Mateo 5:44 - Qullan Arunaka DC

⁴⁴ Ukampis nayax sapxsmawa: Uñisirinakamar munasipxam, ñanqhachirinakamatakisti Tatitut mayirapipxam.

Aymar Bibliia 1986

⁴⁴ Ucampis nayajj sapjjsmawa: Uñisirinacamarojj munapjjam, [maldicirinacamarojj bendicipjjam, uñisirinacamarusti asqui lurapjjam,] Diosat mayirapipjjaraquim qhitinacatejj [jumanacar tokepctam,] uqhamarac jan walinacs lurapctam ucanacataquisa.

Qullan Arunaca

⁴⁴ Ucampis nayajj sapjjsmawa: Uñisirinacamarojj munapjjam, [maldicirinacamarojj bendicipjjam, uñisirinacamarusti asqui lurapjjam,] Diosat mayirapipjjaraquim qhitinacatejj [jumanacar tokepctam,] uqhamarac jan walinacs lurapctam ucanacataquisa.

Mateo 5:44 Jak'a apnaqawi uñst'ayäwi

2 Reyes 6:22

Eliseosti ukxaruw säna: —Janiwa, jan jiwaraykamti. Nuwasïwin katuntat jaqinakarux janiw jiwarayañäkiti. Jupanakar manq'aña, umañ churam, ukatsti reyipan ukar kutt'ayxam —sasa.

Salmos 7:4

4 (5) ¿Uñt'at jaqi masixar ñanqha lurataxach utji? ¿Jan ukax uñisirixaruch jan kunat t'aqhisiytxa?

Proverbios 19:11

Yatiñ kankañan jaqix janiw mäk mayjt'askiti, chuyma usuchjatas janis kunäkaspa ukhamak uñji, uka luratapasti jach'a kankañawa.

Lucas 23:34

Jesusasti sänwa: “Awkixay, aka jaqinakar pampacham, jupanakasti janiw kuna luratapsa yatipkiti” sasa. Soldadonakasti Jesusan isip jupanakkam jaljasiñatakix suerte jaqtapxäna.

Juan 13:34

Aka machaq kamachi churapxsma: Maynit maynikam munasipxam. Kunjämtix nayax munasipksma, ukhamarak jumanakax maynit maynikam munasipxam.

Hechos 16:28

Ukampis Pablow jupar jach'at art'äna: —¡Jan jiwayasimti, taqiniw akankasipkta! —sasa.

Hechos 7:60

Killt'asisinsti, jach'at art'äna: “¡Tatay, aka jucha luratat jan jupanakar juchañchamti!” sasa. Ukham arsusin jupax jiwawayxäna.

Romanos 12:14

Uñisirinakamarux askimpiy uñjapxam. Ask lurapxam, janirak ñanqhachapxamti.

1 Tesalonicenses 5:15

Amuyasipxam, jan khitis ñanqhat ñanqha kutt'aypati. Jan ukasti, aski lurañatakipun ch'amt'apxam, jumanak taypinsa, taqinimpisa.

1 Pedro 2:23

Chuyma usuyir arunakamp tuqipkän ukkhaxa, janiw pachpa arunakamp kutt'aykänti; t'aqhisiyapkän ukanakatakisa, janiw achuskänti, jan ukasti chiqapar taripir Diosaruw katuyasïna.

1 Pedro 3:9

Ñanqhat ñanqha jan kutt'ayapxamti, jan wali arutsa jan pachpa arump kutt'ayapxamti. Jan ukasti, jupanakar aski waxt'äwinak churañapatak Tatitur mayipxam, jupasti jumanakarux uka waxt'äwinak katuqapxañamatakiw ajllisipxtam.

1 Samuel 24:17

17 (18) Davidarux säna: —Chiqpachansa wali sum lurtaxa. Jumaru jan wali lurataxatsti nayarux askimpiw kutt'ayista.