Mateo 5:12 - Qullan Arunaka DC

¹² Kusisitak jakasipxam, jumanakasti alaxpach markan jach'a churäwi katuqapxäta; jumanakat nayra profetanakarux kipkarak uñisipxäna.

Aymar Bibliia 1986

¹² Cusisitaqui jacasipjjam, jumanacasti alajjpach marcanjja churäwinac catokapjjäta. Uqhamaracwa nayra profetanacarojj uñisipjjerïna, qhitinacatejj jumanacat nayrakata jacawayapjjäna ucanacarojja.

Qullan Arunaca

¹² Cusisitaqui jacasipjjam, jumanacasti alajjpach marcanjja churäwinac catokapjjäta. Uqhamaracwa nayra profetanacarojj uñisipjjerïna, qhitinacatejj jumanacat nayrakata jacawayapjjäna ucanacarojja.

Mateo 5:12 Jak'a apnaqawi uñst'ayäwi

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

1 Reyes 18:13

¿Janit jumar yatiyapktamsti kuntix nayax lurkta, kunapachatix Jezabel reinax Tatitun profetanakapar jiwarayaskän uksti? Nayax jupanakat patakaniruw, phisqa tunkanitkam jaljasin pä putur imantta, jupanakarusti manq'añampi, umañamp churarakta.

1 Reyes 18:4

Kunapachatix Jezabel warmix Tatitun profetanakapar jiwarayañ qalltkän ukkhaxa, Abdiasax profetanakat patakaniruw jawsthapitayna, ukatsti phisqa tunkanitkam tamachasinsti, pä puturuw jupanakar imantatayna, ukatsti jupaw manq'añsa, umañsa churatayna.

1 Reyes 19:2

Ukat Jezabel warmix maynir khithäna Eliasar akham sañapataki: “Nayax jiwayämawa, kunjämtix jumax Baal diosan profetanakapar lurkta ukhama. Janitix qharür akapachax jumax jupanakjam jiwat uñjaskät ukaxa, diosanakax jan khuyapt'ayasis nayar jiwayitpan” sasa.

1 Reyes 21:20

Ahab reyisti Eliasarux sänwa: —Ukhamasti, ¿juma, uñisirixat nayar jikxatista? —sasa. Eliasasti sänwa: —Jïsa, jikxatsmawa. Jumax jan wali luräwinakak Tatitun nayraqatapan lurtaxa.

1 Reyes 22:8

Israelan reyipasti Josafatar sänwa: —Mayniw utjaski, jupa tuqiw Tatiturux jiskt'araksna. Jupasti Micaías satawa, Imlá chachan yuqapawa. Ukampis nayax jupar walpun uñista, jupax janipuniw suma yatiyäwinak yatiykituti, jan ukasti jan walinakak yatiyitu —sasa. Josafat reyisti sänwa: —Jan ukham samti —sasa.

2 Reyes 1:9

Ukat ukspachaw jupax irptaniñapatak mä jilïrir khithäna phisqa tunka soldadonakampi. Puripkän ukkhasti, Eliasax mä qullu patan qunt'atäskänwa. Ukat capitanax jupar säna: —¡Profeta, reyix: “Saraqanpan” sistamwa! —sasa.

2 Crónicas 16:10

Asá reyisti profetatakix walpun q'apisïna, ukat carcelar uchantayäna. Uka urunakanxa markankirinakat yaqhipanakarux mutuyarakïnwa.

2 Crónicas 36:16

Ukampis jupanakax Diosan khithanakapat larusipxänwa, yatiyäwinakapar janiw yäqapkänti, profetanakapatsa phiskasipxarakïnwa, Tatitun q'apisiñapasti markapatak ninjamaw aqtäna, ukat jupax mutuyañ amtäna.

Nehemías 9:26

“Ukampis jupanakax jan ist'asirïpxänwa, jumatak sayt'asisin kamachimar jisk'achapxarakïna. Ukxarusti profetanakamarux jupanakar juchañchatapat jiwayapxäna, uka profetanakasti jupanakan jumar wasitat makhatxañapatakiw jupanakar parläna; jach'a juchanakpun jumatak sayt'asisin lurapxäna.

Salmos 19:11

11 (12) Arkirimatakis iwxt'a arunakawa, uka arunakam imañax askinak jikxatañawa.

Salmos 58:11

11 (12) Ukapachaw sapxani: “¡Aski jaqix walirukis puriskixä! ¡Diosax chiqapar uñjirïskapunisä!” sasa.

Proverbios 11:18

Jan wali jaqix sallqañtañ chuymampiw yänak jikxati; aski kankañamp luriristi, chiqa luräwipatjam katuqaraki.

Isaías 3:10

Ukampis aski jaqinakax kusisiñanïniwa, jupatakisti taqi kunas walikïskaniwa. Aski luratanakapatsti kusisirakiniwa.

Jeremías 2:30

Inamayaw wawanakamarux mutuytxa, jan wali luratanakapatxa janiw kuttaniñ munapkiti, jumanakasti qhuru leonanakar uñtataw profetanakamarux jiwarayapxtaxa.

Jeremías 26:8

Ukatsti jupax taqi kuntix Tatitux parlañapatak churkatayna uka arunak parlañ tukuyxän ukkhasti, sacerdotenaka, profetanaka, uka markan jakirinakasa Jeremiasar katuntasin sapxäna “¡Jumax jiwätawa!

Jeremías 37:14

Jeremiasasti sänwa: —Janiw ukhamäkiti, janiw nayax babilonionakar jaqkattkäti —sasa. Ukampis Irías jaqix janiw kunsa ist'añ munkänti, jan ukasti katuntasin jilïrinakan nayraqataparuw irpäna.

