Mateo 19:4 - Qullan Arunaka DC

⁴ Jesusasti ukxarux sarakïnwa: —¿Janit jumanakasti Diosan qillqatanakap uñxatapktasti? Ukansti siwa: ‘Diosax qalltan chacha warmi irnuqawayi’ sasa.

Aymar Bibliia 1986

⁴ Jupasti ucjjarojj saraquïnwa: —¿Janit jumanacajj Diosan arunacapana leet'apcta, qhititejj kalltan lurcäna ucajj chacha warmi lurqui ucjja?

Qullan Arunaca

⁴ Jupasti ucjjarojj saraquïnwa: —¿Janit jumanacajj Diosan arunacapana leet'apcta, qhititejj kalltan lurcäna ucajj chacha warmi lurqui ucjja?

Mateo 19:4 Jak'a apnaqawi uñst'ayäwi

Génesis 1:27

Kunapachatix Diosax jaqi lurkäna ukkhaxa, jupar uñtasit luräna, chacha, warmi luräna.

Génesis 2:18

Ukxarusti, Tatit Diosax sänwa: “Janiw walïkiti jaqin sapakïñapaxa. Nayasti jupatakix mayni jupampi chika jakiri, ukhamarak jupar yanapt'iri lurarapï” sasa.

Génesis 2:23

chachasti uñjasinxa, sänwa: “¡Akapï chiqpachansa janchixat janchinixa, ch'akhaxat ch'akhanisa! Jichhasti jupax ‘warmi’ satäniwa, Diosan chachat apsutap layku” sasa.

Génesis 5:2

Chacha, warmi luräna, ukatsti aski waxt'äwi churarakïna. Jupanakarusti “Jaqinaka” sutimpiw uchäna.

2 Crónicas 24:3

Joiadá sacerdotex juparux pä warmimpiw jaqichäna, uka pani warminakapampix Joás reyix yuqanakani, phuchhanakanïnwa.

Malaquías 2:15

Diosax jiwasar mä janchiki, mä sapa ajayukïñasatakiw uskusistu. Jupar luqtat mä suma markäñasatakiw irnuqarakistu.

Mateo 12:3

Jupasti ukxarux sänwa: ¿Janit jumanakax yatipkta kuntix Davidax masinakapamp manq'at awtjatax lurkatayna ukxa?

Mateo 21:42

Jesusasti jupanakarux sänwa: —¿Janipunit kunapachas qillqatanak ullarapkta? Uka qillqatanakasti siwa: ‘Utachirinakan apanukut qalax aski qalaruw tukxi. Tatituw ukham luri, ukat muspharat uñjasipxtan’ sasa.

Mateo 21:6

Yatiqirinakapasti, kunjämtix Jesusax jupanakar siskatayna ukhamarjamaw sarasin lurapxäna.

Mateo 22:31

Jiwatanakan jaktañapatsti, ¿kunjämtix Diosax siski uk janit uñxatapktasti?:

Marcos 12:10

Jesusasti saskakïnwa: “¿Janit jumanakax Diosan Arunakap ullarapkta?: ‘Utachirinakan jisk'achat qalax suma qalat uchatäxiwa.

Marcos 12:26

Jiwatanakan jaktañapatsti, ¿janit ullart'apkta Moisesan qillqatapanxa? Diosax nakhaskir ch'aphi taypit parläna: “Nayätwa Abrahaman, Isaacan, Jacobun Diosapaxa” sasa.

Marcos 2:25

Jesusasti jupanakarux sänwa: —¿Janipunit kunapachas jumanakax qillqat ullart'apkta, kuntix Davidax lurkäna, kunapachatix jupampi, yanapirinakampix manq'at awtjayasipkäna uksti?

Lucas 10:26

Jesusasti juparux sänwa: —¿Kunarak kamachin qillqatasti? ¿Kunarak ullartasti? —sasa.

Lucas 6:3

Jesusasti jupanakarux sarakïnwa: —¿Janit jumanakasti uñxatapkta kuntix Davidax masinakapamp manq'at awtjatax lurkän uksti?