Mateo 28:3 - Qullan Arunaka DC

³ Angelasti lliju llijur uñtataw k'ajäna, isipax khunjam janq'urakïnwa.

Aymar Bibliia 1986

³ Jupasti wali c'ajquirïnwa, isipasa qhunjam jank'oraquïnwa.

Qullan Arunaca

³ Jupasti wali c'ajquirïnwa, isipasa qhunjam jank'oraquïnwa.

Mateo 28:3 Jak'a apnaqawi uñst'ayäwi

Salmos 104:4

Thayanakax khithanakamawa, nina lawranakasti arsutam phuqhirinakawa.

Daniel (hebreo) 7:9

“Nayasti uñch'ukiskakïyätwa, reyi qunuñanak uchapxäna, ukatsti mä chuyman jaqiw qunt'asirakïna. Isipax khunjam janq'ünwa, ñik'utanakapasti t'axsit t'awrjamarakïnwa. Qunuñapasa, uka qunuñan muyurinakapas nina lawrakamakïnwa.

Mateo 17:2

Ukansti Jesusax jupanak nayraqatan qhankiriw tukuwayäna. Ajanupasti intjamaw k'ajäna, isipasti wali janq'ururakiw tukuwayäna.

Mateo 28:4

Angelar uñjasinsti, soldadonakax axsarañat wal khathatipxäna, jiwatäpkaspas ukhamaw liwirtapxäna.

Marcos 16:5

Sepulturar mantasinsti, janq'u isin mä waynaruw kupïxan qunt'atäskir uñjapxäna. Warminakasti wal mulljasipxäna,

Marcos 9:3

Isinakapas k'ajkir khunjam suma janq'uruw tuküna, janipuniw khitis qawqha t'axsusas ukham janq'u tukuykaspati.

Juan 20:12

ukatsti janq'u isini pä angelaruw uñjäna, jupanakasti kawkharutix Jesusan jiwat janchip uchapkatayna ukawjan qunt'atäsipkänwa; maynix p'iqi tuqina, maynisti kayu tuqina.

Hechos 1:10

Alaxpacha uñtat Jesusar uñch'ukisipkipansti, janq'u isini pani chachaw jupanak thiyan uñstäna.

Apocalipsis 10:1

Ukatsti ch'aman kankañan yaqha angelaruw uñjta, alaxpachat qinayan llawuntat saraqasinkiri; p'iqipxansti mä kürmiw utjäna, ajanupax intir uñtataw qhanäna, kayunakapasti nina lawranakar uñtatänwa.

Apocalipsis 18:1

Taqi ukanak qhipatsti, yaqha angelaruw uñjarakta alaxpachat wali munañan kankañampi saraqasinkiri; uraqisti uka angelan k'ajatapampiw qhanäna.