Mateo 21:3 - Qullan Arunaka DC

³ Ukat khitisa kun sapxätamxa, jumanakax sapxam: “Tatituw muni; ukatsti jank'akiw irpayanirapxätam” sasa.

Aymar Bibliia 1986

³ Ucat qhitis mä cuns sapjjätam ucajja: “Tatituw muni ucat irpayanirapjjätamwa sasaw sapjjäta.”

Qullan Arunaca

³ Ucat qhitis mä cuns sapjjätam ucajja: ‘Tatituw muni ucat irpayanirapjjätamwa sasaw sapjjäta.”

Mateo 21:3 Jak'a apnaqawi uñst'ayäwi

1 Reyes 17:9

“Sartasim, Sarepta markar sarxam, Sidón uraqina, ukat ukan jakäta. Nayaw ukan jakir mayni ijma warmir sista, jumar manq'a churañapataki” sasa.

Esdras 1:1

Ciro reyin Persia marka nayrïr mara apnaqäwipana, ukhamarak Jeremías profeta tuqi Tatitun arupa yatiyatäkäna ukan phuqhasiñapatakisti, Tatitux Ciro reyiruw ch'amañchäna, taqpach markachirinakar aru tuqi, qillqat tuqi, aka kamachi yatiyañapataki:

Esdras 1:5

Ukatsti Judänkirinakana, Benjaminankirinakan jilïrinakapasti, sacerdotenakasa, levitanakasa, khitinakatix Diosan ch'amañchatäpkän ukanakaxa, Jerusalenar sarañatakiw wakichasipxäna, Tatitun utap wasitat sayt'ayañataki.

Esdras 7:27

Uka qillqat ullarasinsti Esdrasax akham sänwa: “Awkinakasan Tatit Diosapax yupaychatäpan, reyir ch'amañchatapata, Jerusalenan Tatitun utapar jach'añchatapata,

Salmos 24:1

Taqpach uraqix Tatitunkiwa, ukan utjirinakas jupankiwa, ukan jakirinakas jupankiwa.

Mateo 21:2

akham sasa: —Khä uñkatasi jisk'a markar sarapxam. Ukansti, mä qachu asnoru, jisk'a asno qallupamp chint'atäskir jikxatapxäta. Jararasinsti, nayatak irpanirapipxita.

Mateo 21:4

Taqi akanakasti kunjämtix Zacarías profetax qillqawaykatayna ukarjamaw phuqhasiskäna:

Juan 17:2

Jumaw Yuqamarux taqi jaqinakxar munañanïñ churtaxa, jupar arkirinak churkta ukanakar wiñay jakañ churañataki.

Juan 3:35

Awkix Yuqapar munasiwa, juparusti taqi kun katuyaraki.

Hechos 17:25

Janirakiw uka Diosax khitin yanapapsa munkiti. Ukatsipana, jupaw jakaña, samana, taqi kunanaksa jiwasanakar churistu.

2 Corintios 8:16

Diosax yuspagaratäpan, kuna llakisiñatix nayan jumanakatak utjkitu ukarak Titon chuymaparux uchi.

2 Corintios 8:9

Jumanakasti yatipxtawa, Jesucristo Tatitusax munasiñapan qamirïkasin jumanak laykux jan kunanir tukuwayi, ukhamat jupan jan kunan tukutapampix jumanakan qamirkipstapxañamataki.

Santiago 1:17

Kunatix askïki, chiqäki ukax alaxpachankir Diosat juti, jupax alaxpachankir warawaranak lurawayi. Diosax pachpakïskiwa, jupansti janiw mayjt'añasa, ch'amakt'añas utjkiti.

1 Samuel 10:26

Saúl chachax Guibeá chiqankki uka utaparuw kuttxarakïna, Diosasti mä qawqha wali ch'amani chachanakaruw Saúl chachan qhipap sarapxañapatak mayïna.