Mateo 24:3 - Qullan Arunaka DC

³ Ukatsti Olivos qulluruw sarxapxäna. Ukan Jesusax qunt'asïna, yatiqirinakapasti Jesusar jak'achasisin jiskt'apxäna: —Nanakax yatiñ munapxta, ¿kunapacharak Tatitun utapasti q'ala tukjat uñjasinisti? ¿Kuna unañcharak juman kuttaniñam yatiyapxitanisti, ukhamarak akapachan tukusiñ urupatsti? —sasa.

Aymar Bibliia 1986

³ Jupanacasti Olivos sat kolluruw mistjjapjjäna. Ucan Jesusajj kont'atäsquipanwa discipulonacapajj mä jisct'a jamasat jisct'apjjäna: —Nanacajj munapjjtwa yatiña cunapachatï take acanacajj pascani ucanaca. ¿Cawquïrïnis chimpojja jumajj cutt'ancät ucqhajja, uqhamarac acapach tucuscan uca urutsa? —sasa.

Qullan Arunaca

³ Jupanacasti Olivos sat kolluruw mistjjapjjäna. Ucan Jesusajj kont'atäsquipanwa discipulonacapajj mä jisct'a jamasat jisct'apjjäna: —Nanacajj munapjjtwa yatiña cunapachatï take acanacajj pascani ucanaca. ¿Cawquïrïnis chimpojja jumajj cutt'ancät ucqhajja, uqhamarac acapach tucuscan uca urutsa? —sasa.

Mateo 24:3 Jak'a apnaqawi uñst'ayäwi

Mateo 13:36

Taqi jaqinakar khithanukxasinsti, Jesusax utaruw sarxäna, ukan yatiqirinakapax jupar jak'achasisin jiskt'apxäna: —Uka jan wali qurat uñtasïwix kuntix sañ munki uk yaticht'apxita —sasa.

Mateo 13:49

Uka pachparakiw akapachan tukusiñap urun lurasini: angelanakaw aski jaqinakampi, jan wali jaqinakamp jaljir mistupxani,

Mateo 15:12

Yatiqirinakapasti Jesusar jak'achasisin jiskt'apxäna: —¿Amuyastati? Fariseonakax arunakam ist'asax wal mayjt'asipxi —sasa.

Mateo 16:27

Jaqin Yuqapax Awkipan jach'a munañapampiw, angelanakapampi jutani, ukatsti sapa mayniruw lurataparjam churani.

Mateo 16:28

Qhanak sapxsma, akankapktas ukat mä qawqhanix janiw jiwkaniti Jaqin Yuqapar qhapaq kankañampi jutir uñjañkama —sasa.

Mateo 17:19

Yatiqirinakapasti Jesusampix yaqhawjan parlapxäna, jiskt'apxarakïna: —¿Kunatarak uka ñanqha ajayur alissuñatak ch'amasti nanakan jan utjapkitusti? —sasa.

Mateo 21:1

Kunapachatix Jerusalén marka jak'ankxapxän ukkhasti, Olivos qullu jak'ankki uka Betfagé sat markaruw puripxäna. Jesusasti ukawjat pani yatiqiriparuw khithäna,

Mateo 24:27

Kunjämatix lliju llijux inti jalsut inti jalantkam llijtkixa, ukhamarakïniwa Jaqin Yuqapax jutkani ukkhaxa.

Mateo 24:30

Ukapachaw Jaqin Yuqapat alaxpachan mä unañchäwix uñstani, taqi markan jakir jaqinakasti ukapachaw jachapxani, Jaqin Yuqaparusti, jach'a ch'amapampi, k'ajkir kankañapampi qinay patan jutaskir uñjapxani.

Mateo 24:37

“Kunjämatix Noen urunakapan luraskatayna ukhamarakiw Jaqin Yuqapax jutkani ukkhax lurasini.

Mateo 24:39

Ukapachaw jupanakan jan amuykayak uma juiciox purinïna, ukat taqiniw jiwarapxäna. Jaqin Yuqapax jutkani ukkhax ukhamarakïniwa.

Mateo 24:43

Ak yatipxam, mä utanitix kunapacha lunthatan jutañap yatispa ukkhaxa, jupax janiw ikkaspati, janirakiw lunthatarus utapar kun lunthatsuñatakis mantaykaspati.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Lucas 21:7

Ukat juparux jiskt'apxäna: —Yatichiri, ¿kunapachas ukax lurasini? ¿Kuna unañchanakarak ukanakan phuqhasiñapatak utjanisti? —sasa.

Hechos 1:7

Jesusasti ukxaruw jupanakar säna: —Janiw jumanakar uka pachanakata, uka uruta yatipxañamax wakt'apktamti. Alaxpachankir Awkikiw taqi kuns munañaparjam lurani.

Hebreos 9:26

Ukhamäsapän ukasti, akapach qalltatpach Cristox walja kutiw jiwañapäsapäna. Ukampis jichhax aka qhipa urunakan Cristox mä kutikiw wiñayatak uñsti, jupapachpaw taqi juchanak pampachañatak t'aqhisis luqtasiwayi.