Mateo 16:27

Jaqin Yuqapax Awkipan jach'a munañapampiw, angelanakapampi jutani, ukatsti sapa mayniruw lurataparjam churani.

Mateo 6:16

“Kunapachatix jumanakax ayunapkäta ukkhasti, janiy k'ari chuyman jaqinakjam llakit ajan uñacht'ayapxamti, jupanakax ayunatapa jaqimp uñjayasiñatakikiw llakit ajan uñacht'ayapxi. Qhanak sapxsma, ukham luratapampix churäwip niy katuqxapxiwa.

Lucas 13:34

“¡Jerusalén, Jerusalén, jumax profetanakaruw jiwaytaxa, Diosax khithanktam ukanakaruw qalampi k'upjtaxa! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Lucas 6:23

Wal kusisipxam, uka t'aqhisiñ urun k'uchisipxam, jumanakasti alaxpachan jach'a waxt'äwi katuqapxäta; uka jaqinakan nayra awkinakapax uka pachparak profetanakarux lurapxäna.

Lucas 6:35

Ukampis jumanakax uñisirinakamar munapxañamawa, aski lurapxañamaraki, jan kun katuqañ suyasak mayt'apxam. Ukhamat jumanakan katuqañamax jach'äni, jumanakasti Alaxpach Dios Awkin wawanakapäpxätawa. Diosax jupar jan yuspagaririnakatsa, juchararanakatsa khuyapt'ayasiwa.

Hechos 16:25

Niya chika arumarusti, Pablompi Silasampix Tatitut mayisisipkäna, q'uchunak q'uchusipkarakïna, ukchañkamasti carcelan jist'antat yaqha jaqinakax ist'asipkänwa.

Hechos 5:41

Ukatsti apostolunakax jilïrinakan nayraqatapat wali kusisitaw mistuwayxapxäna, Diosan jupanakar Jesusan sutip layku t'aqhisiñatak ajllitapata.

Romanos 5:3

Janiw ukakïkiti, jan ukasti t'aqhisiñanakat kusisiraktan; uka t'aqhisiñanakax llamp'u chuymanïñ yatichatap yatiraktan,

1 Corintios 3:8

Yapuchirinakasa, qarpirinakas kipkakïpxiwa, sapa maynirus Diosaw luräwipatjam churani.

2 Corintios 4:17

Aka uraqin t'aqhisitasax janiw kunäkisa, tukusirikiwa; ukampis mä jach'a aski jilarkir wiñay kusisiñ apani.

Filipenses 1:29

Diosaw jumanakarux Cristor iyawsapxatam layku kusisiñ churapxtam, ukatsti jupa layku t'aqhisiñ churapxaraktam.

Filipenses 2:17

Jumanakax Diosar iyawsasaw jupar arkapxtaxa, ukasti juparu luqtäwi katuyatäkaspas ukhamawa. Inas nayarux jiwayapxchitani, jiwataxasti Diosatakix mä luqtäniwa, ukhamäspa ukasti, nayax wali kusisitäyäwa, jumanakampi chikarakiw kusisirakï.

Colosenses 1:24

Jichhax jumanak layku t'aqhisisax kusistwa, ukhamat pachpa janchixan kunatix Criston iglesiap layku t'aqhisiñax jan phuqhatäki uk phuqhaskta.

Colosenses 3:24

Niy yatipxtawa, aski luratamat churäwi katuqañamax wakt'apktam uk Tatitut katuqapxäta. Jumanakasti khititix chiqpach Tatitüki uka Cristoruw arkapxtaxa.

1 Tesalonicenses 2:15

Uka judionakaw Tatit Jesusarux jiwayapxäna, kunjämtix nayrapachax profetanakar jiwayapkatayna ukhama, nanakarusti jaqunukupxituwa. Diosarux janiw kusisiyapkiti, taqi jaqinakan timaparuw tukupxi,

Hebreos 10:34

Jumanakasti carcelankirinakat khuyapt'ayasipxäyätawa, kusisiñampiw yänakamsa aparayasipxäyätaxa, alaxpachan ukat juk'ampi suma wiñayatak katuqañ utjatap yatisina.

Hebreos 11:26

Jupax Cristo layku t'aqhisiñan askïtap amuyäna, Egipto markan qamir yänakat sipansa; Diosan jupar churañapäkän uk suyt'askäna.

Hebreos 11:33

Iyawsäwi laykuw yaqha markanakarus atipapxäna, chiqaparuw apnaqapxarakïna, kuntix Diosax arskatayna uk katuqapxäna. Leonanakan lakanakapsa jist'antapxarakïnwa,

Hebreos 11:6

Jan iyawsañampix janiw Diosarux kusisiyksnati, Diosar jak'achasiñatakix maynix Diosan utjatap iyawsañapawa, jupar thaqhirinakar askinak waxt'irïtap iyawsañaparakiwa.

Santiago 1:2

Munat jilatanakaxa, jumanakax kunayman yant'anakan jikxatasipkät ukkhax kusisipxam.

Santiago 5:10

Munat jilatanakaxa, Tatitun sutipxar parlapkän uka profetanakan t'aqhisitapata, llamp'u chuymanïtapat yatiqasipxam.

1 Pedro 4:13

Jan ukasti Jesucristjam t'aqhisipxatanakamat kusisipxam, ukhamat kunapachatix jupax qhapaq kankañapamp jutkan ukkhax kusisiñan phuqt'atäpxañamataki.

Rut 2:12

¡Diosaw luratamat jumar kuttayxätam! ¡Israelan Tatitupat churäwi katuqasxäta, jupar alkatatam layku, jupar thaqhatam laykuraki! —sasa.