Mateo 6:2 - Qullan Arunaka DC

² “Jumatix pist'ayasitanakar yanapt'äta ukaxa, jaqinakarux jan yatiyamti, kunjämtix k'ari chuymaninakax sinagoganakana, thakhinakan lurapki ukhama. Jupanakax jaqinak nayraqatan wali sumat uñt'atäñ munapxi. Nayasti qhanpun sapxsma, ukham luratapat niy katuqxapxiwa.

Aymar Bibliia 1986

² “Cunapachatejj pist'ayasitanacaru yanapt'cäta ucqhajja, jan jakenacarojj yatiyamti, cunjämtejj c'ari parlirinacajj sinagoganacana, callenacana lurapqui uqhamjja. Jupanacasti jakenac nayrakatanjja wali sumat uñt'atäñwa munapjje. Nayasti khanacwa sapjjsma, uca luräwipatjja catokjjapjjewa.

Qullan Arunaca

² “Cunapachatejj pist'ayasitanacaru yanapt'cäta ucqhajja, jan jakenacarojj yatiyamti, cunjämtejj c'ari parlirinacajj sinagoganacana, callenacana lurapqui uqhamjja. Jupanacasti jakenac nayrakatanjja wali sumat uñt'atäñwa munapjje. Nayasti khanacwa sapjjsma, uca luräwipatjja catokjjapjjewa.

Mateo 6:2 Jak'a apnaqawi uñst'ayäwi

Salmos 112:9

Jan kunan jaqinakaruw churäwinak waxt'i, jaqir khuyapt'ayañapax jan tukuskiriwa, jan khitin kamskañaw p'iqip wayti.

Salmos 37:21

Ñanqha jaqix mayt'asisin janiw kutt'aykxiti, aski jaqisti khuyapt'ayasiri, suma chuymaniwa.

Proverbios 19:17

Jan kunan jaqir mayt'irix Tatituruw mayt'aski, Tatit pachpaw uka manu phuqxani.

Proverbios 20:6

Waljaniw suma aski jaqit uñt'ayasiñ munapxi, ukampis janiw khitis aski jaqix utjkiti.

Eclesiastés 11:2

Qawqhatix utjktam ukanak mayninakamp jaljasim, ukampis jumax janiw yatktati, markarux kuna jan walitix jutkani uka.

Isaías 10:6

Jichhax aka ñanqha markar nuwantañapatakiw khithä, uka markar q'al lunthatjañapataki, qamir yänakapsa q'al aparañapataki, marka thakhinkir ñiq'ir uñtat taksuñapataki.

Isaías 58:7

manq'at awtjatarux manq'a churañawa, jan utaninakarusti utamar katuqañawa, jan isinirux ist'ayañawa, jaqi masirusti yanapt'añarakiwa.

Isaías 9:17

17 (16) Ukat Tatitux waynanakat jan khuyapt'ayaskiti, wajchanakatsa, ijma warminakatsa janirakiw khuyapt'ayaskiti. Taqi markpachasti jach'a juchanak lurir ñanqhakamakiwa, taqinis ñanqha arunakak parlasipki. Ukampisa Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Oseas 8:1

“¡Uñch'ukiri, Tatitun markapxarux trompetam phust'am! Markaxar t'unjirix mä pakar uñtataw jutaski. Markaxax jan ist'asiriwa; janiw arust'äwixarus phuqhkiti, janirakiw kamachinakaxarjamas arkkituti.

Mateo 15:7

¡K'ari chuyman jaqinaka! Ukatpun Isaías profetax jumanakat sataynaxa:

Mateo 16:3

willjtarusti sapxaraktawa: ‘Alaxpachax wali qinayrantatawa, jichhürux janiw suma urükaniti’ sasa. Jumanakatix alaxpach uñch'ukisin kunjämäkanitix urunakax uk sum yatipxstaxa, ¿kunjämarak jichhürunakan unañchäwinakap jan amuyapxtasti?

Mateo 22:18

Jesusasti jupanakan jan wali amtañanïpxatap amuyasin, jupanakar sarakïna: —K'ari chuyman jaqinaka, ¿kunatsa jumanakax nayar aynacht'ayir jutapxta?

Mateo 23:5

Jaqin uñjayasiñatakikiw taqi kunsa lurapxi. Paranakaparu, amparanakapar Diosan arunakap qillqsut apañak munapxi, jach'a chhaxchhan isinakampi isthapisiñak munapxi.

