Mateo 27:6 - Qullan Arunaka DC

⁶ Sacerdotenakan jilïrinakapasti uka qullqi apthapisinxa, sapxarakïnwa: —Janiw uka qullqxa Tatitun utapan luqtat qullqinakamp chika imksnati, jan juchan jaqin wilap alatätap layku —sasa.

Aymar Bibliia 1986

⁶ Sacerdotenacan jilïrinacapasti uca kollkjja aptapjjaraquïnwa, ucatwa aqham sas sapjjäna: —Janiw uca kollkjja ofrendanacamp chica imcsnati, wilampi ch'ajjch'sutätap laycu —sasa.

Qullan Arunaca

⁶ Sacerdotenacan jilïrinacapasti uca kollkjja aptapjjaraquïnwa, ucatwa aqham sas sapjjäna: —Janiw uca kollkjja ofrendanacamp chica imcsnati, wilampi ch'ajjch'sutätap laycu —sasa.

Mateo 27:6 Jak'a apnaqawi uñst'ayäwi

Isaías 61:8

Tatitusti kunatix chiqapäki uk muni, lunthatasiñampi, jaqi jiwayañampirux uñisiwa. Jupaw jumanakarux kunatix churañäki uk taqi chuyma churapxätam, ukatsti mä wiñay arust'äwi jumanakampix lurani.

Mateo 23:24

¡Juykhu irpirinaka, jumanakax mä jisk'a chhichhillankhan vino umt'añar jalantkipansa apsupxtawa, ukampis camellorux ukhampach manq'antapxtaxa!

Mateo 27:5

Judasasti qullqinak Tatitun utapar willintawayasaw sarawayxäna, ukatsti jupa pachpaw jaychkatasïna.

Mateo 27:7

Jupanakkam aruskipasinsti, uka qullqimpix Sañu Luririn Uraqipa satäkis uka uraq alañatakiw amtapxäna, uka uraqin yaqha markat jutirinakar imañataki.

Marcos 7:11

Ukampis jumanakax sapxtawa: ‘Mä jaqix awkipar taykapar jan yanapañ laykux saskaspawa: Janiw yanapkirismati, taqi kunaxas Diosar katuyatäxiwa’ sasa;

Juan 18:28

Ukatsti Jesusarux Caifasan utapat marka apnaqirin utaparuw irpapxäna. Ukapachax niyaw willjtanxäna, judionakasti janiw uka utar mantapkänti saraparjam jan q'añuchasiñataki, mantapxasapän ukax janiw Pascua manq'a manq'apkasapänti.

Deuteronomio 23:18

18 (19) Janirak jumanakax Tatit Diosaman utapan uka q'añu sarnaqañan jikxatat qullqinak katuqapxamti, ukham lurañanakasti Diosarux axtasiyiwa.