Mateo 4:1 - Qullan Arunaka DC

¹ Ukatsti Jesusax Ajayumpi wasarar irpataw uñjasïna, ukan supayan yant'atäñapataki.

Aymar Bibliia 1986

¹ Uca khepatsti Ajayuw Jesusarojj wasararu irpäna, ucan supayan yant'atäñapataqui.

Qullan Arunaca

¹ Uca khepatsti Ajayuw Jesusarojj wasararu irpäna, ucan supayan yant'atäñapataqui.

Mateo 4:1 Jak'a apnaqawi uñst'ayäwi

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

1 Reyes 18:12

Ukat juk'ampi, nayax juma jak'at saraqawaykäma ukspachaw Tatitun ajayupax aptawayätam, nayasti janiw kawkinkatamsa yatkäti. Ukatsti kunapachatix nayax Ahab reyiru juman akankatam yatiyä ukkhaxa, jupax jutaniwa, ukatsti janiw jumar jikxatkätamti, ukatsti nayarux jiwayitaniwa. Naya, juman luqtirimax waynatpach Tatitur axsartirïtwa.

2 Reyes 2:16

sapxänwa: —Eliseo, nanaka luqtirinakam taypinxa, phisqa tunka jan axsarir chachanakaw utji, jupanakax jank'akiw sarañ munapxi Elías yatichirimar thaqhiri, inas Diosan ajayupax aptasin mä kawki qullu patarusa, jan ukax, mä qhirwarus jaqunukuwaychi —sasa. Ukampis jupax sänwa: —Janiwa, jan khitirus khithapxamti —sasa.

Ezequiel 11:1

Diosan ch'amapaw nayarux aptawayitu, ukatsti Tatitun utapan inti jalsu tuqin utjir punku jak'aruw sayt'ayitu. Uka punkunsti pä tunka phisqani jaqinakaw qunt'atäsipkäna. Ukanak taypinsti Azur chachan Jaazanías yuqaparu, Benaías jaqin Pelatías yuqaparuw uñjarakta, jupanakasti markan jilïrinakapänwa.

Ezequiel 11:24

Ukatsti Tatitun ch'amapaw nayar aptawayasax Babiloniar kuttayitu, kawkhankapkäntix apanukuyata jaqinakax uka markaru. Taqi aka luräwinaksti, Tatitun Ajayupaw unañchäwi tuqi uñjayarakitu. Uka qhipatsti uka unañchäwix chhaqtawayxänwa,

Ezequiel 3:12

Ukapachaw Tatitun ch'amapax nayar aptawayitu, nayan qhipäxaxansti mä jach'a uraqi khathatis jach'a ch'amampi unxtkaspa ukham ist'arakta, ukasti Tatitun jach'a kankañapaw ukawjat sartäna.

Ezequiel 3:14

Tatitun ch'amapaw nayarux aptitu ukatsti uka chiqat apsunirakitu, nayasti wali llakt'ata mayjt'ataw sarxarakta, ukchañkamasti Tatitux amparapampiw wali waythapirakitu.

Ezequiel 43:5

Ukapachaw Tatitun ch'amapax nayar aptitu, manqhäxankir uta anqäx tuqiruw irpitu, ukan nayax uñjarakta Tatitun qhapaq kankañapan templor phuqhantata.

Ezequiel 8:3

Uka jaqisti mä amparampjamaw luqtanisax ñik'utat katuntitu. Ukat Tatitun ch'amapax alayar tuytayitu, Tatitux unañchäwinak tuqiw Jerusalén markar irpitu, ukatsti marka manqhana amsta tuqi uñtatäki uka punku chiqaruw sayt'ayitu, uka chiqanarak Tatitur q'apisiyiri idolox jikxatasïna.

Juan 14:30

“Janiw jumanakamp juk'ampinak parlkxäti, akapach apnaqir supayax niy jutiwa. Jupasti nayxarux janiw kuna ch'amanïkisa,

Hechos 8:39

Umat mistxapxän ukapachasti, Tatitun Ajayupaw Feliperux aptawayxäna, uka aytat jaqisti janiw mayampsa Feliperux uñjkxänti; ukampis jupax k'uchikiw thakhinjam saraskakïna.

Romanos 8:14

Taqi khitinakatix Diosan Ajayupamp irpatäki ukanakax Diosan wawanakapawa.

Hebreos 2:18

Jupa pachpa t'aqhisisaw yant'at uñjasïna, jichhasti khitinakatix yant'ar puripki ukanakaruw yanapt'arakispa.

Santiago 1:14

Jan ukasti, maynix ñanqha amtäwinakaparjamaw yant'at uñjasi, ukampiw katuntayasi sallqjayasiraki.