhama.

Qullan Arunaca

⁷ Oración lurcasinjja jan inamaya arunacjja arsumti, cunjämtï Diosar jan uñt'ir jakenacajj lurqui uqhamjja. Jupanacasti amuyapjjewa Diosajj jupanacarojj walja arunaca arsutap laycu ist'caspa uqhama.

Mateo 6:7 Jak'a apnaqawi uñst'ayäwi

Eclesiastés 5:7

7 (6) Uka layku, walja lup'iñanak taypina, kunayman arunak taypina, jan amuyt'asin lurañanak taypinsa, jumax Diosar axsartañamawa.

Mateo 18:17

Janitix jupanakarus ist'kani ukasti, iglesiankirinakar yatiyam, ukat janipun iglesiankirinakarus ist'kanixa, Diosar jan iyawsir jaqirjam uñjam, jan ukax Romatak qullqi apthapir jaqirjam uñjam.

Mateo 26:39

Jesusasti mä juk'a nayraqatar sartasinxa, killt'asisin ajanup uraqkam puriyasaw Diosarux mayisïna akham sasa: “Awkixay, wakischi ukax aka t'aqhisiñ apaqt'ita, ukampis jan nayan munañaxäpati, jan ukasti juman munañamäpan” sasa.

Mateo 26:42

Wasitat sararakikïnwa, ukatsti akham sasaw mayisïna: “Awkixay, t'aqhisiñaxatix wakisipunchixa, juman munañamax luraspan” sasa.

Mateo 26:44

Jupanakar jaytawayasinsti kimsïr kutiw Diosat mayisir saräna, uka kipka arunakampiw mayisirakïna.

Mateo 6:32

Diosar jan uñt'irinakakiw taqi uka yänakat llakisisipki, ukampis jumanakan alaxpachankir Awkimax niyaw yatxi kuntix munapkta uka.

Hechos 19:34

Jaqinakasti jupan judiötap amuyasinxa, juk'ampiw arnaqapxäna: “¡Jallalla Artemisa, efesonkirinakan diosapa!” sasa.