Mateo 24:6 - Qullan Arunaka DC

⁶ Jumanakasti, taqi chiqan ch'axwañanakan utjatap ist'apxäta, ukampis janiw axsarapxätati, taqi ukanakax phuqhasiñapapuniwa, ukampis janïraw ukax tukuyäkiti.

Aymar Bibliia 1986

⁶ Ist'apjjaraquïtawa guerranacjjata take chekana, ucampis janiw ajjsartapjjañamäquiti. Take ucanacajj pasañapapuniwa, ucampis janïraw acapachan tucusiñapajj horasäcaniti.

Qullan Arunaca

⁶ Ist'apjjaraquïtawa guerranacjjata take chekana, ucampis janiw ajjsartapjjañamäquiti. Take ucanacajj pasañapapuniwa, ucampis janïraw acapachan tucusiñapajj horasäcaniti.

Mateo 24:6 Jak'a apnaqawi uñst'ayäwi

Salmos 112:7

Jan wali yatiyäwinakarux janiw axsarkiti, Tatitunkasax chuymapax wali thurt'atawa.

Isaías 12:2

Tatit Diosaw nayar qhispiyitu, juparuw iyawsta, janiw kunsa axsarkti. Tatituw nayan arxatirixaxa, nayar ch'amañchirixasa, jupaw qhispiyirixaxa.”

Isaías 7:4

reyirusti akham sarakim: ‘Wal amuyasim, janirak mulljasimti, Resín sat reyimpi, Sirio jaqinakapampi, Pécah sat reyimpix, wali phiñasitäpxiwa, ukampis jan axsaramti, janirak llaythasimsa, jupanakax mä jisk'a ninar uñtatakïpxiwa, mä juk'a jiwq'i mistuyasasti, jank'akiw jiwt'xi.

Jeremías 47:6

¡Ay, Tatitun espadapa! ¿Kunapacharak nanakar chhuxriñchañ suyt'xätasti? Imañamar kutintxam, llamp'uchasxam, pachparuk suyt'xam.

Ezequiel 21:28

28 (33) “Jumasti Ezequiel, nayan sutixar Israel markar jisk'achiri amonita jaqinakar sarakim: ‘Espadax jumanakar jiwarayañatakix niya wakicht'atawa, lliju llijunak sarayañatak suma llijkir qaqsutawa, taqi kun t'unjañatak wakicht'atawa.

Mateo 2:3

Herodes reyisti uk yatisin wal mayjt'asïna, Jerusalenan jakir taqi jaqinakas mayjt'asirakïnwa.

Mateo 24:14

Diosan qhapaq markapat suma yatiyäwix taqi uraqpachan yatiyasini, taqpach jaqinakan uk yatiñapataki; ukapachaw tukuyax purinini.

Mateo 26:54

Ukhamäspa ukasti, ¿kunjämatarak phuqhasiñapäki uka Qillqatanakasti phuqhasispasti? —sasa.

Lucas 21:19

¡Ch'aman sayt'asipxam, jakañam qhispiyasiñataki!

Lucas 21:9

Kunapachatix nuwasiñanakampita, ch'axwanakampit parlir ist'apkäta ukkhax, jan mulljasipxamti; ukanakasti nayraqat phuqhasiñapapuniwa; ukampis janïraw tukuyäkiti —sasa.

Lucas 22:37

Nayasti sapxsmawa, kunatix Qillqatanakax nayat siski: ‘Ñanqha luririnakamp jakhutawa’ sasa ukax phuqhasiñapawa. Taqi kunatix nayat qillqatäki ukanakax phuqhasiñapawa —sasa.

Juan 14:1

Uka qhipatsti Jesusax yatiqirinakapar saskakïnwa: —Jumanakax jan llakisipxamti. Diosar iyawsapxam, nayarus iyawsapxarakita.

Juan 14:27

“Samarañ jaytapxsma. Nayan samarañax churapxsma, ukampis uka samarañax janiw akapachax churki ukhamäkiti. Jan llakisipxamti, janirak axsarapxamsa.

2 Tesalonicenses 2:2

janiy mäki amuyunakam mayjt'ayasipxamti, janirak kuna ajayun unañchäwi arunakapampis mulljayasipxamti, janirak kuna arunak ist'asinsa, janirak kuna qillqat katuqasinsa “Tatitun urupaw purinxi” sas qillqatäki ukatsa mayjt'asipxamti.

Apocalipsis 6:4

Ukatsti mä wila caballow mistunïna. Uka caballor lat'xatiristi munañanïñ kankañ katuqäna, akapachan suman sarnaqasiñ chhaqtayañataki, jaqinakas jupanak pura jiwarayasiñapataki; juparusti mä jach'a espada churapxarakïna.