Mateo 2:4 - Qullan Arunaka DC

⁴ Ukat jupax jilïr sacerdotenakampiru, kamachi yatichirinakampir jawsthapiyäna, ukatsti kawkhantix Cristox yuriñapäkän uka tuqit jiskt'äna.

Aymar Bibliia 1986

⁴ Ucapachaw reyejj take jilïri sacerdotenacaru, ley yatichirinacampiru jawsthapiyäna, ucatsti jisct'araquïnwa cawqhantejj Cristojj naciñapäcäna uca toketa.

Qullan Arunaca

⁴ Ucapachaw reyejj take jilïri sacerdotenacaru, ley yatichirinacampiru jawsthapiyäna, ucatsti jisct'araquïnwa cawqhantejj Cristojj naciñapäcäna uca toketa.

Mateo 2:4 Jak'a apnaqawi uñst'ayäwi

2 Crónicas 34:15

Ukat ukspachaw Safán sat qillqirirux yatiyäna, kamachin qillqata Tatitun utapan jikxatatapata; ukatsti Safán chacharuw uka qillqata katuyxäna,

2 Crónicas 36:14

Judá uraqinkir jilïrinakasa, sacerdotenakasa, marka jaqinakasa juk'amp jan walinak lurapxäna, jucharar markanakan axtkañ luräwinakap lurasa, ukhamarak Tatitun ajllit utap jan axsart'as takichasa.

Esdras 10:5

Esdrasasti sayt'asïnwa, ukatsti sacerdotenakana, levitanakan jilïrinakaparu, ukhamarak taqpach israelitanakaruw arsutanakap phuqhapxañapatak juramento lurayäna, jupanakasti ukham lurañatakiw arsupxarakïna.

Esdras 7:6

Esdrasax mä sacerdotënwa, Diosax Moisés tuqi kamachinakap churkatayna ukanak sum uñt'ir yatichirirakïnwa; uka kamachinak yatxatapunïnwa, ukarus jaysarakïnwa, ukatsti judionakaruw yatichäna. Tatituw Esdrasarux yanapaskäna, kunanaktix jupax maykäna ukanak Artajerjes reyix churäna. Ukhamat Esdrasax Babilonia markat

Nehemías 12:7

Salú, Amoc, Hilquías, Jedaías ukanaka. Josué chachan urunakapanxa, jupanakänwa sacerdotenakan jilïrinakapaxa, ukhamaraki wila masinakapasa.

Salmos 2:2

Akapach reyinakax mayacht'asipxiwa, jilïr jaqinakax mä amtañaruw puripxi, Tatitumpiru, ajllit reyipampir qallkatañataki.

Jeremías 8:8

Ukhamasti, ¿kunjämarak jumanakasti sapxasmasti: ‘Taqi kunsa sum yattanxa, Tatitun kamachipasti jiwasampïskiwa’ sasasti? ¡Kamachinak yatichirinakax k'arikamak yatichapxi, ukatsti, Qillqatax ukham siwa sasaw sarnaqapxaraki!

Malaquías 2:7

Sacerdotenakan lurañanakapasti, jaqinakaru nayar uñt'aña yatichapxañapawa, ukatsti taqinirakiw jupanakan ukaru sarapxañapa suma yatichäwinak katuqiri, jupanakax taqi ch'aman Tatitun suma arunakap qhanañchiri khithanita jaqinakäpxatap layku.

Mateo 13:52

Ukat Jesusax jupanakar säna: —Kunapachatix kamachi yatichirix Diosan qhapaq markapat sum yatxi ukkhaxa, utani jaqjamawa, jupasti imat yänakapatxa, machaq yänaka, mirq'i yänak apsunki ukar uñtatawa —sasa.

Mateo 2:3

Herodes reyisti uk yatisin wal mayjt'asïna, Jerusalenan jakir taqi jaqinakas mayjt'asirakïnwa.

