Mateo 6:10 - Qullan Arunaka DC

¹⁰ Qhapaq kankañamax nanakar jutpan. Munañamasti akapachan luratäpan, kunjämatix alaxpachan luratäki ukhama.

Aymar Bibliia 1986

¹⁰ Munañamampisti apnakapjjeta. Munañamasti luratäpan acapachanjja, cunjämatï alajjpachana luratäqui uqhama.

Qullan Arunaca

¹⁰ Munañamampisti apnakapjjeta. Munañamasti luratäpan acapachanjja, cunjämatï alajjpachana luratäqui uqhama.

Mateo 6:10 Jak'a apnaqawi uñst'ayäwi

Nehemías 9:6

Esdrasasti sarakïnwa: “Jumakïtaw Tatituxa, janiw yaqha Diosax utjkiti. Jumaw alaxpachsa, alaxpachat juk'amp amstankki uksa, taqi warawaranaksa lurtaxa; jumarakiw uraqsa lurtaxa taqi kunatix ukan utjki ukanakamppacha, jach'a qutanaksa, ukhamarak kunatix ukan utjki taqi ukanaksa. Jumaw taqi kunanakarus jakañ churtaxa. Ukatarak alaxpachankir warawaranakas yupaychapxtamxa.

Salmos 2:6

“Naya pachpaw reyixarux ajllista, Sión, qullan qullux patxaruw utt'ayta” sasa.

Salmos 40:8

8 (9) Dios Tatituxay, munañam lurañaw kusisiyitu; ¡yatichäwinakamax chuymaxankiwa!

Isaías 2:2

Qhipa urunakan kawkhankkitix Tatitun utapax uka qullux suma sayt'ayatäniwa. Uka qullusti alayarux wali jach'äniwa, taqi qullunakat sipansa wali jach'arakïniwa. Ukarux taqi markanakaw jutapxani;

Jeremías 23:5

Tatitux siwa: “Mä uruw purinini Davidan wawapax reyïkani uka uru, jupax wali amuyt'ampiw sarayani, chiqpach luräwimpiw aka marka apnaqani.

Daniel (hebreo) 2:44

Ukampisa, uka reyinakan marka apnaqäwip urunakansti, alaxpachankir Diosax mä rey khithanini, marka apnaqäwipasti wiñayatakïniwa, juparusti janiw khitis atipjkaniti, jan ukasti, jupaw taqi marka apnaqäwinakar tukjani.

Daniel (hebreo) 4:35

35 (32) Jupa nayraqatan taqi akapachankir jaqinakax janiw kunäkisa; jupax munañaparjamaw apnaqi, alaxpachansa, akapachansa. Janiw khitis ch'amapar saykatirjamax utjkiti, janirakiw khitis jupar jiskt'karakispati ¿kunatsa ukham lurta?’ sasa.

Daniel (hebreo) 7:13

“Nayax uka unañchäwinak arumax uñjaskakïyätwa: “Qinayanak taypin maynir jutaskir uñjta, jaqin yuqapar uñtata, jupasti chuymani Jilïr jaqiruw jak'achasi, ukat nayraqatapar irpkatapxaraki.

Daniel (hebreo) 7:27

Ukatsti marka apnaqäwisa, munañan kankañasa, qhapaq kankañasa, taqi akapachankir apnaqäwinakasa, alaxpachankir Tatitun markapar katuyatäxaniwa. Marka apnaqäwipasti wiñayatakipunïniwa, juparuw taqi akapachankir markanakax luqtapxani, jaysapxarakini.’

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Mateo 12:50

Khititix alaxpachankir Awkixan munañap lurki, jupaw nayan jilaxasa, kullakaxasa, taykaxasa —sasa.

Mateo 16:28

Qhanak sapxsma, akankapktas ukat mä qawqhanix janiw jiwkaniti Jaqin Yuqapar qhapaq kankañampi jutir uñjañkama —sasa.

Mateo 26:42

Wasitat sararakikïnwa, ukatsti akham sasaw mayisïna: “Awkixay, t'aqhisiñaxatix wakisipunchixa, juman munañamax luraspan” sasa.

Mateo 3:2

Sarakïnwa: “¡Taqi jan wali luratanakamat kutikipstapxam, Diosan qhapaq markapaw jak'ankxi!” sasa.

Mateo 4:17

Jesusax ukapachat Diosan arunakap parlañ qalltäna: “Diosan ukar kuttanxapxam, qhapaq markapax jak'ankxiwa” sasa.

Mateo 7:21

“Janiw taqi khitinakatix: ‘Tatay, Tatay’ siskitu ukanakax alaxpach markar mantkaniti, jan ukasti khitinakatix Awkixan munañap lurki ukanakakiw mantani.

Marcos 11:10

¡Diosax jach'añchpan David awkisan jutir marka apnaqäwipxaruxa! ¡Alaxpachankir Tatitu, qhispiyapxita! —sasa.

Marcos 3:35

Khitinakatix Diosan munañap phuqhapki ukanakaw jilaxasa, kullakaxasa, taykaxasa —sasa.

Lucas 19:11

Jesusax niy Jerusalén markar puriñampïskänwa, khitinakatix jupar ist'apkän ukanakaw Diosan qhapaq markapan ukspach puriniñap amuyapxäna.

Lucas 19:38

Sapxarakïnwa: —¡Tatitun sutipar jutir Reyix jallallatäpan! ¡Alaxpachan sumankañax utjpan, taqinis Diosan ch'amanïtap yatipxpan! —sasa.

Lucas 22:42

Sarakïnwa: “Awkixay, munsta ukax, aka t'aqhisiñat qhispiyita; ukampis jan munañaxax luratäpati, jan ukasti juman munañamak luraspan” sasa.

