Mateo 24:5 - Qullan Arunaka DC

⁵ Waljaniw nayan sutixar jutapxani: “Nayätwa Cristoxa” sasa, jupanakasti waljaniruw k'arintapxani.

Aymar Bibliia 1986

⁵ Waljaniraquiw nayan sutejjanjja jutani: “Nayätwa Cristojja” sasa, jupanacasti waljaniruraquiw c'arintapjjani.

Qullan Arunaca

⁵ Waljaniraquiw nayan sutejjanjja jutani: ‘Nayätwa Cristojja’ sasa, jupanacasti waljaniruraquiw c'arintapjjani.

Mateo 24:5 Jak'a apnaqawi uñst'ayäwi

Jeremías 14:14

Ukatsti Tatitux sarakituwa: “Uktix profetanakax nayan sutixar sasipkchixa, ukham parlatanakapampix k'arisipxiwa. Janiw nayax jupanakarux khithankti, janiw ukham sapxañapatakis maykarakkti, janirakiw jupanakarux kunsa siskaraktti. Ukanakax k'ari yatiyäwinakawa, k'ari uñjäwinakak parlapxaraki, jupanakan amtatanakapar parlapxatapakiwa. Ukanakpï uka profetanakax yatiyapxtamxa.

Jeremías 23:21

“Janiw nayax uka profetanakarux khithankti, janirakiw jupanakarux kuna arunaksa siskti, ukampis jupanakax nayan sutixar parlirix jalakamakiw misttawayapxi.

Jeremías 23:25

“Uka k'ari profetanakan parlatanakap nayax ist'twa, jupanakax nayan sutixaruw parlañ munapxi, samkanak tuqsa nayampis parlapkaspa ukham parlapxi.

Jeremías 37:9

Jichhasti naya, Tatituw sapxsma: Jan chuymanakaman kusisipxamti, janirak sapxamsa: “Babilonionakax sarxaniwa” sasa, ukasti janiw ukhamäkaniti.

Mateo 24:11

Walja k'ari profetanakaw sartani, jupanakasti waljaniruw sallqjapxani.

Mateo 24:24

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

Juan 5:43

Nayax Awkixan khithanitaw jutta, jumanakasti janiw katuqapkistati; ukampis maynitix jupa pachpat jutaspa ukarux katuqapxasmawa.

Juan 8:24

Ukatpï sapxsmaxa: “Juchanakaman jiwarapxäta” sasaxa; jumanakatix jan iyawsapkitäta nayax khitïktix ukxa, juchanakaman jiwarapxäta —sasa.

Juan 8:28

Ukat Jesusax jupanakar säna: —Kunapachatix jumanakax Jaqin Yuqapar cruzar ch'akkatapkäta ukkhaw khitïktix nayax uk yatipxäta, jan kunsa nayan munañaxat lurataxa; kuntix Awkix yatichkitu uk arsutaxsa yatipxarakïta.

1 Juan 2:18

Wawanaka, qhipa urunakankxtanwa. Jumanakax “Anticristow jutani” sir ist'apxäyätaxa; ukhamasti jichhax walja anticristonakaw uñstxi, ukhamat yatipxtan qhipa urunakätapa.

1 Juan 2:22

¿Khitirak k'aristi? Khititix “Jesusax janiw Cristökiti” sas arski ukaw anticristoxa, jupax Awkirus Yuqarus jan uñt'iriw tuku.

1 Juan 4:3

Ukampis khititix siski: “Jesucristox janiw janchir tukus jutkiti” sasa, ukax janiw Diosan Ajayupanïkiti, jan ukasti anticriston ajayupaniwa. Jumanakax uka ajayun jutañapat ist'apxtawa; jichhasti niyaw akapachankxi.

Apocalipsis 13:8

Taqi khitinakatix aka uraqin jakapki, ukatsti uraqi qalltatpacha luqtat Corderon jakañ qillqatapan sutinakapas jan qillqatäpki ukanakaxa, uka jach'a axsarkañ animalaruw yupaychapxani.