Mateo 2:23 - Qullan Arunaka DC

²³ Galilea markar purisinsti, Nazaret markar jakiriw sarxäna. Ukasti kuntix Diosax profetanak tuqi arskäna ukarjamaw phuqhasiskäna: “Nazaretankir Jesús satäñapataki”.

Aymar Bibliia 1986

²³ Ucar purisinsti, Nazaret marcaru jacasiriw sarjjapjjäna. Acasti phokhasiscänwa cuntejj Diosajj profetanac toke arscäna ucanacarjama: “Nazaretanquir Jesús satäñapataqui.”

Qullan Arunaca

²³ Ucar purisinsti, Nazaret marcaru jacasiriw sarjjapjjäna. Acasti phokhasiscänwa cuntejj Diosajj profetanac toke arscäna ucanacarjama: “Nazaretanquir Jesús satäñapataqui.”

Mateo 2:23 Jak'a apnaqawi uñst'ayäwi

Números 6:13

“Tatitur katuyasiñ urunak phuqhasxipansti, nazireo jaqix Tatitump Jikisiñ Carpa mantañaruw sarani,

Mateo 1:22

Taqi ukanakasti kuntix Diosax profetap tuqi arskatayna ukarjamaw phuqhasiskäna.

Mateo 21:11

Jaqinakasti sapxänwa: —Galilea uraqina, Nazaretankir Jesús, profetawa —sasa.

Mateo 26:71

Ukatsti punku tuqir mistkipan yaqha uywat tawaqux jupar uñjasin ukankirinakan nayraqatapan sarakïna: —Aka jaqix Nazaretankir Jesusampi sarnaqiriwa —sasa.

Marcos 1:24

—¡Nazaretankir Jesús! ¿Kuna lurañamas nanakamp utji? ¿Nanakar t'unjirit jutta? Nayax uñt'smawa, jumax Diosan Yuqapätawa —sasa.

Marcos 1:9

Ukürunakan Jesusax Galilea uraqinkir Nazaret markat jutäna, ukatsti Juanax Jordán jawiran juparux bautisäna.

Lucas 1:26

Ukat suxta phaxsirusti, Diosax Gabriel angelaruw Galileankir Nazaret markar khithanïna,

Lucas 18:37

Juparusti sapxänwa: Nazaretankir Jesusaw uka chiq saraski, sasa.

Lucas 2:39

Tatitun kamachiparjam taqi kun phuqhasinsti, Galilea uraqinkir Nazaret markaparuw kuttxapxäna.

Juan 18:5

Jupanakasti sapxänwa: —Nazaretankir Jesusaruw thaqhapxta —sasa. Jesusasti jupanakarux sänwa: —Nayätwa —sasa. Aljantir Judasasti jupanakampïnwa.

Juan 18:7

Jesusasti wasitat jupanakar jiskt'äna: —¿Khitirus thaqhapxta? —sasa. Jupanakasti sapxarakïnwa: —Nazaretankir Jesusaruw thaqhapxta —sasa.

Juan 19:19

Pilatosti cruzar uskuyañatak mä qillqat luratayna, akham sasa: “Nazaretankir Jesús, judionakan Reyipa” sasa.

Hechos 2:22

“Israelitanaka, aka arunak sum ist'apxita: Diosax jumanak taypin Nazaretankir Jesusan munañanïtap uñacht'äwayi, jupa tuqi jach'a muspharkañ luräwinaka, unañchäwinak lurasa, uka luratanaksti jumanakax sum yatipxtaxa.

Hechos 24:5

Aka jaqix markar jan walt'ayir jaqiwa. Taqi chiqan judionakarux ch'axwayi, pitthapiraki, nazareno sat tamankirinakan p'iqichiripawa.

Jueces 13:5

jumax yuqall wawanïyätawa, jupan ñik'utapax janiw khuchhuratäñapäkiti, uka wawax nazireo jaqjam, janïr yurkipan Diosar luqtatäniwa, jupaw Israel markarux filisteonakan amparapat qhispiyani” sasa.

1 Samuel 1:11

akham sasa: “Taqi ch'aman Tatay, jumatix aka luqtiriman t'aqhisitap uñtanïtaxa, ukat nayat amtasisin mä wawsa apayarakitätaxa, nayax uka wawan jakäwip jumar luqtiritakiw katuyäma, uka arsüwi phuqhañatakisti janiw ñik'utapas khuchhuratäkaniti” sasa.