Mateo 26:10 - Qullan Arunaka DC

¹⁰ Jesusasti uk ist'asin jupanakaruw säna: —¿Kunatarak aka warmitak arusipxtasti? Jupan luratapax nayatak askiwa.

Aymar Bibliia 1986

¹⁰ Jesusasti ucjj ist'araquïnwa ucat jupanacarojj saraqui: —¿Cunats jumanacajj uqham parlapjjtajja? Aca warmin uqham luratapajj nayataquejj asquiwa.

Qullan Arunaca

¹⁰ Jesusasti ucjj ist'araquïnwa ucat jupanacarojj saraqui: —¿Cunats jumanacajj uqham parlapjjtajja? Aca warmin uqham luratapajj nayataquejj asquiwa.

Mateo 26:10 Jak'a apnaqawi uñst'ayäwi

Nehemías 2:18

Ukatsti, jupanakarux kunjämtix Tatitux khuyapayasiñapamp nayar yanapt'kitän uk yatiyarakta, kuna arunaktix reyis siskitäna ukanakxata, jupanakax sapxarakïnwa: —¡Qalltapxañäni, wasitat pirqa sayt'ayaña! —sasa. Jupanakasti wali q'aphakiw maynit maynikam ch'amañchasipxäna.

Job 13:7

¿K'ari amuyunak arsusati Diosampi askit uñt'ayasiñ munapxtasti? ¿sallqjañanakampit jupar arxatañ munapxäta?

Mateo 26:11

T'aqhin jakirinakax jumanak taypin utjapuniniwa, ukampis nayax janiw jumanakampipunïkäti.

Mateo 26:9

Ukax walja qullqiruw aljasisapäna, ukampisti t'aqhin jakirinakar yanapt'atäsapänwa —sasa.

Marcos 14:6

Ukampis Jesusax jupanakarux sänwa: —Jan phiñasipxamti. ¿Kunatsa jumanakax jupar tuqisipkta? Ukham lurasax nayaruw aski luraskitu.

Lucas 8:49

Jesusax parlaskakïnwa; ukhamaruw maynix Jairon utapat purinïna, ukat Jairorux säna: —Phuchhamax jiwxiwa; jan Yatichirirux juk'amp parlxaykxamti —sasa.

2 Corintios 9:8

Diosax jumanakar kunayman walja yänak jilarkir churapxiristam, ukhamat jumanakax munaski ukampi phuqt'ata sarnaqapxañamataki, ukat taqi aski luräwinakan yanapt'asiñamataki.

Gálatas 1:7

Chiqpachansa, janiw yaqha qhispiyasiñ arux utjkiti, jan ukasti, jumanak taypin yaqhanakaw jumanakar pantjayir utji, jupanakax Criston qhispiyasiñ arunakap maysaruw q'iwiñ munapxi.

Gálatas 5:12

Ukampis khitinakatix jumanakar pixtuntas sarnaqasipki: “circuncisión lurayasipxañamaw” sasa, ukanakax, ¡mäpit jupanakpach taqpach khariqasipxpan!

Gálatas 6:17

Jichhat uksarusti, jan khitis nayar llakisiyitpati; walja chhuxrinakaw janchixan utji, ukanakaw Tatit Jesucristonkatax layku t'aqhisitax uñacht'ayi.

Efesios 2:10

Diosaw jiwasanakar irnuqistu; Jesucristo tuqi aski luräwinak lurañasataki, nayratpach wakichat thakhin sarañasataki.

Colosenses 1:10

Ukhamat Tatitunkirjam sum sarnaqapxañamataki, taqi kunan jupar kusisiyasa, suma luräwinak uñacht'ayasa, Diosan yatiñapan jiltasa.

2 Tesalonicenses 2:17

jupay chuymanakamar ch'amachpan, ch'aman sayt'ayarakpan, kunatix askïki uk arsupxañamataki, lurapxañamatakiraki.

1 Timoteo 3:1

Akax chiqäskapuniwa. Maynitix iglesia irpirin luräwip katuqañ munaspaxa, suma luräwi katuqañ munaski.

1 Timoteo 5:10

Jupanakasti suma luräwinak luririt uñt'atäñapawa, wawanakap sum uywatap layku, utapar sart'irinakar sum katuqatap layku, qullan markapankirinakan kayunakap jariqatap layku, t'aqhisirinakar yanapatap layku, yaqha aski luräwinak lurañatak ch'amachasitap layku.

2 Timoteo 2:21

Khititix jan wali lurañanak apanukunixa, jach'a urun apnaqañ yänakar uñtatäniwa; Tatitutak qullanaptayat aski lurir jaqïniwa, aski lurañatakis jasakirakïniwa.

Tito 1:16

Jupanakax: “Tatiturux uñt'apxtwa” sapxiwa. Ukatsti luräwinakapampix janiw ukham uñacht'ayapkiti, jupanakax uñisirinakäpxiwa, jan yäqasiñan qhuru jaqinakäpxiwa, janirakiw kuna sumsa lurirjamäpkiti.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Tito 3:1

Tatitur iyawsirinakar amtayam, marka apnaqirinakaru, jilïrinakaparus ist'apxpan, kunatix sumäki uk lurañatakis jank'akïpxarakpan.

Tito 3:14

Jiwasankirinakasti aski lurañ yatiqapxarakpan, pist'añansa yanapt'asa, ukhamat jakäwinakapan askïñapataki.

Tito 3:8

Aka arunakasti chiqawa, nayax juman ch'aman sayt'asiñam munta, khitinakatix Tatitur iyawsapki ukanakan askinak lurapxañapataki. Ukanakax taqitakis sumawa, askirakiwa.

Hebreos 13:21

uka Diosay jumanakarux q'uma, taqi kunansa aski tukuypan, munañap phuqhapxañamataki; Jesucristo tuqi kuntix jiwasanakamp lurañ munki uk lurarakpan. ¡Jesucristox wiñayatak jach'añchatäpan! Ukhamäpan.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.