Mateo 18:10 - Qullan Arunaka DC

¹⁰ “Ukhamasti janipun aka jisk'alalanakat maynirus jisk'achapxamti. Nayasti sapxsmawa, jupanakan angelanakapax alaxpachan sapürupuniw Awkixan nayraqatapankasipki.

Aymar Bibliia 1986

¹⁰ “Jan jisc'achapjjamti aca jisc'anacarojja. Nayasti sapjjsmawa, jupanacan angelanacapajj alajjpach marcanjja Awquejjan nayrakatapancasipcapuniwa.

Qullan Arunaca

¹⁰ “Jan jisc'achapjjamti aca jisc'anacarojja. Nayasti sapjjsmawa, jupanacan angelanacapajj alajjpach marcanjja Awquejjan nayrakatapancasipcapuniwa.

Mateo 18:10 Jak'a apnaqawi uñst'ayäwi

2 Samuel 14:28

Absalonax pä maraw Jerusalén markan utjasxäna, ukampis uka maranakan janiw kunapachas reyin nayraqatapar uñstkänti.

1 Reyes 22:19

Micaiasasti saskakïnwa: —Ukham satamat Tatitun arunakap ist'am: Tatiturux reyi qunuñapan qunt'atäskir uñjta, alaxpachankir angelanakasti taqpachaniw jupa chika sayt'atäskäna, mayninakax kupïxapana, mayninakasti ch'iqäxapana.

Ester (hebreo) 1:14

Reyin yanapir jaqinakapax paqallqunïnwa: Carsená, Setar, Admata, Tarsis, Meres, Marsená, Memucán ukanaka. Jupanakax Persia, Media uka markanakan wali aytat jaqinakänwa. Marka apnaqäwinsti, yäqat jilïr jaqinakarakïnwa.

Salmos 15:4

khititix ñanqha lurañarux jisk'achki uka, Tatitur axsartirirus jach'añchki uka; khititix jan walir purkasas arsutap phuqki uka;

Salmos 17:15

Nayasti kusisitaw jikxatasï; ajanuy ajanu jumar uñkatasina, ¡uñatatkä ukkhax nayraqataman jikxatasisina!

Salmos 34:7

7 (8) Tatitun angelapaw iyawsirinakarux uñjaski, Tatitur waqaychirinakarus imaskaraki.

Salmos 91:11

Diosax angelanakaparuw khithanini, sarnaqäwim imañataki.

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Zacarías 4:10

“Tatitun utap lurañ qalltaskäna uk jan yäqirinakaxa, jichhax Zorobabel chachar uka luräwinak tukuyaskir uñjasax kusisipxaniwa” sasa. Uka qhipatsti angelax aka arunakampiw yapt'arakïna: “Aka paqallqu lamparanakax Tatitun nayranakapawa, ukasti taqi akapacharuw uñch'ukiskaraki” sasa.

Mateo 1:20

Ukham lup'iskiriruw, Tatitun angelapax samkan uñstäna, ukat sarakïna: “José, Davidan yuqapa, Mariar warmimat katuqañ jan axsaramti, yurkani uka wawax Qullan Ajay tuqiw utji.

Mateo 12:20

Usuchjatanakarux janiw juk'amp usuchjkaniti, niya jiwirpacharusti janirakiw jiwaykaniti. Jan ukasti, ñanqt'atanakarux ch'amañchaniwa, chiqapar uñjañampi atipjaykani ukürkama.

Mateo 18:14

Uka pachparakiwa, alaxpachankir Awkimax janiw aka jisk'alalanakat khitinsa chhaqhañap munkiti.

Mateo 18:6

“Khititix nayar iyawsir jisk'a wawanakar juchar puriyaspa ukaruxa, mä jach'a qalampi kunkar chinuntasin quta manqhar jaquntatäñapaw wakisispa.

Mateo 2:13

Amawt'anakan sarxatapatsti, Tatitun angelapaw Josearux samkan uñstäna, juparusti sänwa: “Sartasim, ukatsti wawampiru María taykapampir irpxarusin Egipto markar jaltxam. Kunapachkamatix nayax siskäma ukürkamaw ukankäta, Herodesaw wawar jiwayañatak thaqhani” sasa.

Mateo 2:19

Herodesan jiwatap qhipatsti, Tatitun angelapaw Egipto markan Josearux samkan uñstäna, ukatsti juparux sarakïnwa:

Mateo 24:31

Jupaw angelanakapar khithanini, jach'at trompeta phust'añapataki, ukampiw ajllitanakapar pusi tuqit jawsthapini; maysa thiyata maysa thiykama.

Lucas 1:19

Angelasti juparux sänwa: —Nayax Gabriel angelätwa, Diosan munañap lurirïtwa; jupaw nayarux khithanitu aka suma yatiyäwinak jumar yatiyiri.

Lucas 10:16

“¡Khititix jumanakar ist'ki ukax nayaruw ist'itu; khititix jumanakar jan katuqapktam ukanakasti nayaruw jan katuqkituti; nayar jan katuqirïki ukasti khithankitu ukaruw jan katuqkiti!”

