Mateo 23:9 - Qullan Arunaka DC

⁹ Janirak akapachan khitirus ‘awki’ sapxamti, jumanakan mä sapa Awkikiw utji; jupasti alaxpachankiwa.

Aymar Bibliia 1986

⁹ Janiraqui qhitirus “awqui” sapjjamti acapachanjja, maya sapaquiw Awquisajj taketaquis utji; jupasti alajjpachanquiwa.

Qullan Arunaca

⁹ Janiraqui qhitirus ‘awqui’ sapjjamti acapachanjja, maya sapaquiw Awquisajj taketaquis utji; jupasti alajjpachanquiwa.

Mateo 23:9 Jak'a apnaqawi uñst'ayäwi

2 Reyes 13:14

Eliseox wali usuntata jiwañampïnwa, ukatsti Israelan Joás reyipaw jupar uñjir jutäna, jacht'asisaw qhumantäna, akham sasa: —¡Awkixay, awkixay! ¡Jumasti Israel markatakix mä wali ch'aman ejercitor uñtatäyätawa! —sasa.

2 Reyes 2:12

Uk uñjasasti, Eliseox jach'at arnaqasïna: “¡Awkixay, awkixay, Israel markatakix mä wali ch'aman ejercitor uñtata!” sasa. Uka qhipatsti janiw mayampis Eliasarux uñjkxänti. Ukatsti Eliseox isipa katusin payaruw ch'iyjäna.

2 Reyes 6:21

Israelan reyipasti uka jaqinakar uñjasax, Eliseoruw jiskt'äna, akham sasa: —Tatay, ¿jupanakar jiwarayäti? ¿Taqinirut jiwarayäxa? —sasa.

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Mateo 23:10

Janirak ‘jilïri’ sayasipxamti, Cristo sapakiw jilïrixa.

Mateo 6:32

Diosar jan uñt'irinakakiw taqi uka yänakat llakisisipki, ukampis jumanakan alaxpachankir Awkimax niyaw yatxi kuntix munapkta uka.

Mateo 7:11

Jumanakatix, jan wali jaqïkasin, sumäkis uk wawanakamar churapxstaxa, ¡alaxpachankir Awkimasti, khitinakatix jupar mayki ukanakarux juk'amp sumanak churarakinixa!

Hechos 22:1

“Israelita jilat masinaka, markan jilïrinakapa, nayax arsuskä ukanak ist'apxam” sasa.

1 Corintios 4:15

Jumanakax Cristor iyawsirjamax tunka waranqa yatichirinïsipkamsa, janiw walja awkinïpktati. Nayakiw jumanakan awkimätxa, nayaw jumanakarux Diosan suma yatiyäwi arunakap parlapxsma, uka tuqiw jumanakax Cristo Jesusamp mayakïpxtaxa.

2 Corintios 6:18

nayax jumanakan Awkimäyäwa, jumanakasti nayan yuqanakaxa, phuchhanakaxäpxätawa, uksti naya taqi ch'aman Tatituw arsta” sasa.

Hebreos 12:9

Ukhamarus kunapachatix wawanakäkäyätan ukkhax, janchi awkinakasax chiqachistänwa, jiwasanakasti ist'arakïyätanwa. ¿Jichhasti janit ukat juk'ampi jakañ jikxatañatak alaxpach Awkisar ist'añasasti wakiskisti?

1 Juan 3:1

Uñjapxam, Dios Awkix walpun munasistu, Diosan wawanakapaw satäñasatakixa, jïsa, wawanakapapunïsktanwa. Ukatpï Diosar jan iyawsirinakax jan uñt'kistutixa, jupanakan Diosar jan uñt'apxatap layku.