Mateo 3:12 - Qullan Arunaka DC

¹² Jupasti aski jaqinakarux ñanqha jaqinak taypit irpsunini. Aski jaqinakarusti qhispiyaniwa, ukampis ñanqha lurir jaqinakarux jan jiwt'ir ninaruw jaquntani” sasa.

Aymar Bibliia 1986

¹² Niyaw jupan amparapanqui trigompi, jipimpi jaljañ wayrachirejja. Jaljasinsti trigorojja imaraquiniwa, jipsti jan jiwquir ninaruw phichantaraquini” sasa.

Qullan Arunaca

¹² Niyaw jupan amparapanqui trigompi, jipimpi jaljañ wayrachirejja. Jaljasinsti trigorojja imaraquiniwa, jipsti jan jiwquir ninaruw phichantaraquini” sasa.

Mateo 3:12 Jak'a apnaqawi uñst'ayäwi

Job 21:18

¿Kunapacharak jupanakasti tutuka thayampi jichhur uñtat willinukut uñjasipxisti?

Salmos 1:4

Jan wali jaqinakampisti janiw ukhamäkiti: jupanakax thayan apat jipir uñtatäpxiwa.

Salmos 35:5

¡thayan apat jipir uñtatäpxpan; Tatitun angelapan jaqunukut uñjasipxpan!

Isaías 1:31

Jumanakat ch'aman jaqisti, wichhjamaw ninan nakhantani, jupan luräwinakapatsti, jupa pachpatsa, janiw kunat amtasiñas utjkxaniti.”

Isaías 17:13

Ukampis Tatitux jupanakar tuqintki ukkhax jayaruw jaltxapxi, kunjämtix thayax wichhunakar apaskix ukhama, jan ukax kunjämtix tutuka thayax ch'aphinak apaskix ukhama.

Isaías 27:4

Janiw jupatakix phiñasitäkxti; ukampis jan ist'asirinakax utjaskakiwa, ukatsti, nayaw uka markat jupanakarux apsü.

Isaías 28:28

Trigox janiw jan samart'as jawq'suñäkiti; jan ukasti, carretampi qatatkipañakiwa, jan ñut'uchjasaw granox yaqhachaña.

Isaías 30:24

Kawkïr vacanakamatixa, asnonakamas uka yapunakan irnaqapki ukanakax suma chhuxllanak manq'asipxarakini.

Isaías 41:16

Ukatsti thayan apasxañapatakiw khuyt'äta, tutuka thayaw apasxani. Ukapachaw jumax Tatitunkasax kusisïta, Israelan Qullan Diosapatsti kusisirakïtawa.

Isaías 5:24

Israelan Qullan Diosapan yatichäwinakapxa, janiw katuqapktati; chiqpach mä sapa Tatitun kamachinakapsa jisk'achapxtawa. Ukatpï jichhax, kunjamtix ninax wichhurux q'al nakhantkixa, ukhamarakiw jumanakax q'ala tukjatäpxäta, kunjämatix alinakax saphitpach ñusjkix ukhama, panqaranakapas laq'ar tukuwaykix ukhama.

Isaías 66:24

“Kunapachatix markaxax misttankan ukkhasti, khitinakatix nayatak sayt'asipkäna uka jaqinakan jiwat janchinakap uñjapxani. Ukanak manq'ir laq'unakasti janiw jiwapkaniti, jupanakar nakhantir ninasti janipuniw jiwt'kaniti. ¡Taqi jaqinakatakisti wali axtaskañäniwa!”

Jeremías 15:7

Markat anqaruw jaqtansma, wichhu t'unar uñtat willtansma; markaxarux jan wawanakan antutarakta, uka ñanqha jakañap jan apanukuñ munatapat t'unjarakta.

Jeremías 17:27

Ukampisa, jumanakatix nayan arunakax jan ist'apkitäta, nayan sábado samarañ urunsa uka q'ipinakam Jerusalén markan punkunakap chiqa apantasipkakïta ukkhaxa, nayax Jerusalén markan punkunakap ninampiw q'al phichhantä, uka ninasti Jerusalenankir reyin utanakapsa q'al nakhantani, janirakiw khitis uka nin jiwaraykaniti.’ ”

Jeremías 4:11

Mutuyañ pachax purinkani ukkhasti, Jerusalén markarux satarakïniwa: “Wasar tuqit mä junt'u thayaw thayt'ani, ukasti markax tuqiruw thayt'ani. Uka thayax janiw trigo khuyuñatak suja thayäkiti;

Jeremías 51:2

Babilonia markarusti, uñisirinakapampix kunjämatix trigox thayampi thalsutaxa ukhamarak thalsuyä, uraqipsti jan mä jaqin jaytarakï. Aynacht'añ urupax purinkani ukapachasti, taqi tuqit juparux muyuntapxani.

Jeremías 7:20

Ukat naya, Tatitux taqi phiñasiñaxampi aka chiqar mutuyä, jaqinakxaru, animalanakxaru, quqanakxaru, yapunakxaru. Q'apisiñaxasti jan jiwarkir ninjamaw nakhani.”

Oseas 13:3

Ukat jichhax qhantati urpur uñtata, willjta sullar uñtat chhaqtapxani, thayan apat waña laphir uñtata, phayañ utat mistur jiwq'ir uñtat chhaqtapxani.

Amós 9:9

Israel markan jawq'sutäñapatakix nayaw arsü, susuñampi susurpayañataki, kamisatix mä susuñat sususax, mä trigosa uraqir jan jalaqtayaski ukhama.

Malaquías 4:1

1 (19) Taqi ch'aman Tatitux siwa: “Urux jak'achasisinkiwa, hornor uñtat parintata, uka urusti taqi jach'a jach'a tukurinakampi, ñanqha luririnakampix jichhur uñtataw nakhantani. Uka uru purinkani ukapachaw jupanakar saphitpach nakhantani, janirakiw kunas jupanakat jilt'kaniti.

Mateo 13:30

Paypach aliskpan sama, kunapachatix yawthapiñ pachax purinkan ukkhaw uka quranak nayraqat apthapir khithä, ukatsti marqa marqa wakicht'asin ninar phichhantayä, trigorusti pirwaruw sum imayarakï’ ” sasa.

Mateo 13:41

Jaqin Yuqapasti angelanakaparuw khithanini, Diosan markapat mayninakar juchar tinkuyirinakaru, jan wal lurir jaqinakar apthapiri.

Mateo 13:42

Jupanakarux nina aqkir hornoruw jaquntapxani, ukan wararipxani, laka ch'aksa t'urusipxani.

Mateo 13:43

Diosan munañap phuqhirinakasti, intjamaw Awkipan qhapaq markapan qhanapxani. ¡Jumanakatix ist'añ munapxstaxa, ist'apxam!

Lucas 3:16

ukampis Juanax taqiniruw säna: “Nayax chiqpachan umampiw bautisapxsma, ukampis mayni jutki ukax Qullan Ajayumpi, ninampiw bautisapxätam. Jupax nayat sipan juk'amp ch'amaniwa, nayasti janirakiw askïkti wiskhu t'isnup jararañatakisa.

Lucas 3:17

Jupasti aski jaqinakarux jucharar jaqinak taypit apsuni. Aski jaqinakarusti qhispiyaniwa, juchararanakarusti jan jiwarir ninaruw jaquntani.”

Juan 15:2

Layminakaxat maynitix achu jan churkanixa, Awkixax khuchhunukuniwa; ukampis achu churir layminakarusti, juk'amp achuñapatakiw q'umachani.