Lucas 16:22

Mä uruw uka jan kunan jaqix jiwxäna, ukatsti angelanakaw Abrahaman thiyapar qunt'asiñapatak apxapxäna. Qamir jaqisti jiwxarakïnwa, juparusti imantxapxänwa.

Hechos 10:3

Mä urusti, niya chika jayp'u tuqiruw Corneliox mä unañchäwi katuqäna: Jupax qhanpun Diosan mä angelapar uñjäna jupan ukar mantasinkiri, sarakïnwa: “¡Cornelio!” sasa.

Hechos 12:15

Jupanakasti tawaqurux sapxänwa: —Luqhïtawa —sasa. Tawaqusti saskakïnwa: —Chiqäskapuniwa —sasa. Ukham siskatpachas jupanakax sasipkakïnwa: —Janiw jupäkaspati; jupar uñjir angelapäpachawa —sasa.

Hechos 12:23

Ukspachaw Tatitun angelapax Herodesar usuntayäna, Diosäkaspas ukham amuyasitap layku, jupasti laq'unakan manq'antataw jiwxäna.

Hechos 27:23

Jichha arumax Diosan khithanit mä angelaw uñstitu, nayax uka Diosanktwa, jupan luqtiripätwa.

Hechos 5:19

Ukampis Tatitun mä angelapaw arumax cárcel punku jist'arasin jupanakar irpsuwayxäna, jupanakar sarakïnwa:

Romanos 14:10

Jumasti, ¿kunatarak jilamar k'umtasti? Jan ukax, ¿kunatarak jisk'achtasti? Taqpachaniw Diosan nayraqatapan taripatäñatak uñstañäni.

Romanos 14:21

Askiwa aycha jan manq'añaxa, vino umañasa, kun jan wal lurañasa, ukanakatix jilamar tinkuyirjamächi ukaxa.

Romanos 15:1

Khitinakatix iyawsañan ch'amanïktan ukanakax, pisi ch'amanin t'ukhachasiñanakap jiwasankkaspas ukham apañasawa, janiw jiwasax kuntix munktan uk thaqhañasäkiti.

1 Corintios 11:22

¿Janit jumanakasti utanakanïpkta utaman manq'apxañamataki, umapxañamatakisti? ¿Kunatarak ukham lurasasti Diosan iglesiap jisk'achayapxta, jan manq'añaninakar p'inqa tukuyasasti? ¿Kamsapxarakïmasti? ¿“Walikiw” sapxämati? ¡Uka luratanakamax janiw walïkiti!

1 Corintios 16:11

Ukhamasti jan khitis jumanakat jupar jisk'achpati; jan ukasti, saräwipan sumäñapatak yanapt'apxam, nayar uñjir jutañapataki, nayasti mayni jilatanakamp kunaw jupar suyaskta.

1 Corintios 9:22

Kunapachatix pisi iyawsañan jilatanakampi chikäkäyät ukkhaxa, jupanakjamarakiw tukta, jupanakan Cristor iyawsapxañapataki. Mä arunxa, jupanakjamaw tukta, ukhamat mä qawqhanis qhispitäpxañapataki.

2 Corintios 10:1

Naya Pablow jumanakar Criston suma munasiñap layku achikt'asipxsma, jumanak taypin jikxataskta ukkhax “wali axsarir jaqiw” sapkchitu ukasa, jumanakat jayan jikxataskta ukkhasti “wali qhuru jaqiw” sapkchitu ukasa.

2 Corintios 10:10

Yaqhipax nayan qillqatanakaxax wali ch'aman qhuru arumpi qillqataw sapxiwa, ukampis jupampi parlañax arsutapas jan yäqañjamakiwa, sasa.

Gálatas 6:1

Jilatanaka, maynirutix kuna juchar tinkutap uñjapxstaxa, jumanakax Diosankirinakjamax jupan sayt'asiñapatak yanapt'apxam, llamp'u chuymampi parlxayapxam, taqi amuyumpiraki. Ukampis sapa mayni amuyaspan, jupas yant'ataw uñjasirakispa.

1 Tesalonicenses 4:8

Ukhamasti khititix aka yatichäwir jisk'achki ukax janiw khiti jaqirus jisk'achkiti, jan ukasti Diosaruw jisk'achaski, khititix Qullan Ajayup churkistu ukaru.

1 Timoteo 4:12

Waynätam laykux janipun jisk'achayasimti; jan ukasti, iyawsirinakan mä suma uñtkañ sarnaqam, parläwimana, sum sarnaqañana, munasiñana, Cristor iyawsañana, q'uma kankañan jakañansa.

Hebreos 1:14

Diosar luqtañanxa, taqpach angelanakaw ajayüpxi, qhispiyasiñ katuqapkani ukanakar yanapt'añatak khithanitawa.

Hebreos 9:24

Cristox janiw jaqinakan lurat qullan chiqar mantkänti, ukax chiqpach qullan utar uñtatakïnwa, jan ukasti Cristox pachpa alaxpacharuw mantäna, jichhasti ukan Diosan nayraqatapan jiwasatak mayiski.

Apocalipsis 8:2

Ukatsti paqallqu angelanakar Diosan nayraqatapankaskir uñjarakta, jupanakarusti paqallqu trompetanakaw churasïna.