Mateo 23:6

Manq'äwinakansti nayrïr qunuñanakan qunuñ munapxi, sinagoganakansa jilïrinakan qunuñanakapan qunt'asiñ munapxi,

Mateo 24:51

juparusti kunjämatix k'ari chuymaninakar mutuyaski, uka kipka mutuyarakini. Ukapachaw jachani, laka ch'aksa t'urusirakini.

Mateo 5:18

Qhanak sapxsma, akapachampi alaxpachampi tukusiñapkamax, uka kamachinakatxa janiw mä jisk'a arusa, mä jisk'a qillqasa apaqatäkaniti, taqi ukanak phuqhasiñapkama.

Mateo 6:16

“Kunapachatix jumanakax ayunapkäta ukkhasti, janiy k'ari chuyman jaqinakjam llakit ajan uñacht'ayapxamti, jupanakax ayunatapa jaqimp uñjayasiñatakikiw llakit ajan uñacht'ayapxi. Qhanak sapxsma, ukham luratapampix churäwip niy katuqxapxiwa.

Mateo 6:3

Kunapachatix jumax pist'ayasitanakar kunsa churät ukkhaxa, wali munat masimas uk jan yatkpati;

Mateo 6:5

“Kunapachatix jumanakax Diosat mayisipkäta ukkhasti, jan k'ari chuymaninakjam mayisipxamti, jupanakax sinagoganakansa, thakhi thiyanakansa jaqinakamp uñjayasiñatakikiw sayt'at mayisipxi. Qhanak sapxsma, jupanakax churäwip niy katuqxapxiwa.

Mateo 7:5

¡K'ari chuyman jaqi!, nayramankkis uka thuru lawa nayraqat apsusim, ukat jumax sum uñjasin uka jisk'a t'una jilaman nayrapan utjkis uk apsüta.

Marcos 12:39

Sinagoganakansti suma qunuñanak thaqhapxi, manq'äwinakansti suma qunuñanak munapxaraki;

Marcos 7:6

Jesusasti jupanakarux sänwa: —Isaías profetax chiq arsüna jumanakan pä amtañan jaqïpxatamat qhanañchasaxa: ‘Aka jaqinakax lakampikiw yupaychapxitu, ukampis chuymanakapax nayat jayankaskiwa.

Lucas 11:41

Jumanakax chuymanakamatay churäwinakam luqtapxamxa, ukhamat taqpachax q'umäxani.

Lucas 11:43

“¡Ay fariseonaka, kamacht'apkakïta! Sinagoganakan nayraqat qunuñanakaruw qunt'añ munapxtaxa, thakhinakansa wali axsart'añamp aruntayasiñ munapxtaxa.

Lucas 12:33

Kunatix utjapktam uk aljapxam, ukatsti jan kunanïpki ukanakar churxapxam; ukhamat jan mirq'isir wayaqanak lurasipxäta, alaxpachansti jan tukuskir yänak imasipxäta, kawkhantix lunthatas jan apskani, kharus janirak kharuntkani ukkharu.

Lucas 12:56

¡K'ari chuyman jaqinaka! Jumanakatix alaxpachana, uraqin uñnaqap amuyt'añ yatipxsta ukaxa, ¿kunatarak aka urunakan jakapkta uksti jan amuyt'añ yatipxaraktasti?

Lucas 13:15

Tatitusti juparux sarakïnwa: —K'ari chuymaninaka, ¿janit jumanakat khitis vacapsa, jan ukax asnopsa sábado urun jararasin umt'ayir irpapktaxa?

Lucas 20:46

“Kamachi yatichirinakat wal amuyasipxam, jupanakasti jach'a isinakamp isintasis sarnaqañ munapxi, plazanakansti jupanakax wali axsart'añampi aruntayasiñ munapxi. Sinagoganakansa nayraqat qunuñanakaruw qunt'asiñ munapxi, manq'äwinakansti sumawja chiqanakaruw qunt'asiñ munapxi;

Lucas 6:24

“Ukampis ¡qamirinaka, kunakïpkäta, kusisiñanakam niyaw katuqxapxtaxa!

Lucas 6:42

¿Kunjämarak jilamarusti sañ muntasti, ‘Jilata, nayramat uka jisk'a q'añu apst'äma’ sasa, juman nayraman mä jach'a lawa utjaskipansti? ¡K'ari chuyman jaqi!, nayraqat nayramankkis uka jach'a lawa apsusim, ukat jumax jilaman nayrapan jisk'a q'añux utjkis uk apsuñatak sum uñjäta.

Juan 13:29

Judasan qullqi katurïtapatxa, mayninakax amuyapxänwa, Jesusax Pascua urutak alanim siskaspas ukhama; jan ukax, jan utjirininakar qullqi churam siskaspas ukhama.

