Mateo 4:21 - Qullan Arunaka DC

²¹ Mä juk'a nayrar sartasinsti, Jesusax yaqha pani jila sullkaruw uñjäna. Santiagompiru, Juanampiru, jupanakax Zebedeon yuqanakapänwa. Jupanakasti awkipampiw qänanakap boten askichasipkäna. Jesusasti jupanakaruw jawsäna,

Aymar Bibliia 1986

²¹ Juc'amp nayrakatansti, Jesusajj yakha pani jila sullcaruw uñjaraquïna. Ucanacasti Juanampi Jacobompïnwa, Zebedeon yokanacapa. Jupanacasti awquipampïscänwa mä botjjana känanacapa asquichasa. Jesusasti jupanacaruw jawsäna.

Qullan Arunaca

²¹ Juc'amp nayrakatansti, Jesusajj yakha pani jila sullcaruw uñjaraquïna. Ucanacasti Juanampi Jacobompïnwa, Zebedeon yokanacapa. Jupanacasti awquipampïscänwa mä botjjana känanacapa asquichasa. Jesusasti jupanacaruw jawsäna.

Mateo 4:21 Jak'a apnaqawi uñst'ayäwi

Mateo 10:2

Tunka payanin sutinakapax akanakawa: Simón Pedro; Andrés, Simón Pedron jilapa; Santiago, Juan, Zebedeon yuqanakapa;

Mateo 17:1

Suxta uru qhipatsti Jesusax Pedrompiru, Santiagompiru, Juan jilapampir irptawayasaw mä jach'a qullu patar makhatäna.

Mateo 26:37

Ukatsti Pedrompiru, Zebedeon pani yuqapampiruw jupamp chik irpäna, ukansti wali llakt'ataw jikxatasïna.

Mateo 4:20

Jupanakasti ukspachaw qänanak jaytarpäwayasax Jesusar arkxapxäna.

Mateo 4:22

ukspachaw awkipampiru, botempir jaytanukuwayasax Jesusar arkxapxäna.

Marcos 3:17

Santiago, Juan jilapampi; jupanakax Zebedeon yuqanakapänwa, jupanakarusti Boanerges sasaw sutichäna, ukax “Qhixu qhixun wawanakapa” sañ muni.

Marcos 5:37

Jesusasti janiw taqinimp sarañ munkänti, jan ukasti Pedrompiru, Santiagompiru, Juan jilapampirukiw irpäna.

Juan 21:2

Uka chiqan tantacht'atäpkän ukanakax akïrinakänwa, Simón Pedro, Ispa sat Tomás, Galilea uraqin Caná markankir Natanael, Santiago, Juan, jupanakax Zebedeon yuqanakapa, ukhamarak Jesusan yaqha pani yatiqirinakapampi.

Hechos 12:2

Jupasti Juanan jilapa Santiagoruw jiwayayäna.