Mateo 17:12 - Qullan Arunaka DC

¹² Ukampis nayax sapxsmawa, Eliasax niyaw jutxi, juparusti janiw uñt'apkänti, jan ukasti jupampix kuntix jupanakax munapkän uk lurapxäna. Uka kipkarakiw jaqin Yuqaparux t'aqhisiyapxani —sasa.

Aymar Bibliia 1986

¹² Nayasti sapjjsmawa, Eliasajj niyaw jutjje. Juparusti janiraquiw amuyapcänti ni uñt'apcaraquïnsa, jan ucasti jupampejj cuntejj jupanacajj munapcäna ucwa lurapjje. Uca quipcaraquiw Jaken Yokaparojj t'akhesiyapjjani —sasa.

Qullan Arunaca

¹² Nayasti sapjjsmawa, Eliasajj niyaw jutjje. Juparusti janiraquiw amuyapcänti ni uñt'apcaraquïnsa, jan ucasti jupampejj cuntejj jupanacajj munapcäna ucwa lurapjje. Uca quipcaraquiw Jaken Yokaparojj t'akhesiyapjjani —sasa.

Mateo 17:12 Jak'a apnaqawi uñst'ayäwi

Mateo 11:2

Bautisir Juanasti, kuntix Jesusax lurkatayna ukanak carcelan yatitayna. Ukat pani arkirinakaparux Jesusar

Mateo 16:21

Jesusax uka urut qalltasin yatiqirinakaparux kunatix jupampi luraskani uk qhanañchañ qalltäna, sarakïnwa: “Jerusalén markar sarañaxaw wakisini, ukansti marka apnaqir jilïrinakampi, sacerdotenakan jilïrinakapampi, kamachi yatichirinakampiw wal t'aqhisiyapxitani. Ukan nayarux jiwayapxitani, ukampis kimsüru jiwatat jaktanï” sasa.

Mateo 17:11

Jesusasti ukxarux sarakïnwa: —Eliasax chiqapuniw nayraqat jutani, jupasti taqi kun wakicht'ani.

Mateo 17:13

Ukapachaw Jesusan yatiqirinakapax Bautisiri Juanat parlaskatap amuyapxäna.

Mateo 17:22

Galilea tuqin sarnaqapkipansti, Jesusax jupanakar sänwa: —Jaqin Yuqapax juchararanakan amparapar katuyatäniwa,

Mateo 17:9

Qullut saraqankasinsti, Jesusax jupanakar sänwa: —Janiw khitirus aka uñjäwi yatiyapxätati, kunürutix jaqin Yuqapax jiwatanak taypit jaktkani ukürkama —sasa.

Mateo 21:32

Bautisiri Juanax aski jakañ thakhi yatichiriw juti, jumanakasti janiw juparux iyawsapktati; ukampis, Romatak qullqi apthapirinakampi, walja chachanakampi sarnaqir warminakampix iyawsapxiwa. Jumanakasti ukanak uñjkasinsa, janiw jupar iyawsañatak kutikipstapktati.

Mateo 8:20

Jesusasti juparux sarakïnwa: —Qamaqinakax putunakaniwa, jamach'inakas tapanakanirakiwa, ukampis Jaqin Yuqapan janiw kawkhar p'iqip waynuqt'añapas utjkiti —sasa.

Lucas 7:33

Bautisir Juanaw juti, jupasti janiw t'ant'a manq'känti, janirakiw vino umkänti; jumanakasti: ‘Ñanqha ajayuniw’ sapxaraktawa.

Juan 1:11

Jupasti jupankirinakan ukaruw jutäna, jupankirinakasti janiw katuqapkänti.

Hechos 2:23

Uka chacharusti Diosan amtataparjam arsutaparjamaw katuyat uñjasïna; jumanakasti jucharar jaqinakan amparanakap tuqiw jiwayapxtaxa, mä cruzar ch'akkatasa.

Hechos 4:10

Jumanakax yatipxam, Israelankir jaqinakas yatirakpan, jumanakan nayraqataman jikxataski uka k'umarachat jaqix, Nazaretankir Jesucriston sutiparuw k'umaraptat uñjasi, jumanakax juparuw ch'akkatapxtaxa, ukampis Diosaw jiwatanak taypit jupar jaktayi.

Hechos 7:52

¿Profetanakat kawkïrirusa, nayra awkinakamax jan t'aqhisiyapkänxa? Jupanakax mayni aski jaqin jutañapat yatiyirinakarux jiwayapxänwa. Uka aski jaqin jutxipansti, jumanakax jupar katuntayasin jiwayapxaraktawa.