Mateo 26:2 - Qullan Arunaka DC

² —Jumanakax niy yatipxtawa, akat pä ururux Pascua jach'a urüxaniwa, Jaqin Yuqapasti ch'akkatañatak katuntayatäniwa.

Aymar Bibliia 1986

² “Cunjämtejj jumanacajj yatipctajja, acat pä urutjja pascua fiestäjjewa. Jaken Yokapasti catuntayatäniwa ucat ch'accatataraquïniwa.”

Qullan Arunaca

² “Cunjämtejj jumanacajj yatipctajja, acat pä urutjja pascua fiestäjjewa. Jaken Yokapasti catuntayatäniwa ucat ch'accatataraquïniwa.”

Mateo 26:2 Jak'a apnaqawi uñst'ayäwi

Éxodo 34:25

“Wilañcha luqtañatak jiwatäkani uka uywarux, janiw wilampi, levaduran t'ant'ampi apthapit luqtapxätati, janirakiw Pascuan wilañcha luqtatäki ukan jilt'anakapsa qhipärmanthitak imapxätati.

Mateo 10:4

Cananeo tamankir Simón, Judas Iscariote, Jesusar aljantirïki uka.

Mateo 17:22

Galilea tuqin sarnaqapkipansti, Jesusax jupanakar sänwa: —Jaqin Yuqapax juchararanakan amparapar katuyatäniwa,

Mateo 27:4

akham sasa: —Jan juchan jaqir jiwayañatak katuyasaw juchan uñjasta —sasa. Jupanakasti sapxänwa: —¿Kamachapxarakï nanakasti? ¡Jumay kunarus tukuskamxa! —sasa.

Lucas 22:15

Ukatsti Jesusax jupanakarux sänwa: —¡Walpun jumanakampix aka Pascua manq'a manq'añ munäyäta janïr jiwkasina!

Juan 11:55

Judionakan Pascua jach'a urupax niy jak'ankxänwa, walja jaqirakiw taqi tuqit Jerusalén markar sarapxäna; Pascua uru janïr purinkipan q'umachasiñ luräwi phuqhañataki.

Juan 12:1

Pascua jach'a urutak suxtürükipan Jesusax Betania markaruw saräna, jupax jaktaykatayna uka Lazarox kawkintix jakkäna uka markaru.

Juan 18:2

Aljantir Judasax uka chiq sum uñjarakïna, Jesusan walja kuti yatiqirinakapampi ukawjar sarirïtap layku.

Juan 18:32

Ukhamaw Jesusan arsutapax phuqhasïna, kunjämtix jiwañapäkän ukxata.

Juan 2:13

Judionakan Pascua jach'a urup niya jak'ankxipansti, Jesusax Jerusalén markaruw saräna.