Mateo 2:16 - Qullan Arunaka DC

¹⁶ Herodesasti amawt'anakan jupar sallqjatap amuyasisinxa, walpun phiñasïna, ukat Belén markana, uka thiyanakan jakir wawanakar pä maranit aynachar taqpachanir jiwarayiriw khithäna; amawt'anakax sapkatayna uka urunakarjam amuyt'asa.

Aymar Bibliia 1986

¹⁶ Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.

Qullan Arunaca

¹⁶ Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.

Mateo 2:16 Jak'a apnaqawi uñst'ayäwi

Génesis 39:14

utankir uywatanakaruw jach'at jawsäna, sarakïnwa: —Akax uñjapxam, chachaxax mä hebreo jaqi akar irpasini, jichhasti jupax jiwasat sawkasiwa. Utaruw mantani, ukat nayampiw ikintañ muni, ukampis nayax wali jach'at warartatta;

Génesis 39:17

Chachapax purinkäna ukkhasti, pachparak chachapar yatiyäna akham sasa: —Irpanktas uka hebreo uywatax utaxar mantasin waynaqañ munitu,

Génesis 49:7

¡Q'apisiñapax ñanqhachatäpan! ¡Qhuruchasiñapas ñanqhachatäpan! ¡Nayaw jupanakarux taqi Israel uraqpachar anatatä!

2 Reyes 8:12

ukat Hazael chachax jupar jiskt'äna: —¿Tatay, kunatarak jachtasti? —sasa. Eliseosti sänwa: —Nayax kuna jan waltix israelitanakar lurkäta uk yatta, suma uyuchrantat markanakap ninamp nakhantayäta, ukankir waynanakarux espadampkamaw jiwarayäta, jisk'a wawanakarux jiwayarakïtawa, usur jaqi warminakarusti purakanakap jist'jarakïta —sasa.

Job 12:4

Mä urunakan, Diosar art'askäyät ukapachaxa, jupax mayisitaxar ist'apunitänwa; ukampis jichhax, masinakaxamppachaw nayat larusipxitu; nayax jan kuna juchanïkta ukasa, taqiniw nayat sawkasipxitu.

Proverbios 28:15

Jan wal apnaqir mä qhuru jilïrix, wararir leonar uñtatawa, pist'añan sarnaqir markar t'aqhisiyas apnaqi.

Proverbios 28:17

Jaqi jiwayatapat arknaqat jaqix, jiwañkamaw imantasiñatak jalnaqaskani, ¡janiw khitis jupar arxatkaniti!

Isaías 26:21

Tatitusti jach'a utapat mistunini, aka uraqin jakir jaqinakaruw juchanakapat mutuyani. Qhurumpi jaqinakar jiwayirinakasti mutuyataw uñjasipxani.

Isaías 59:7

kayunakapax ñanqha tuqirukiw jalañ munaski, jan juchan jaqinakar jiwayiriw jank'ak jalaski. Amtañanakapansti jaqi jiwayañanakak amtasipki, kawki chiqtix sarapki uka chiqanakansti t'unjatäñakiw utjaski.

Daniel (hebreo) 3:13

Nabucodonosor reyisti ukanak ist'asax chuymap wal mayjt'ayasïna, ukatsti Sadrac, Mesac, Abed-nego waynanakar jupan nayraqataparuw irptayanïna. Ukatsti nayraqatapankapkän ukapachasti,

Oseas 10:14

jan walt'añanakakiw jumanak taypin utjani, ukatsti taqi sayt'asiña pirqanakamasa tukjatäniwa, kunjämatix Salmán reyix Bet-arbel markaru uka nuwasiñ urun tukjkäna, warminakarus wawanakapamppach jiwaraykarakïn ukhama.

Números 22:29

Balaamasti sänwa: —Jumax nayat phiskasiskistaxa, mä cuchillotix amparaxan utjitaspaxa, anchhitpachaw jiwayirisma —sasa.

Números 24:10

Uk ist'asinsti, Balac reyix walpun Balaamatak phiñasïna, amparanakap t'axllisisaw jupar säna: —Nayax uñisirinakaxar ñanqhachayiriw jumar jawsaysma, jumasti kimsa kutiw jupanakar jach'añchtaxa.

Mateo 2:1

Kunapachatix Herodesax uka markan reyïkän ukapachaw Jesusax Judea uraqina, Belén markan yurïna. Jerusalén markarusti amawt'a jaqinakaw inti jalsu tuqit purinipxäna,

Mateo 2:17

Ukhamat Jeremías profetan qillqatapax phuqhasïna:

Mateo 2:7

Ukat Herodes reyix amawt'anakar jamasat jawsäna, ukatsti jupanakaruw jiskt'äna kunapachapunisa uka warawarax uñstkatayna uka.

Apocalipsis 12:4

Wich'inkhapampisti niya chikatan chikatap alaxpach warawaranak qatatïna, ukatsti uraqiruw willirtayanïna. Uka dragonasti wawachasir warmin nayräxaparuw sayt'asi, yurkani uka wawar ukspach manq'antañataki.

Apocalipsis 17:6

Ukatsti mäkiw amuyasta uka warmix Diosan wawanakapana, Jesucristot qhanañchirinakan wilapampi machjatätapa. Uk uñjasinsti wali musphataw uñjasta.

Jueces 16:10

Dalilasti Sansonar sänwa: —¡Jumax nayat phiskasistawa! ¡K'arintarakistawa! Jichhasti, sitaya, ¿kunampirak ñach'antapxirismasti? —sasa.