Mateo 2:5

Jupanakasti sapxänwa: —Judeankir Belén markan yuriñapawa, profetax akham qillqawayi:

Mateo 21:15

Ukampis sacerdotenakan jilïrinakapampi, kamachi yatichirinakampix wal thithipxäna uka muspharkañanak luratap uñjasaxa, wawanakan Tatitun utapan jach'at Tatitur yupaychapxatapatsa,

Mateo 21:23

Uka qhipatsti, Jesusax Tatitun utaparuw mantäna. Ukan yatichkipansti, sacerdotenakan jilïripampi, judionakan jilïripampiw jupar jak'achasisin jiskt'apxäna: ¿Kuna munañanïñampis jumax uk lurtaxa? ¿Khitirak uka munañanïñ churtamsti? —sasa.

Mateo 26:3

Ukapachasti sacerdotenakan jilïrinakapampi, judionakan jilïrinakapampix, Caifasan utapan tantachasipxäna, jupasti sacerdotenakan jilïripänwa,

Mateo 26:47

Jesusax parlaskän ukhamaruw Judasax purinïna, jupasti Jesusan tunka payani yatiqiripat maynïrinwa, jupamp chikasti walja jaqinakaw espadanak apt'ata, lawanak ayt'ata purinipxäna. Jupanakarux sacerdotenakan jilïrinakapampi, markan jilïr jaqinakampiw khithanipxatayna.

Mateo 27:1

Niy willjtanipansti, taqpach sacerdotenakan jilïrinakapampi, judionakan jilïrinakapampiw Jesusar jiwayañ amtapxäna.

Mateo 7:29

jupasti munañan kankañampi phuqt'ataw yatichäna, janiw jupanakan kamachi yatichirinakjam yatichkänti.

Marcos 8:31

Ukxarusti Jesusax yatiqirinakaparuw yatiyañ qalltäna, sarakïnwa: “Naya, Jaqin Yuqapax walpun t'aqhisï. Jilïr jaqinakampi, jilïr sacerdotenakampi, kamachi yatichirinakampiw nayatak sayt'asipxani. Jiwayapxitaniwa, ukampis kimsürut jaktanxä” sasa.

Lucas 20:19

Ukatsti sacerdotenakan jilïrinakapampi, kamachi yatichirinakampix ukspachaw Jesusar katuntañ munapxäna, uka uñtasïwix jupanakatakïtap amuyapxatap layku. Ukampis jaqiruw axsarapxäna.

Lucas 23:10

Sacerdotenakan jilïrinakapa, kamachi yatichirinakapas ukankaskarakïnwa, jupanakasti walpun juchañchapxäna.

Juan 18:3

Judasasti mä tama soldadonakampiw ukawjar purinïna, fariseonakampi sacerdotenakan jilïrinakapampix Tatitun utap uñjirinakat mä qawqhan khithankatayna ukanakamp chika. Jupanakax nuwasiñatak wali wakicht'ataw jutapxäna, micha qhananaka, nina wiyanak apt'ata.

Juan 3:10

Jesusasti juparux sarakïnwa: —Jumax Israel markan jach'a yatichiripjamax, ¿janit uk yatktasti?

Juan 7:32

Fariseonakasti kuntix jaqinakax Jesusxat parlapkän uk ist'apxäna; ukat jilïr sacerdotenakampi, fariseonakampix, Jesusar katjayañatakiw Tatitun utap uñjirinakar khithapxäna.

Juan 8:3

Ukhamäkipansti kamachi yatichirinakampi, fariseonakampix mä warmiruw wachuq jucha luraskir katjasin irpanipxäna. Uka warmirusti jupanak taypiruw sayt'ayapxäna,

Hechos 23:9

Ukapachasti taqiniw jach'at arnaqasipxäna; kamachinak yatichir fariseonakat yaqhipanakax sayt'asisin sapxäna: —Aka jaqin janiw kuna jan wali luratapsa jikxatapkti. Inas jupar mä ajayus jan ukax mä angelas parlxaychi —sasa.

Hechos 4:5

Qhipürusti judionakan jilïr irpirinakapampi, jilïrinakampi, kamachinak yatichirinakampix Jerusalenan tantacht'asipxäna.

Hechos 6:12

Ukhamat markachirinakar wiytapxi, jilïr jaqinakampiru, kamachinak yatichirinakampiru; ukat Estebanar katuntapxi, ukatsti jilïrinakan Jach'a Tantachäwiparuw irpapxaraki.