Mateo 22:3 - Qullan Arunaka DC

³ Uywatanakaparuw jaqichasïwir jawsayatanak jawsir khithäna, ukampis jupanakax janiw jutañ munapkänti.

Aymar Bibliia 1986

³ Uywatanacapampisti casarasïwi fiestar jawsayata jakenacwa jawsayani, ucampis jawsayata jakenacajj janiw jutapcänti.

Qullan Arunaca

³ Uywatanacapampisti casarasïwi fiestar jawsayata jakenacwa jawsayani, ucampis jawsayata jakenacajj janiw jutapcänti.

Mateo 22:3 Jak'a apnaqawi uñst'ayäwi

Salmos 68:11

11 (12) Tatituw mä yatiyäw arsu; walja warminakaw ukxat yatiyapxäna:

Isaías 30:15

Israelan Tatit Diosapasti siwa: “Nayar wasitat ist'xapxita, ukatsti nayaw samarañ churapxäma. Nayarutix chiqpach katuyasipxitäta ukaxa, samarañan jikxatapxäta, ukatsti qhispitäsipkätawa” sasa. Ukampis jumanakax janiw munapktati,

Jeremías 25:4

Tatitux jumanakarux mayamp mayampi profetanakap khithanipxtam, ukampis jumanakax janiw ist'apktati, jupanakan parlatanakaparus janiw ist'añ munapkäyätati, janirakiw phuqhañsa munapkäyätati.

Jeremías 35:15

Jumanakan ukarusti, nayan profetanakaxarux mayamp mayampi khithanipxsma jumanakar sañapataki: ‘Uka jan wali sarnaqäwinakama, jan wali luräwinakam apanukupxam. Janirak yaqha diosanakan qhipapsa sarapxamti, ukanakarus yupaychapxamti, ukhamat kuna uraqtix nayax jumanakarusa, nayra awkinakamarus churkäyäta ukan jakasipkakïta’ sasa. Ukampis jumanakax nayan arunakaxarux janiw jaysapkistati, ist'apkarakistasa.

Oseas 11:2

Kunapachatix nayax juk'ampi jupar jawskäyät ukkhaxa, juk'ampikiw jupax nayat jayarst'awayi. Markaxasti k'ari diosanakaruw wilañchanak luqtasïna, yaqha diosanakarukiw incienso q'aphichäna.

Oseas 11:7

Ukhampachas markaxax nayat jayankañ munaskakiwa; diosanakarus art'asisipkakiwa, ukampis janiw khitis jupanakar yanapt'irix utjkiti.

Sofonías 1:7

¡Tatit nayraqatan amukt'apxam, Tatitun mutuyañ urupaw jak'achasini! ¡Taqi kunas wakicht'atawa! ¡Jawsatanakax akankxapxiwa, ¡Markaxarux q'al jiwarayä!

Mateo 21:34

Kunapachatix yapu apthapiñ pachax purinkän ukkhasti, uywatanakaparuw khithäna yapuchirinakat qawqhatix jupar wakt'kän uk mayiri.

Mateo 23:37

“¡Jerusalén, Jerusalén, profetanakar jiwayir marka, Diosan khithanitanakapar qalampi k'upjir marka! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Mateo 3:2

Sarakïnwa: “¡Taqi jan wali luratanakamat kutikipstapxam, Diosan qhapaq markapaw jak'ankxi!” sasa.

Mateo 9:15

Jesusasti sarakïnwa: —¿Jaqichasïwir jawsayat jaqinakax jaqichasir waynan ukankaskatapat llakitakïpxaspati? Ukampis jaqichasir waynar irpasxañ urux purininiwa; ukkhaw ayuno lurañax wakisini.

Lucas 13:34

“¡Jerusalén, Jerusalén, jumax profetanakaruw jiwaytaxa, Diosax khithanktam ukanakaruw qalampi k'upjtaxa! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Lucas 15:28

Ukampis jilïr jilax phiñasïnwa, ukatsti janiw utar mantañ munkänti, utar jan mantañ munatapat awkipax mistunisin achikt'äna: ‘Mantxañäniya’ sasa.

Lucas 19:27

Khitinakatix nayan reyïñax jan munapkän uka uñisirinakaxar akar irptanipxam, ukatsti nayraqataxan jiwarayapxam’ ” sasa.

Juan 5:40

jumanakax jakañanïñatakix janiw nayan ukar jutañ munapktati.

Hechos 13:45

Ukataq jaqinak uñjasinsti, judionakax Pablon arunakapar kutipayañ qalltapxäna, kunayman tuqipxarakïna.

Romanos 10:21

Israelitanakat parlkasasti, Isaías profetax siwa: “Mä urpachaw qallasiri, jan jaysasir markar yanapt'añ munäyäta” sasa.

Hebreos 12:25

Kunapachatix Diosax qhuru arumpi arxayapkätam ukkhax amuyasipxam. Jan “janiw” sapxamti, israelitanakasti nayra pachax janiw ist'apkänti, ukat mutuyatäpxäna.

Hebreos 9:15

Ukat Jesucristox machaq arust'äwin sumankthapiyiripaxa, jupan jiwatapampiw nayrïr arust'äwirjamax jaqinakan jucha luratanakapat qhispiyi, khitinakarutix Diosax jawski jupanakar churañatak arskatayna uka wiñay jakañ katuqapxañapataki.

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.

1 Samuel 9:13

Markar purisinsti, jank'akiw juparux thaqtapxäta, qullan chiqawjar janïr manq'ir sarkipana. Jupan puriniñapkamasti jaqinakax janïraw manq'apkaniti, jupaw wilañcha luqtatarux qullanañchañapa, uka qhipat jawsayata jaqinakax manq'asipkani. ¡Jank'ak sarapxam, jikxatasipkätawa! —sasa.