Mateo 20:12 - Qullan Arunaka DC

¹² akham sasa: ‘Qhipa tuqir purinipki uka irnaqirinakax mä juk'akixay irnaqapxchixa, jumasti jupanakarux, nanakarjamaw pachpak churaraktaxa, nanakax wali ch'am tukupxta, urpachaw lupimpisa lupjayasipxta’ sasa.

Aymar Bibliia 1986

¹² “Aca mayninacajj mä horaquiw irnakapjje, ucat jumasti nanacarjamaquiraquis pagtajjä, nanacajj jornalpachaw lupimpis lupjatäpjjta” sasa.

Qullan Arunaca

¹² ‘Aca mayninacajj mä horaquiw irnakapjje, ucat jumasti nanacarjamaquiraquis pagtajjä, nanacajj jornalpachaw lupimpis lupjatäpjjta’ sasa.

Mateo 20:12 Jak'a apnaqawi uñst'ayäwi

Jonás 4:8

Intix jalsunxäna ukapachasti, Tatitux mä junt'u thaya inti jalsu tuqit thayt'aniñapatak wakichäna, intix wali ch'amampiw Jonasan p'iqipxar junt'untäna, amuyasitapatxa ch'amapas q'ala thayjtatjamänwa, jiwxañak munxäna. Ukat säna: —Jakañat sipansa jiwxañakiw wakisxaspa —sasa.

Malaquías 1:13

Jumanakax sapxtawa: ‘¡Taqi akanak lurkäwix qaritäxapxtwa!’ sasa. Ukatsti jisk'achapxistawa. Nayax uka lunthatata, usuta, kayu p'akit uywanak luqtanipkista ukanakxa kusisiñampis katuqapkirisma ukham amuyapxaraktaxa.

Malaquías 3:14

Jumanakax akanak sapxtaxa: ‘Diosar arkañax inamayakiwa. ¿Kunaraki jiwasasti apsuñäni jupan arunakaparjam sarnaqasasti, taqi ch'aman Tatit nayraqatan llakt'at sarnaqasasa?

Mateo 20:11

Ukham katuqasisasti, yapunitakiw arusipxäna,

Lucas 12:55

Aynach tuqit thayan thayt'anipansti: ‘Jichhürux lupintaniwa’ sapxtawa, ukatsti lupintapuniwa.

Romanos 3:27

Ukhamasti, ¿kawkinkarak jaqin jach'a jach'a tukuñapasti? ¡Ukax tukusxiwa! ¿Kunjämata? Janiw kamachirjam phuqhatap laykükiti, jan ukasti iyawsatap laykuwa.

Romanos 3:30

mä sapa Diosakiw utji: uka Diosaw iyawsañ tuqi aski jaqit katuqi, circuncisión katuqirirusa, jan katuqirirusa!

1 Corintios 4:11

Jichhürkamas manq'at awtjata, umat pharjata, isit jalstataw sarnaqapxta; jaqis uñisipxituwa, janiw utanïpkaraktsa,

Efesios 3:6

Uka jan amuyt'kañ amtäwix akawa: Tatitun qhispiyasiñ arunakap tuqiw jan judiöpkis ukanakax judionakamp chik pachpa waxt'äwi katuqapxani, ukhamarak mä sapa markar tukutakïpxani, kuntix Diosax Jesucristo tuqi arsuwaykäna uksa, katuqapxarakini.

Santiago 1:11

Kunapachatix intix jalsusin wal lupt'anki ukkhaxa, uka alix wañsuwa, panqaras willirtarakiwa, ukatsti suma uñnaqapas tukusiwa. Qamir jaqix ukhamarakiw luräwinakapampi chik tukusini.