Mateo 22:4 - Qullan Arunaka DC

⁴ Yaqha uywatanakaparuw wasitat khithäna akham iwxt'asa: ‘Jawsayatanakar sapxam, manq'ax wakicht'atäxiwa. Suma vacanaka, lik'i uywanakas khariratäxiwa, taqi kunaw wakichatäxi; manq'äwir jutapxpan’ sasa.

Aymar Bibliia 1986

⁴ Yakha uywatanacaracwa wastata qhitaraqui jawsaniñapataqui: “Sapjjamaya, niyaw mank'ajj wali suma waquichata, suma vacanacasa, liq'i uywanacasa qhariratawa. Take cunaw waquichatäjje, casarasïwirusti jutapjjpan” sasa.

Qullan Arunaca

⁴ Yakha uywatanacaracwa wastata qhitaraqui jawsaniñapataqui: ‘Sapjjamaya, niyaw mank'ajj wali suma waquichata, suma vacanacasa, liq'i uywanacasa qhariratawa. Take cunaw waquichatäjje, casarasïwirusti jutapjjpan’ sasa.

Mateo 22:4 Jak'a apnaqawi uñst'ayäwi

Nehemías 9:17

Kuna jach'a luräwinaktix jupanak layku lurkta uk janiw jupanakax ist'añ munapkänti, janirakiw amtañsa munapkänti. Jupanakax chuymanakap qalarayasisax mä jilïri ajllisipxäna, Egiptor wasitatampi t'aqhisiyatäñaru irpañapataki. Ukampis jumax pampachasir Tatitütawa, munasiri, khuyapayasir Tatitütawa, llamp'u chuymanïtawa, janiw jank'ak phiñasktati, munasiñamax jach'awa, ukat jupanakar jan jaytanukktati.

Salmos 86:5

Tatay, jumax munasiñanïtawa, juch pampachirirakïtawa; jumar art'asirinakatakix munasirïtawa.

Proverbios 15:17

Munasiñampi jayuñcht'at ch'uxña juyranak manq'añaw juk'amp askixa, uñisiñampi jayuñcht'at vaca aycha manq'añat sipana.

Cantar de los cantares 5:1

Kullakitay, nayan munasitaxay, panqar yapuxarux mantxtwa. Mirraxampi, q'apkir qullanakaxamp apthapisxtwa, misk'xa tapatpach manq'antta, vinoxsa, lechexsa umt'araktwa. Munat jila masinaka, manq'apxam, umapxarakim, ¡qawqhtix munapkta uk umantapxam!

Mateo 21:36

Yapunisti nayrïrit sipansa walja uywatanakampi khithäna; yapuchirinakasti jupanakarux uka kipka lurapxarakïna.

Mateo 22:5

Ukampis jawsayatanakax janiw ist'asipkänti. Jupanakat maynïrix yapup uñjiriw sarxäna, maynïristi aljasiñaparuw sarxäna,

Mateo 22:8

Ukatsti uywatanakaparux sarakïnwa: ‘Jaqichasïwitakix taqi kunaw wakichata, ukampis uka jawsayat jaqinakan janiw jutapxañapax wakiskiti.

Lucas 14:17

Manq'añ wakichatäxipansti, uywataparuw jawsayatanakar yatiyir khithäna: ‘Jutapxam, manq'añax wakt'ayatawa’ sasa.

Hechos 1:8

Ukampis yatipxam, Qullan Ajayuw jumanakxar jutani, ukapachaw jumanakax ch'am katuqapxäta, ukatsti nayat qhanañchiriw sarapxäta, Jerusalén markana, Judea uraqina, Samaria uraqina, taqi aka uraqpachana —sasa.

Hechos 13:46

Ukapachasti Pablompi Bernabeampix jan axsarasaw sapxäna: —Nayraqatax wakisipunïnwa jumanak judionakar Diosan arunakapat yatiyañaxa. Ukampis jumanakax janiw katuqañ munapktati, janirakiw wiñay jakañ katuqañatakjam amuyasipktasa. Ukatpï jichhax, nanakax jan judiöpkis ukanak taypin suma arunak yatiyapxäxa.

Romanos 8:32

Diosasti pachpa Wawaparuw taqi jiwasanak laykux jiwar katuyi, ukhamasti, ¿kamisarak Wawapamp chika kunsa jan churkistaspasti?