Mateo 15:11 - Qullan Arunaka DC

¹¹ Kunatix jaqin purakapar mantki ukax janiw jaqirux q'añuchkiti. Jan ukasti, kuna arunakatix jaqin lakapat mistki ukaw jaqirux q'añuchi —sasa.

Aymar Bibliia 1986

¹¹ —Ist'apjjam ucatsti amuyt'apjjaraquim: Cunanacatejj jaken puracapar mantqui ucajj janiw jakerojj k'añuchquiti, ucampis jaken lacapat mistquis ucawa jakerojj k'añuchi —sasa.

Qullan Arunaca

¹¹ —Ist'apjjam ucatsti amuyt'apjjaraquim: Cunanacatejj jaken puracapar mantqui ucajj janiw jakerojj k'añuchquiti, ucampis jaken lacapat mistquis ucawa jakerojj k'añuchi —sasa.

Mateo 15:11 Jak'a apnaqawi uñst'ayäwi

Salmos 10:7

Arunakapax chuyma ust'ayir arunakawa; suma arunïpkaspas ukhamäpxiwa, ukampis ñanqhachaña, t'aqhisiyañ amtanïpxiwa.

Salmos 12:2

2 (3) Maynit maynikamaw k'arintasipxi, sallqa chuymampiw parlapxi, ch'uxña chuymampiw arsupxi.

Isaías 37:23

¿Khitirus arunakamampix ñanqhachtaxa? ¿Khititakis ukataq arustaxa, jach'a jach'a tukusas uñatatastaxa? ¡Israelan Qullan Diosapatakiw ukham lurtaxa!

Mateo 15:10

Jesusasti jaqinakar jawsthapisin akham sänwa: —Ist'apxam, amuyt'apxarakim:

Mateo 15:12

Yatiqirinakapasti Jesusar jak'achasisin jiskt'apxäna: —¿Amuyastati? Fariseonakax arunakam ist'asax wal mayjt'asipxi —sasa.

Marcos 7:15

Kuna manq'atix lakat jaqin purakapar mantki ukax janiw jaqirux q'añuchkaspati, jan ukasti kuna q'añu arunakatix jaqin chuymapat mistki, ukaw jaqirux q'añuchi. [

Romanos 14:14

Cristor arkirjamax taqi ukanak sum nayax amuyta: Janiw kuna manq'asa ñanqhäkaspati; ukampis maynitix mä kunan ñanqhätap amuychixa, jupatakix ñanqhäskapuniwa.

Romanos 14:17

Diosan qhapaq markapanxa, kun manq'añasa, kun umañasa, janiw wakiskirïkiti, jan ukasti, Qullan Ajay tuqi chiqa kankañan sarnaqaña, sumankaña, kusisiña ukaw wakiskirixa.

Romanos 14:20

Janiy manq'a laykux Diosan luräwip ina ch'usar tukuyamti. Chiqpachansa, taqi manq'ax q'umawa; mä kun manq'asa maynin iyawsäwip mayjt'ayañaw jan walïkiti.

1 Timoteo 4:3

Uka jaqinakax chacha warmi jaqichasiñat jark'apxi, Diosan uchat manq'anakat tuwasipxi, uka manq'anakasti Diosar iyawsirinakana, chiqa uñt'irinakan yuspagarañ chuymampi manq'añapatak uchatawa.

Tito 1:15

Khitinakatix Tatit Jesucristor jaysapki ukanakatakix taqi kunas sumawa, ukampis jupar jan jaysapki ukanakatakix taqi kunas janiw walïkiti, jupanakax kunatix jan walïki ukak lup'isipki, amuyunakapana, chuymanakapan q'añütap layku.

Hebreos 13:9

Jumanakasti janiy yaqha jan uñt'at yatichäwinakampix apayasipxamti. Diosan munasiñapampi chuymar ch'amañchañax juk'amp sumawa, manq'añanakxat kunayman arsutanakar phuqhañat sipana, uka arsutanakax janiw kunapachas askïkänti.

2 Pedro 2:18

Jupanakasti jaqinakampi yäqayasiñatakix suma arunak sapxi, ukasti chiqpachansa inamayakiwa. Ukatsti yaqhipanakarux jan wali lurañanakap lurañapatakiw wayt'apxi, jucha lurañanakat jaltirinakarux wasitat uka jan walinakar irpapxi.