Mateo 24:4 - Qullan Arunaka DC

⁴ Jesusasti jupanakarux sarakïnwa: —Wal amuyasipxam, jan khitimpis sallqjayasipxamti.

Aymar Bibliia 1986

⁴ Jesusasti ucjjarojj saraquïnwa: —Amuyasipjjam, jan qhitimpis sallkjayasipjjamti.

Qullan Arunaca

⁴ Jesusasti ucjjarojj saraquïnwa: — Amuyasipjjam, jan qhitimpis sallkjayasipjjamti.

Mateo 24:4 Jak'a apnaqawi uñst'ayäwi

Jeremías 29:8

Naya, Israelana Diosapa, taqi ch'amani Tatituw iwxt'apxsma: Jumanak taypin jakir profetanakampi, yatirinakampis jan sallqjayasipxamti; kuna samkanakapat parlapki ukanaksa jan ist'apxamti.

Jeremías 37:9

Jichhasti naya, Tatituw sapxsma: Jan chuymanakaman kusisipxamti, janirak sapxamsa: “Babilonionakax sarxaniwa” sasa, ukasti janiw ukhamäkaniti.

Marcos 13:22

K'ari cristonakampi, k'ari profetanakampiw sartani, ukatsti jaqinakar pantjayañatakix unañchanakampi, muspharkañanakamp lurapxani, Diosan ajllitanakaparus pantasiyañ munapxani.

Lucas 21:8

Jesusasti sänwa: —Amuyasipxam, jan sallqjayasipxamti. Waljaniw sutixar jutapxani: ‘Nayätwa Cristoxa’ jan ukax, ‘Uka urux purinxiwa’ sasa. Ukampis jan ukanakar arkapxamti.

Gálatas 6:3

Maynitix jan kunäkasin jach'achaschixa, jupa pachpaw sallqjasi.

Efesios 4:14

Janiy wawanakar uñtat sarnaqxañäniti, kawksarus jank'ak irpataki, ukatsti jan wali thakhi sarnaqir k'ari yatichirinakan yatichäwipampis sallqjataraki.

Efesios 5:6

Jan khitis jumanakarux k'ari arunakapampi sallqantkpati, chiqpachansa ukham tuqiw Diosan axsarkay mutuyäwipax juti, khitinakatix Diosar jan jaysapki ukanakataki.

Colosenses 2:18

Jan khitis llamp'u chuymanjam tukus jumanakar juchañchpati, khitinakatix angelanakar yupaychapki ukanakaxa, jupanakasti unañchäwinak uñjapxta sapxiwa, ukampis ukax k'arikamakiwa, jan wali amuyunakapatsti jach'a jach'aw tukupxi.

Colosenses 2:8

Wal amuyasipxam: jan khitis sallqa arunakampi, jaqin amuyuparjam k'ari amuyunakampi, jumanakar sallqantpati, jupanakasti janiw Tatitur jaysapkiti, jan ukasti jaqinakan sarnaqäwiparu, amtäwiparukiw jaysapxi.

2 Tesalonicenses 2:3

Kunäkipansa jan sallqjayasipxamti. Ukampis janïr uka uru purinkipanxa, Diosar kutkatasirïñaw jutañapa, kunapachatix ñanqha jaqix uñstankan ukapacha, khititix t'unjañatak juchañchatäki uka.

1 Juan 4:1

Munat jilatanaka, janiy kawkïr ajayurus iyawsapkakimti, jan ukasti uñakipapxam, Diosan ajayupati janicha uk yatiñataki. Akapachax walja k'ari profetanakamp phuqhantatawa.