Mateo 6:4 - Qullan Arunaka DC

⁴ jan ukasti, jan khitir yatiyasak luram. Ukham luratamatsti, alaxpachankir Awkimax mä suma waxt'äwi churätam.

Aymar Bibliia 1986

⁴ jan ucasti jan qhitiru yatiyasaqui luram, uqham luratamatsti alajjpachanquir Awquimajj cuttayjjätamwa.

Qullan Arunaca

⁴ jan ucasti jan qhitiru yatiyasaqui luram, uqham luratamatsti alajjpachanquir Awquimajj cuttayjjätamwa.

Mateo 6:4 Jak'a apnaqawi uñst'ayäwi

Salmos 139:12

ch'amakax janiw jumat imantkitaspati, arum ch'amakax urut sipan juk'amp qhanäspawa. ¡Ch'amakasa, qhanasa, jumatakix pachpakiwa!

Salmos 17:3

Jumaw taqpach amuyunakax yattaxa; arumanakaw chuymax uñaqir jutista; ninampjamaw yant'ista, janirakiw kuna ñanqhsa jikxatkistati. Lakaxax janiw k'ari arunak arskiti,

Salmos 44:21

21 (22) jumax yatxasamänwa, chuyma manqhankir amtäwinak yatitam layku.

Proverbios 25:22

ukham lurasax, juparux llakthapisiyätawa, Tatitusti jumarux kutiyxätamwa.

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Jeremías 23:24

¿Khitis naya nayräxat imantasispa? Alaxpachansa, akapachansa nayax taqi chiqanktwa. Naya, Tatituw uk sista.

Mateo 10:42

Khititix aka jisk'anakat maynirukis nayar arkatap layku mä juk'a ch'uch'u umaksa waxt'anixa, chiqpachapuniw sapxsma, ukham luratapat churäwip katuqapuniniwa”.

Mateo 6:18

ukhamat jaqinakan juman ayunaskatam jan amuyañapataki. Jan ukasti, Awkimakiw ayunatam yatini, ukatsti juparakiw waxt'äwim churätam.

Mateo 6:3

Kunapachatix jumax pist'ayasitanakar kunsa churät ukkhaxa, wali munat masimas uk jan yatkpati;

Mateo 6:6

Jumasti Diosat mayiskäta ukkhax, utamar mantam, punku jist'antam, ukatsti Awkimarux uka jamasan mayisim. Awkimasti jamasan mayisitam uñjasax churätamwa.

Lucas 14:14

jumasti kusisitaw uñjasïta. Jupanakasti janiw kutiyapkätamti, ukampis jumax aski jaqinakan jakatatäwipan churäwim katuqxäta —sasa.

Lucas 8:17

Uka kipkapï, janiw kuna imantatas jan qhanstirix utjkaniti, janirakiw jamasankki ukas jan yatisirix utjkaniti.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.

Judas 1:24

Mä sapa Tatitu, jiwasan Qhispiyirisax, jumanakar imañatak ch'amaniwa, ukhamat jan tinkupxañamataki, ukatsti jan juchani, kusisiñan phuqt'ata, jupan nayraqatapan k'ajkir uñstapxañamatakis ch'amanirakiwa. Juparuy churatäpan yupaychañasa, jach'a kankañasa, ch'amasa, jilïr kankañasa, Jesucristo Tatitus layku, nayra pachasa, jichhasa, wiñayan wiñayapataki. Ukhamäpan.

1 Samuel 2:30

Uka layku, Israelan Tatitu Diosapax sänwa, jumampi utamankirinakamampix wiñayataki jupar luqtapxañama, ukampis jichhax akham sarakiwa: “Janipuniw ukhamäkaniti, jan ukasti, khitinakatix nayar yäqapkitani ukanakarux yäqäwa, nayar jisk'achapkitani ukanakarusti mä p'inqa uñjarakï. Naya, Tatituw uk arsta.