Juan 4:34

Ukampis Jesusax jupanakar sänwa: —Nayan manq'axax khititix khithankitu ukan munañapa, lurañapa, phuqhañawa.

Juan 6:40

Awkixan munañapasti akawa: Taqi khititix Diosan Yuqapar uñt'ki, jupar iyawskaraki ukax wiñay jakañanïñapawa; nayasti tukuy urun jupanakar jiwatat jaktayä —sasa.

Juan 7:17

Khititix Diosan munañap lurañ munki ukakiw uñt'ani, yatichäwixan Diosat jutatapa, jan ukax, nayankatapa.

Hechos 13:22

Uka qhipatsti Diosax Saúl reyir reyi qunuñapat jaqunukünwa, ukatsti Davidaruw reyit utt'ayäna. Diosax Davidat akham säna: ‘Nayax Jesé chachan David yuqaparux chuymaxar purkirïtap jikxatta, jupax taqi kuntix nayax munkta uk lurani’ sasa.

Hechos 21:14

Jan kunjämat jupar jark'añjamïpansti, nanakax sapxtwa: —Tatitun munañapak lurasxpan —sasa.

Hechos 22:14

Ukatsti jupax sarakituwa: ‘Nayra awkinakasan Diosapaw jumarux ajllistam jupan amtäwinakap uñt'añamataki, khititix askïki ukar uñjañamataki, jupan pachpa lakapat arup ist'añamatakiraki.

Romanos 12:2

Janiy jumanakax jichha pacha saräwinakarjam jakxapxamti; jan ukasti, amtañanakam mayjt'ayapxam, ukhamat jumanakan jakäwiman sumäxañapataki, ukat Diosan munañap yatiñataki, kunatix askïki, kunatix munkañäki, kunatix chiqäki ukanaka.

Efesios 6:6

Janiy uywiriman uñjkatakix lurapxamti, ukhamat jupanakampi sumat uñt'ayasiñatakiki, jan ukasti Criston irnaqirinakapjamax Diosan munañap taqi chuyma lurapxam.

Colosenses 1:13

Diosax ch'amakanakan munañapat qhispiyistu, Jesucristo Yuqapan qhapaq markaparuw irpantistu,

Colosenses 1:9

Ukat nanakax, yatipkta ukürutpach jumanakatakix jan qarjasisaw Tatitut mayipxta, Diosan jumanakar munañap uñacht'ayañapataki, kunayman yatiñ kankaña, ajay tuqin amuyt'a kankañ churañapatakiw mayipxarakta.

1 Tesalonicenses 4:3

Diosax jumanakan qullan kankañan jakapxañam muni, wachuq jucha lurañanak apanukupxam,

1 Tesalonicenses 5:18

Taqi kunat Diosar yuspagarapxam, jupax Cristo Jesusankirïpxatamat ukham muni.

Hebreos 1:14

Diosar luqtañanxa, taqpach angelanakaw ajayüpxi, qhispiyasiñ katuqapkani ukanakar yanapt'añatak khithanitawa.

Hebreos 10:36

Jumanakasti t'aqhisiñan ch'amanïñanakamaw wakisi, Diosan munañap lurañataki, ukhamarak kuntix arsuwaykän uk katuqañataki.

Hebreos 10:7

Ukat nayax sista: ¡Diosay! ‘Nayax akankasktwa, kamisatix qillqatax nayxat parlki ukarjam munañam phuqhiriw jutta’ ” sasa.

Hebreos 13:21

uka Diosay jumanakarux q'uma, taqi kunansa aski tukuypan, munañap phuqhapxañamataki; Jesucristo tuqi kuntix jiwasanakamp lurañ munki uk lurarakpan. ¡Jesucristox wiñayatak jach'añchatäpan! Ukhamäpan.

1 Pedro 2:15

Diosasti jumanakan aski lurañanakam muni, ukhamat pisi amuyun jaqinakan parlatanakap amukt'ayapxañamataki.

1 Pedro 4:2

jan janchin munañaparjama, jan ukax Diosan munañaparjam taqi jakäwipan jakxañapataki.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Apocalipsis 12:10

Ukatsti mä jach'a aru alaxpachan ist'ta, uka arusti sänwa: “Tatitusan qhispiyasiñapampi, munañanïñ kankañapampi, marka apnaqañapampix purinxiwa; Jesucriston munañanïñ kankañapax purinxiwa. Jilanakasar k'arintas juchañchirix jaqunukutäxiwa, uruy aruma, jilanakasar Dios nayraqatan juchañchirix jaqunukutäxiwa.

Apocalipsis 19:6

Ukatsti walja jaqis arnaqaskaspa ukham ist'arakta. Ukasti uma phaxchanakan qhututitapjamänwa, jach'a qhixu qhixunakar uñtata, sapxarakïnwa: “¡Aleluya! Taqi munañan Dios Tatitusaw aka uraqir apnaqañ qallti.

Apocalipsis 20:4

Ukatsti reyi qunuñanak uñjarakta, uka qunuñanakansti, khitinakatix Jesucriston qhanañchataparu, Diosan yatiyäwipar taqi chuymampi sayt'apxatap layku jiwayat uñjasipkatayna, ukanakaw qunt'atäsipkäna. Jupanakax janiw uka jach'a axsarkañ animalarusa, ukar uñtasit lursutarus yupaychapkataynati, janirakiw chimpupsa paranakaparu, amparanakapar uchayasipkataynati. Jupanakasti jaktapxänwa, Diosasti jupanakar reyi qunuñanak churäna, Cristompi waranqa mara apnaqapxañapataki.