Mateo 21:16 - Qullan Arunaka DC

¹⁶ ukat Jesusarux sapxäna: —¿Uka wawanakan arnaqasitap ist'tati? —sasa. Jesusasti jupanakarux sarakïnwa: —Jïsa, ist'twa. Ukampis, ¿janit uka tuqit qillqatanak uñxatapktasti? Ukasti akham siwa: ‘Jisk'a wawanakan lakapata, ñuñuskir wawanakan lakapata, jach'añchañ arunak mistuytaxa’.

Aymar Bibliia 1986

¹⁶ Jesusarusti sapjjaraquïnwa: —¿Ist'tati cun sasatejj arnakapqui ucjja? —sasa. Jesusasti saraquïnwa: —Jïs, ist'asctwa. Ucampis, ¿janit jumanacasti kellkatanaca leet'apcta take acanacatsti? Ucasti aqham siwa: Jumaw munañamanjja waquichta jisc'a wawanacan cheka yupaychaña churañapa.

Qullan Arunaca

¹⁶ Jesusarusti sapjjaraquïnwa: —¿Ist'tati cun sasatejj arnakapqui ucjja? —sasa. Jesusasti saraquïnwa: —Jïs, ist'asctwa. Ucampis, ¿janit jumanacasti kellkatanaca leet'apcta take acanacatsti? Ucasti aqham siwa: ‘Jumaw munañamanjja waquichta jisc'a wawanacan cheka yupaychaña churañapa.’

Mateo 21:16 Jak'a apnaqawi uñst'ayäwi

Salmos 8:2

2 (3) Uñisirinakaman utjatap laykux ñuñuskir wawanakan jach'añchatapampiw ch'amam uñacht'aytaxa, timasirinakampiru, qallasirinakampir t'unjañataki.

Mateo 11:25

Ukapachaw Jesusax sarakïna: “Yupaychsmaw Awkixa, jumaw alaxpacha, akapacha apnaqtaxa, jumaw yatiñ kankañ wali yatiñan jaqinakat imanttaxa; ukatsti juk'a yatiñan jaqinakaruw uñacht'aytaxa.

Mateo 12:3

Jupasti ukxarux sänwa: ¿Janit jumanakax yatipkta kuntix Davidax masinakapamp manq'at awtjatax lurkatayna ukxa?

Mateo 19:4

Jesusasti ukxarux sarakïnwa: —¿Janit jumanakasti Diosan qillqatanakap uñxatapktasti? Ukansti siwa: ‘Diosax qalltan chacha warmi irnuqawayi’ sasa.

Mateo 22:31

Jiwatanakan jaktañapatsti, ¿kunjämtix Diosax siski uk janit uñxatapktasti?:

Marcos 13:17

¡Ay, kunakïkan uka urunakan usur jaqi warminakatakixa, ukhamarak jisk'a wawanakanitakisa!

Marcos 2:25

Jesusasti jupanakarux sänwa: —¿Janipunit kunapachas jumanakax qillqat ullart'apkta, kuntix Davidax lurkäna, kunapachatix jupampi, yanapirinakampix manq'at awtjayasipkäna uksti?

Lucas 21:23

¡Ay ukürunakan usur jaqi warminakata, jan ukax asu wawaninakata! Wali t'aqhisiñaw uka markan utjani, mä axsarkañ mutuyäwiw taqi jaqitak utjani.