Mateo 21:6 - Qullan Arunaka DC

⁶ Yatiqirinakapasti, kunjämtix Jesusax jupanakar siskatayna ukhamarjamaw sarasin lurapxäna.

Aymar Bibliia 1986

⁶ Discipulonacapasti ucspachaw sarapjjäna, cunjämtejj Jesusajj jupanacar sawaycäna uqhamarjama.

Qullan Arunaca

⁶ Discipulonacapasti ucspachaw sarapjjäna, cunjämtejj Jesusajj jupanacar sawaycäna uqhamarjama.

Mateo 21:6 Jak'a apnaqawi uñst'ayäwi

Génesis 12:4

Abram chachasti Tatitux siskatayna ukhamarjamaw Harán uraqit mistuwayxäna. Uka uraqit Canaán uraqir sarxañataki mistuwaykän ukkhasti, jupax paqallq tunka phisqan maranïnwa.

Génesis 6:22

Noé chachasti kunjämtix Diosax siskatayna ukhamarjamaw taqi kunsa luräna.

Éxodo 39:43

Moisesasti taqi luratanakap uñakipäna, Tatitun arsutaparjam lurapxatap uñjasin, suma waxt'äwip jupanakar churäna.

Éxodo 40:16

Moisesax taqi kun luräna kunjämtix Tatitux jupar siskatayna ukhamarjama.

Ezequiel 12:7

Nayasti Tatitun arunakaparjamaw yänakax wakichasxta, urpacharakiw ukanak apt'at mistuwayxta, apanukutäsin sarxiri jaqjama. Jayp'u tuqirusti amparaxampiw pirqan mä jach'a p'iya lurarakta, ukat jayp'thapxipansti taqin uñjkataw yänakax q'ipt'asit mistuwayxta.

Mateo 21:5

“Jerusalén markarux sapxam: ‘Uñtapxam, juman Reyimaw mä asnxat jutaski, llamp'u chuymani, mä jisk'a asno qallxata, khumuñ uywan qallupxaru.’ ”

Mateo 21:7

Uka qachu asnorusti qallupamppach irpanipxäna. Jupanakasti isinakapampiw asnorux janxatapxäna, Jesusasti uka asnxaruw lat'xatawayäna.

Juan 15:14

Kuntix nayax jumanakar sapksma uktix lurapxätaxa, nayan jila masinakaxäpxätawa.

1 Samuel 15:11

—Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.