Mateo 22:9 - Qullan Arunaka DC

⁹ Ukhamasti, thakhinakar mistupxam, qawqhanirutix jikxatapkäta ukanakar jaqichasïwir jawsanipxam’ sasa.

Aymar Bibliia 1986

⁹ Sarapjjamaya callenacaru, ucatsti jawsapjjaraquim take jakenactejj uñjapcäta ucanacaru” sasa.

Qullan Arunaca

⁹ Sarapjjamaya callenacaru, ucatsti jawsapjjaraquim take jakenactejj uñjapcäta ucanacaru’ sasa.

Mateo 22:9 Jak'a apnaqawi uñst'ayäwi

Ezequiel 21:21

21 (26) Babiloniankir reyisti kawkhantix pä thakhix qalltki uka chiqaruw sayt'asi, ukatsti suerte tuqiw uñakipi: mich'inakapsa walpun uksat aksat uñakipi, diosanakaparuw jiskt'asi, uywanakan k'iwchanakap uñxataraki.

Abdías 1:14

Janirakiw thakhi p'allqanakansa, jaltirinakar jiwayañatak suyxatañamäkänti. Janirakiw t'aqhisiñ urun jaltirinakarus uñisirinakapampi katuntayañamäkänti.

Mateo 20:7

Yapunirusti sapxänwa: ‘Janiw khitis irnaqir achikasipkituti’ sasa. Ukat yapunix jupanakar säna: ‘Ukhamax uva yapuxar irnaqir sarasipkam’ sasa.

Mateo 22:10

Uywatanakasti thakhinakaruw mistupxäna, qawqhanirutix jikxatapkän ukanakaruw tantacht'apxäna, wali jan wali jaqinakaruw jawsthapipxäna; jaqichasïwi utasti jupanakampiw phuqhantasïna.

Mateo 22:8

Ukatsti uywatanakaparux sarakïnwa: ‘Jaqichasïwitakix taqi kunaw wakichata, ukampis uka jawsayat jaqinakan janiw jutapxañapax wakiskiti.

Lucas 24:47

ukatsti taqi markanakan jupxat parlasini, ukhamat taqinis Diosar kutikipstaniñapataki, juchanakapas pampachatäñapataki. Jumanakasti Jerusalenat qalltasina,

Hechos 13:47

Tatituw nanakarux ukham sapxitu: “Markanakan qhanäñapatakiw jumarux uchsma, uraqi tukuskam qhispiyasiñ arunakaxat yatiyañamataki” sasa.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.