Mateo 23:7 - Qullan Arunaka DC

⁷ thakhinakansa taqi jaqinakamp aruntayasiñ munapxi, ‘yatichiri’ sayasiñ munapxaraki.

Aymar Bibliia 1986

⁷ Callenacansti take jakenacampiraquiw aruntayasiñ munapjjaraqui “yatichiri” sayasiñrac munapjje.

Qullan Arunaca

⁷ Callenacansti take jakenacampiraquiw aruntayasiñ munapjjaraqui ‘yatichiri’ sayasiñrac munapjje.

Mateo 23:7 Jak'a apnaqawi uñst'ayäwi

Mateo 11:16

“Ukhamasti, ¿kunampirak aka jaqinakar uñtasiyästi? Jupanakax kunjämatix wawanakax plazanakan anatañatak qunt'atäsipki ukar uñtatäpxiwa, ukatsti masinakaparuw arnaqapxi, akham sasa:

Mateo 23:8

“Jumanakasti janiw ‘yatichiri’ sayasipxañamäkiti, jumanakax jila puräpxtawa; maynikiw Yatichirixa, jupasti Cristowa.

Mateo 26:25

Aljantkani uka Judasasti, akham sasaw Jesusar jiskt'äna: —Yatichiri, ¿nayätti? —sasa. Jesusasti juparux sänwa: —Jïsa, jumätawa —sasa.

Mateo 26:49

Jesusar jak'achasisinsti, akham sasaw aruntäna: —¡Aski arumäpanay Yatichiri! —sasa. Ukat jamp'att'äna.

Marcos 10:51

Jesusasti juparux jiskt'änwa: —¿Kuna lurañaxsa munta? —sasa. Juykhusti sänwa: —Yatichiri, nayrat waliptxañ munta —sasa.

Marcos 11:21

Pedrosti amtasinxa Jesusarux sänwa: —Yatichiri, uñtam, ¡ñanqhachawayktas uka quqax wañsxarakitaynasä! —sasa.

Marcos 12:38

Jesusax yatichkasin sänwa: “Kamachi yatichirinakat amuyasipxam, jupanakax jach'a isinakan isintataw sarnaqapxi, thakhinakansa taqi axsart'añampiw aruntayasiñ munapxi.

Marcos 14:45

Judasasti Jesusar jak'achasisin jamp'att'äna: —¡Yatichiri! —sasa.

Marcos 9:5

Ukat Pedrox Jesusar säna: —Yatichiri, ¡wali sumaw akankatasaxa! Nanakax kimsa chhujlla lurapxä: mayax jumataki, mayax Moisesataki, mayasti Eliasataki —sasa.

Lucas 11:43

“¡Ay fariseonaka, kamacht'apkakïta! Sinagoganakan nayraqat qunuñanakaruw qunt'añ munapxtaxa, thakhinakansa wali axsart'añamp aruntayasiñ munapxtaxa.

Juan 1:38

Jesusasti jupar arkaskir uñjasin kutikipstani, ukat jupanakar sarakïna: ¿Kunarak thaqhasipktasti? —sasa. Jupanakasti sapxänwa: —Yatichiri, ¿kawkinarak utjastasti? —sasa.

Juan 1:49

Natanaelasti sarakïnwa: —Yatichiri, ¡jumax Diosan Yuqapätawa, Israel markan Reyipa! —sasa.

Juan 11:8

Yatiqirinakapasti sapxänwa: —Yatichiri, mayürukiw uka chiqankir judionakax qalamp k'upjas jiwayañ munapxtam, ¿wasitampit ukar sarañ muntasti? —sasa.

Juan 20:16

Jesusasti juparux sänwa: —¡María! —sasa. Jupasti kutikipstasin hebreo arun säna: —¡Rabuni! —sasa. (Ukasti “Yatichiri” sañ muni.)

Juan 3:2

Jupasti mä arumaw Jesusan ukar saräna, ukat jupar sarakïna: —Yatichiri, Diosan jumaru nanakar yatichiri khithanitap yatipxta; janiw khitis jumax lurkta uka muspharkañanak lurkaspati, janitix Diosax jupampïkaspa ukaxa —sasa.

Juan 3:26

ukat Bautisir Juanar yatiyapxäna: —Yatichiri, Jordán jawir khurkatan jumampïkäna, jupat qhanañchapkista ukaxa, jichhax bautisaskiwa, taqiniw jupar arkapxi —sasa.

Juan 4:31

Ukchañkamasti yatiqirinakapax Jesusaruw achikt'apxäna: —Yatichiri, manq'asimaya —sasa.

Juan 6:25

Quta khurkatar mistusinsti, Jesusaruw jikxatapxäna, ukat jiskt'apxi: —Yatichiri, ¿kunapacharak akar purintasti? —sasa.

Juan 9:2

Yatiqirinakapasti Jesusarux jiskt'apxänwa: —Yatichiri, ¿kunatarak aka jaqisti juykhu yuristi? ¿Awkinakapan juchap laykuti, jan ukax jupan juchap laykucha ukham yurixa? —sasa.