Mateo 5:16 - Qullan Arunaka DC

¹⁶ Uka pachpay jumanakan qhanamax jaqinak nayraqatan qhantpan, ukhamat aski luräwinakam uñjasin Dios Awkimar taqpachan yupaychañapataki.

Aymar Bibliia 1986

¹⁶ Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Qullan Arunaca

¹⁶ Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Mateo 5:16 Jak'a apnaqawi uñst'ayäwi

Éxodo 34:35

Israelitanakasti Moisesan ajanup k'ajir uñjapxäna, ukat Moisesax ajanup wasitat imt'asxäna, Tatitump parlir wasitat mantañapkama.

Proverbios 4:18

Aski jaqinakan sarnaqäwipax willjta qhanjamawa; urutatañkamaw juk'at juk'at qhanti.

Isaías 58:8

Ukapachaw qhanamax, qhantati warawarar uñtat k'ajani, usuchjatanakamas jank'akiw qullatäxani. Chiqa kankañamasti juman nayraqatam sarani, qhapaq kankañaxarakiw juman qhipamat arkanïtam.

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Mateo 23:5

Jaqin uñjayasiñatakikiw taqi kunsa lurapxi. Paranakaparu, amparanakapar Diosan arunakap qillqsut apañak munapxi, jach'a chhaxchhan isinakampi isthapisiñak munapxi.

Mateo 23:9

Janirak akapachan khitirus ‘awki’ sapxamti, jumanakan mä sapa Awkikiw utji; jupasti alaxpachankiwa.

Mateo 5:45

Ukhamat jumanakax alaxpachankir Awkiman wawanakapäpxäta; jupaw inti jalsuyani jan wali jaqinakatakisa, aski jaqinakatakisa, juparakiw jallu apayani, aski jaqinakatakisa, jan wali jaqinakatakisa.

Mateo 6:16

“Kunapachatix jumanakax ayunapkäta ukkhasti, janiy k'ari chuyman jaqinakjam llakit ajan uñacht'ayapxamti, jupanakax ayunatapa jaqimp uñjayasiñatakikiw llakit ajan uñacht'ayapxi. Qhanak sapxsma, ukham luratapampix churäwip niy katuqxapxiwa.

Mateo 6:9

Jumanakasti akham mayisipxäta: “ ‘Alaxpachankir nanakan Awkixa, sutimax jach'añchatäpan.

Mateo 9:8

Uk uñjasinsti, jaqinakax wal axsarapxäna, ukatsti Diosaruw yupaychapxäna jaqinakar ch'am churatap layku.

Lucas 11:2

Jesusasti jupanakarux sänwa: —Diosat mayisipkäta ukkhasti sapxam: ‘Awkixay, sutimax qullanañchatäpan. Qhapaq kankañamax jutpan.

Juan 15:8

Jumanakatix walja achu churasa, ukatsti nayan chiqpach yatiqirinakaxätanakam uñacht'ayas jakapxätaxa, Awkixax jach'achataw jikxatasini.

Hechos 9:36

Jope markan Tatitur arkir mä warmiw jakasïna, Tabitá sutini, griego arunxa, Dorcas satawa, Tabitá warmisti aski lurirïnwa, pist'añan sarnaqir jaqinakarux yanapt'apunirïnwa.

1 Corintios 14:25

Ukhamat chuyma manqhapan utjki ukax qhanar mistuni, ukatsti killt'asisaw Diosar yupaychani, ukat chiqpachapun Diosan jumanak taypinkatap yatini.

2 Corintios 9:13

Aka yanapasti jupanakarux Criston suma yatiyäwi arunakarjam sarnaqapxatam uñacht'ayani, ukatsti jupanakax Diosaruw yupaychapxani, jumanakan ukham kusisit chuymampi jupanakatakisa, taqinitakis yanapanak apthapipxatamatxa Diosarux jach'añchapxarakiniwa.

Gálatas 1:24

Uk yatisasti Diosaruw nayat yupaychapxäna.

Efesios 2:10

Diosaw jiwasanakar irnuqistu; Jesucristo tuqi aski luräwinak lurañasataki, nayratpach wakichat thakhin sarañasataki.

Efesios 5:8

Nayrax jumanakax ch'amakan jakapxäyätaxa, ukampis jichhax Tatitumpi mayakïxasax qhanan jakxapxtaxa. Ukhamasti qhanankirinakjam sarnaqapxam,

1 Timoteo 2:10

Diosar katuyat warminakjamay aski luräwinakamp k'achachasipxpan.

1 Timoteo 5:10

Jupanakasti suma luräwinak luririt uñt'atäñapawa, wawanakap sum uywatap layku, utapar sart'irinakar sum katuqatap layku, qullan markapankirinakan kayunakap jariqatap layku, t'aqhisirinakar yanapatap layku, yaqha aski luräwinak lurañatak ch'amachasitap layku.

1 Timoteo 5:25

Uka pachparakiw aski luräwinakax qhan uñsti; ukampis jan aski luräwinakax, janipuniw imantatäkaniti, jan ukasti, uñstakipuniniwa.

1 Timoteo 6:18

Kunatix askïk uk lurapxañapatak iwxt'am, aski luräwinakan qamirkipstapxpan, ukatsti kunatix jupanakan utjki uk mayninakar churañatakix jank'akïpxarakpan.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Tito 2:7

Juma pachparaki mä suma uñtäwi taqi kunansa uñacht'ayam. Yatichañansti, chiqa kankañampi phuqhasarak yaticham,

Tito 3:14

Jiwasankirinakasti aski lurañ yatiqapxarakpan, pist'añansa yanapt'asa, ukhamat jakäwinakapan askïñapataki.

Tito 3:4

Ukampis kunapachatix Qhispiyir Tatitux khuyapayasiñapa, munasiñapsa taqi jaqinakar uñacht'ayistuxa,

Hebreos 10:24

Maynit maynikam yanapt'asiñatak ch'amachapxañäni, juk'ampi munasiñ utjañapataki, aski luräwinak lurañataki.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

1 Pedro 3:1

Chachan warminaka, chachanakamar ist'as sarnaqapxam, ukhamata, kawknïr chachatix Tatitur jan iyawskchi ukax, jumanakan sarnaqäwinakam tuqi Tatitutak jikxatatäñapataki,

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.

1 Pedro 4:11

Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.

1 Pedro 4:14

Cristo laykutix jumanakar jan wali arunakamp tuqipxätamxa, kusisiñanïpxtawa, Diosan Ajayupax jumanakampïskiwa.