Mateo 5:10 - Qullan Arunaka DC

¹⁰ “Kusisiñanïpxiw aski kankañ layku t'aqhisirinakaxa, jupanakankiw Diosan qhapaq markapaxa.

Aymar Bibliia 1986

¹⁰ “Cusisiñanïpjjew qhitinacatejj Diosan munañaparjam sarnakatap laycu uñisitäpjje t'akhesiyatäpjjaraqui ucanacajja, Diosan reinopasti jupanacancaraquiwa.

Qullan Arunaca

¹⁰ “Cusisiñanïpjjew qhitinacatejj Diosan munañaparjam sarnakatap laycu uñisitäpjje t'akhesiyatäpjjaraqui ucanacajja, Diosan reinopasti jupanacancaraquiwa.

Mateo 5:10 Jak'a apnaqawi uñst'ayäwi

Salmos 37:12

Ñanqha lurir jaqix, aski jaqirux jan wal lurañ amti, phiñasit nayrampiw uñkati.

Isaías 66:5

Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.

Mateo 10:23

Mä markantix nuwjañatak arknaqapxätamxa, yaqha markar jaltxapxam; qhanak sapxsma, janïraw Israelankir markanak muytañsa tukuyapkätati ukapachaw Jaqin Yuqapax jutxani.

Mateo 19:14

Jesusasti sarakïnwa: —Wawanakax nayan ukar jutasipkpan sama, jan jark'apxamti, Diosan qhapaq markapax jupanakjamankiwa —sasa.

Mateo 25:34

Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.

Mateo 5:3

“Kusisiñanïpxiw Tatitur taqi chuyma alkatirinakaxa, jupanakankiw Diosan qhapaq markapaxa.

Marcos 10:14

Jesusasti uk uñjasax phiñasïnwa, ukat sarakïna: —Wawanakax nayan ukar jutasipkpan sama, jan jark'apxamti, Diosan qhapaq markapax jupanakjamankiwa.

Marcos 10:30

uka jaqix patakatsa juk'amp jila akapachan katuqxani: utanaka, jilanaka, kullakanaka, tayka, wawanaka, uraqinaka, ukanak katuqkasas uñisitaw sarnaqani; ukampis khä pachan wiñay jakañ katuqxani.

Lucas 21:12

“Ukampis taqi akanak nayraqatasti, jumanakaruw katuntapxätam, t'aqhisiyañatakiw arknaqapxarakïtam. Sinagoganakaruw taripañatak apapxätam, carcelaruw uchantapxätam, ukatsti reyinakana, marka apnaqirinakan nayraqataparuw sutix layku irpapxätam.

Lucas 22:29

Ukat nayax jumanakar reyi kankañ churapxsma, kunjämatix Awkixax nayar churkitu ukhama,

Lucas 6:20

Jesusasti yatiqirinakapar uñkatasaw säna: “Kusisiñanïpxtaw jan kunaninakaxa, Diosan qhapaq markapax jumanakankiwa.

Lucas 6:22

“Kusisiñanïpxtaw kunapachatix jaqinakax uñisipkätam, jupanak taypit jaqunukupkätam, kunayman jan wali sapkätam, sutinakamsa ñanqha sutjam amuyapkani, Jaqin Yuqap layku ukapachaxa.

Juan 15:20

Kuntix sapkäyäsma uk amtasipxam: ‘Janiw khiti uywatas uywiripat sipan juk'ampïkiti’ sasa. Nayarux uñisipxituwa, jumanakarusti uñisipxarakïtamwa; yatichäwinakaxtix imapxchixa, jumanakan yatichäwinakam imapxarakiniwa.

Hechos 5:40

Ukatsti apostolunakar jawsayanisin jawq'japxi, ukatsti jan juk'amp Jesusan sutipar parlasipkañapatakiw axsarayapxi, ukat antutnukxapxaraki.

Hechos 8:1

Saulosti ukan jikxatasïna, Estebanar jiwayir sum uñjaskäna, ukax jupatakix walikïnwa. Uka urutpach Jerusalenankir iglesiax wali uñisitaw uñjasïna. Taqiniw Judea tuqinakaru, Samaria tuqinakar aywitatawayxapxäna. Apostolunakakiw Jerusalenan qhiparxapxäna.

2 Corintios 4:17

Aka uraqin t'aqhisitasax janiw kunäkisa, tukusirikiwa; ukampis mä jach'a aski jilarkir wiñay kusisiñ apani.

Filipenses 1:28

uñisirinakamarus jan axsarasaraki. Jumanakatix wali ch'aman sayt'asipxätaxa, jupanakan chhaqhañar saraskatap uñjapxäta, jumanakasti qhispiyatäpxätawa, Diosan jumanakar atipt'ayatap layku.

2 Timoteo 2:12

t'aqhisiñänitixa, jupampirakiw jakañäni; jan uñt'iritix tukuñänixa, jupax jan uñt'iriw tukurakistani;

2 Timoteo 3:11

jumax askiw yatta kunatix Antioquía markana, Iconio markana, Listra markan t'aqhiskäyät ukanakxa. ¡Ukataq arknaqataw uñjasiyäta! Ukampis Tatitux taqi ukanakat qhispiyitu.

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

Santiago 5:11

Jiwasasti khitinakatix t'aqhisipki jupanakarux “kusisiñaniwa” sistanwa. Jumanakax kunjämtix Job chachax t'aqhiskän uk ist'apxtawa, ukatsti kunjämtix Tatitux tukuyar jupampi lurkän uk yatipxaraktawa. Tatitux wali munasiri, khuyapayasiriwa.

1 Juan 3:12

Janiw Caín chachjamäñasäkiti, jupax supayankatap laykux jilaparuw jiwayi. ¿Kunatsa jiwayänxa? Cainan luratanakapax janiw walïkänti, jilapan luratapasti askïnwa.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.