Mateo 2:15 - Qullan Arunaka DC

¹⁵ uka markansti Herodesan jiwañapkamaw ukankapxäna. Taqi akanakasti kuntix Tatitux profetap tuqi arskatayna ukarjamaw phuqhasiskäna: “Egiptot wawaxar jawsta” sasa.

Aymar Bibliia 1986

¹⁵ Uca Egipto marcansti Herodesan jiwañapcamaw ucancapjjaraquïna. Take acanacasti phokhasiscänwa cuntejj Diosajj profetap toke arscäna ucarjama: “Egiptotwa wawajjarojj jawsta” sasa.

Qullan Arunaca

¹⁵ Uca Egipto marcansti Herodesan jiwañapcamaw ucancapjjaraquïna. Take acanacasti phokhasiscänwa cuntejj Diosajj profetap toke arscäna ucarjama: “Egiptotwa wawajjarojj jawsta” sasa.

Mateo 2:15 Jak'a apnaqawi uñst'ayäwi

Éxodo 4:22

Ukampis faraonarux saskakïtawa: “Tatitux akham siwa: ‘Israelax nayan nayrïr wawaxawa.

Oseas 11:1

“Israel markax wawäkän ukkhax, nayax munasiyätwa; juparusti wawaxätapat Egipto markatsa irpsunirakta.

Números 24:8

Tatituw jupanakar Egipto markat irpsunïna, búfalo animalan ch'amapar uñtat ch'amampi. Israel markax uñisir markanakaruw t'unjani; mich'inakapampiw usuchjani ch'akhanakap p'akirarakini.

Mateo 1:22

Taqi ukanakasti kuntix Diosax profetap tuqi arskatayna ukarjamaw phuqhasiskäna.

Mateo 2:14

Uka arumpachaw Joseax wawampiru taykapampir irpxaruwayasin Egipto markar sarxäna,

Mateo 2:17

Ukhamat Jeremías profetan qillqatapax phuqhasïna:

Mateo 2:19

Herodesan jiwatap qhipatsti, Tatitun angelapaw Egipto markan Josearux samkan uñstäna, ukatsti juparux sarakïnwa:

Mateo 2:23

Galilea markar purisinsti, Nazaret markar jakiriw sarxäna. Ukasti kuntix Diosax profetanak tuqi arskäna ukarjamaw phuqhasiskäna: “Nazaretankir Jesús satäñapataki”.

Mateo 21:4

Taqi akanakasti kunjämtix Zacarías profetax qillqawaykatayna ukarjamaw phuqhasiskäna:

Mateo 26:54

Ukhamäspa ukasti, ¿kunjämatarak phuqhasiñapäki uka Qillqatanakasti phuqhasispasti? —sasa.

Mateo 26:56

Ukampis taqi akanakax profetanakan arsutanakap phuqhasiñapatakiw lurasi —sasa. Ukapachaw yatiqirinakax Jesusar sapak jaytawayasin jaltxapxäna.

Mateo 27:35

Ch'akkatatäxän ukkhasti, soldadonakax suerte jaqtasaw Jesusan isip katusiñ munapxäna.

Mateo 8:17

Taqi akanakasti Isaías profetan arsutaparjamaw phuqhasiskäna: “Jupaw jiwasan usunakasa, chhuxrinakas apxi” sasa.

Lucas 24:44

Ukat jupanakarux sarakïna: —Kunatix nayamp luraski ukax, kuntix jumanakampïkasa sapkäyäsma ukaw lurasiski: taqi kunatix naya tuqit qillqatäki Moisesan kamachipana, profetanakan qillqatapana, ukhamarak Salmonakana, taqi ukanakaw phuqhasiski.

Juan 19:28

Ukanak qhipatsti, Jesusax taqi kunan phuqhasxatap yatïna, ukatsti Qillqatan phuqhasiñapatakiw säna: —Umat pharjitu —sasa.

Juan 19:36

Akanakax Qillqatan phuqhasiñapatakiw lurasïna: “Janiw kayu ch'akhapsa p'akjapkaniti” sasa.

Hechos 1:16

“Jilatanaka, kuntix Qullan Ajayux David tuqi Judas chachat Qillqatanakan arskatayna ukan phuqhasiñapax wakisïnwa, jupaw Jesusar katuntir jaqinakan irpiripäna.