Juan 5:41

“Janiw nayax jaqinakan jach'añchäwinakap munkti.

Juan 5:44

¿Kamisarak jumanakasti maynit maynikam jach'añchasiñ katuqirïkasina, mä sapa Diosat jutir jach'añchäwi jan thaqhapktasti?

Juan 7:18

Khititix jupa pachpat parlki ukax, jaqimp jach'añchayasiñak thaqhi; ukampis khititix jupar khithanki ukar jach'añchayañatak parlki ukan arunakapax chiqawa, janirakiw jupan kuna ñanqha luratapas utjkiti.

Hechos 10:2

Jupasti khuyapayasir jaqïnwa, taqpach utapankirinakapamp chikaw Diosar yupaychäna. Jupax judionakar yanapañatak walja qullqi churarakirïna, Dios chuyma jaqïtap laykux, jupax Tatitur mayisipunirïnwa.

Hechos 10:31

Jupasti sarakituwa: “Cornelio, Diosax mayisitanakam ist'iwa, pist'añan sarnaqirinakar khuyapayatanakamas Diosan nayraqatapan askit uñt'atarakiwa.

Hechos 10:4

Corneliosti wali axsarasaw angelar uñkatasin jiskt'i: “¿Kunach, Tata?” sasa. Angelasti siwa: “Diosax mayisitanakam ist'iwa, pist'añan sarnaqirinakar khuyapayatanakamas Diosan nayraqatapan askit uñt'atawa.

Hechos 11:29

Ukat Antioquiankir iyawsirinakax Judea uraqin jakir jilatanakar mä yanap apayañ amtapxäna, sapa maynin utjataparjama.

Hechos 24:17

“Mä qawqha maranak yaqha markanakan sarnaqasinsti, markaxaruw kutt'xta, jan kunaninakar qullqi churiri, Tatitur waxt'äwinak luqtiri.

Hechos 9:36

Jope markan Tatitur arkir mä warmiw jakasïna, Tabitá sutini, griego arunxa, Dorcas satawa, Tabitá warmisti aski lurirïnwa, pist'añan sarnaqir jaqinakarux yanapt'apunirïnwa.

Romanos 12:8

khititix mayninakar ch'amañcht'añ waxt'äwi katuqki ukax, ch'amañchañaruy uchaspan. Yänak churirix jisk'ar tukt'asay churpan; khititix sarayañatak uchatäki ukasti, wali amuyumpi saraypan; khititix pist'atanakar yanapki ukax, kusisiñampiy yanappan.

1 Corintios 13:3

Ukatsti taqi yänakaxtix jan kunaninakar lakinuqirista, pachpa janchixtix nakhantatäñatak katuyirista, ukat janitix munasiñax utjkitaspaxa, uka lurataxax janiw kunatakïkaspasa.

Gálatas 2:10

Jupanakasti jan kunaninakar tumpañ jan armasiñaxatakiw nanakar iwxt'apxitu, uksti nayax taqi chuymaw phuqta.

Efesios 4:28

Lunthatasirix jan juk'ampi lunthataspati, jan ukasti amparapampi irnaqañar uchaspan, ukhamat jan kunaninakar yanapt'añatakis utjarapini.

1 Tesalonicenses 2:6

Janiw khitin jach'achatäñsa thaqhapkti; janiw jumanakampi jach'achayasiñsa, yaqhanakampi jach'achayasiñsa munapkti.

1 Timoteo 6:18

Kunatix askïk uk lurapxañapatak iwxt'am, aski luräwinakan qamirkipstapxpan, ukatsti kunatix jupanakan utjki uk mayninakar churañatakix jank'akïpxarakpan.

Filemón 1:7

Filemón jilata, wali kusisitätwa, ch'amañcht'atarakïtwa, juman yaqhanakar munasitam yatisina, jumaw Tatitun taqi markapankirinakarux chuymachtaxa, ch'amañcharaktaxa.

Hebreos 13:16

Jumanakasti mayninakar aski lurañsa, kunatix utjapktam uk mayninakampi jaljasiñsa jan armasipxamti; uka luräwinakaw Diosarux kusisiyi.

1 Pedro 4:11

Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.

1 Samuel 15:30

Saúl reyix mä kutimpiw arsüna: —Chiqpachansa nayaw juchachasta. Ukampis taqi Israel markan jilïri jaqinak nayraqatana, taqi jaqinak nayraqatana, nayarux mä reyirjam uñjañamatakiw achikt'assma. Ukhamax nayampi chika Tatit Diosamar yupaychañatak sarañäni —sasa.