Mateo 26:15 - Qullan Arunaka DC

¹⁵ ukatsti sarakïnwa: —Jesusar katuyapxirisma ukax, ¿qawqha qullqirak churapxitasmasti? —sasa. Jupanakasti kimsa tunka qullqi churapxäna.

Aymar Bibliia 1986

¹⁵ Jupasti saraquïnwa: “Jesusar catuyapjjerisma ucajja, ¿kawkhsa churapjjetasma?” sasa. Jupanacasti quimsa tunc kollke churapjjäna.

Qullan Arunaca

¹⁵ Jupasti saraquïnwa: “Jesusar catuyapjjerisma ucajja, ¿kawkhsa churapjjetasma?” sasa. Jupanacasti quimsa tunc kollke churapjjäna.

Mateo 26:15 Jak'a apnaqawi uñst'ayäwi

Génesis 38:16

Thakhit maysaru saraqtasinsti, uka warmiruw jikxatäna, janiw yuxch'apätap yatkänti, ukat säna: —¿Jumamp ikintaskiristti? —sasa. Warmisti ukxaruw jiskt'äna: —¿Nayampi ikintasinsti kunarak churitätasti? —sasa.

Éxodo 21:32

Uka urqu vacatix mä uywat jaqiru, chacharusa warmirus waxrantchi ukaxa, urqu vacarux qalamp k'upjasaw jiwayatäñapa, vacanisti uywat jaqin uywiriparux kimsa tunka qullqi churañapa.

Isaías 56:11

Manq'at jiwat anunakjamäpxiwa, janirakiw sisthapipkisa, jan kun amuyiri awatirinakäpxiwa; sapa maynis thakhipanak sarasipki, kunatix jupanakatakix askïki ukak thaqhasipki.

Levítico 27:4

mä warmitsti, kimsa tunka qullqi churañapawa.

Mateo 10:4

Cananeo tamankir Simón, Judas Iscariote, Jesusar aljantirïki uka.

Mateo 26:16

Judasasti ukürutpach Jesusar kunjämat katuntayañatak thaqhaskäna.

Hechos 1:18

Jupax ñanqha luratapat qullqi katuqäna, uka qullqimpisti mä uraq aläna; ukatsti jupax p'iqit kayuni jalaqtasaw, purakas phallata, jiphillanakas allstat uñjasïna.

1 Timoteo 3:3

janiw machirïñapäkiti, nuwasir chuymanïñapäkisa, janirakiw qullqi munirïñapäkiti, jan ukasti, khuyapayasiri, munasir suma jaqïñapawa.

2 Pedro 2:3

Uka k'ari yatichirinakan qullqir sinti munapxatap laykuxa, k'ari yatichäwinakampix jumanakat q'al taqi kunsa apsupxätam; ukampis Diosax nayratpach jupanakar juchañchxi, janirakiw mutuyäwit qhispipkaniti.

Jueces 16:5

Filisteonakan jilïrinakapasti Dalilan ukaruw sarapxäna, juparusti sapxänwa: —Sansonar sallqjasin arsuyam, kunatsa jupax ukataq chamanïpacha, kunjämatsa jupar atipjsna uk yatxatarakim; ukhamat jiwasax jupar ñach'antasin munañasar apnaqañasataki. Arsuyatamatsti sapa mayniw nanakax waranqa pataka qullqi churapxäma —sasa.

Jueces 17:10

Micaías chachasti sarakïnwa: —Ukhamasti akawjan nayampi qhiparaskam, nayan sacerdotexäyätawa, nayan amuyt'ayirixäyätawa. Nayasti jumarux maran tunka qullqi churäma, isinakampi, manq'añamp kuna —sasa.